Kwalula 14:6 - MUKANDA USANDU WA ZAMBI 1975

⁶ Yoshua, mwana wa Nune, ni Kalemba, mwana wa Yefune, a kuli waze asembwile chifuchi, yasonya mazalo jo.

Mukanda Wa Zambi 1970

⁶ Yoshua mwana wa Nune, ni Kaleba mwana wa Jefune, aali a hakachi ka ngendeshi, yaachanuna mahina jo ni kubihilila.

Kwalula 14:6 Iomraidhean Croise

Ubutukilo 37:29

Rupene yaya nawa ku wina, kuwana José keshimo. Kashika yapula mazalo jenyi.

Ubutukilo 37:34

Yakomba yapula mazalo jenyi, yalijichika chikeleyi, walishimwokene matangwa anji hali mwanenyi.

Ubutukilo 44:13

O yapula mazalo jo, mutu ni mutu yatwika yimbulu jo, yahiluka ku limbo.

2 Samuel 3:31

David yamba kuli Joabe ni kuli atu eswe hamwe nenyi ngwenyi, Sonyenu mazalo jenu nukazale yikeleyi, nukalishimwoke kumeso ja Abenere. Mwanangana David wakawile muhango.

1 MIANANGANA 18:37

Henaho Eliakimi mwana Hilekia mukwa kuyula zuwo, ni Shepena mukwa kusonyeka, ni Joa mwana Asafwe mukwa kusoneka sango, yeza kuli Hezekia ni mazalo jo a kusonya. Yamwambulwila maliji a Rabeshaka.

1 Sango Ja Mianangana 7:27

ni mwanenyi Nune, ni mwanenyi Yoshua.

Jobe 1:20

Aho Jo yakatuka; yapula mazalo jenyi; yalitewula kawewe; yafulamana hashi ni kuwayila ngwenyi,

Kwalula 13:30

Kalemba yaholesa atu kumeso ja Mose ngwenyi, Tukandukenu haliapwila, tukachizuke; mumu tunahase kanawa kuchikumba.

Kwalula 13:6

Kalemba, mwana wa Yefune, wa ku munyachi wa Yunda;

Kwalula 13:8

Hosea, mwana wa Nune, wa ku munyachi wa Eframe;

Kwalula 14:24

Alioze Kalemba, kavumbi kami, mumu iye kali ni Spiritu yeka, hanangukaula liakulu, kumungukamuhetesa iye ku chifuchi kuze ayile iye. Ana jenyi makachizuka.

Kwalula 14:30

chamwenemwene kunuchi kaheta ku che chifuchi, ha kutwala ku chenacho nalakenyene ni shingo ngwami, Mungukanutwamisamo, shina Kalemba, mwana wa Yefune, ni Yoshua, mwana wa Nune.

Kwalula 14:38

Alioze Yoshua, mwana wa Nune, ni Kalemba, mwana wa Yefune, a kuli malunga ayile mukusembula chifuchi, o wika atwamine ni mwono.

Kwalula 14:5

Hohene Mose ni Arone yafulamana kumeso ja mbunga yeswe ya chikungulwila cha A-Izalele.

Kwalula 14:7

O yamba ku chikungulwila cheswe cha A-Izalele ngwo, Chifuchi chize twendesele nikuchisembula, kuchapwa chifuchi chipema chikolo.

Mateu 26:65

Hohene sasendote mukwa lutwe wasonyene mahina jenyi, ngwenyi, Hashililika Zambi: kuchi tunafupu nawa hali yela? Talenu, haliapwila hinwevwa kushililika chenyi.

Marku 14:63

Sasendote mukwa lutwe wasonyene chikuto chenyi. Yamba ngwenyi, Kuchi tunafupu nawa yela?

Yilinga 14:14

Alioze muze apostolo, Mbarnavwe ni Paulu, achivwile, asonyene mahina jo, o atuhukile fuji, ayile hakachi ka mbunga nikukololoka ngwo,

Yoshua 14:6

Mba A-Yunda ejile kuli Yoshua ku Ngilingali. Kalemba, mwana wa Yefune, Ka-Kenaze, wambile kuli iye ngwenyi. Unanyingika chize Yehova wambile kuli Mose, mwe mutu wa Zambi, mu Kandeshe-Mbania ha kutwala kuli yena ni yami.

Yoshua 7:6

Mba Yoshua yasonya mazalo jenyi, yafulamana hashi kumeso ja mushete wa Yehova ndo chingoloshi, ni iye ni makulwana a Izalele. Yasa nawa mavu ha mitwe yo.

Akwa Kuyula 11:35

Ha kumumona iye wapulile mazalo jenyi ngwenyi, Lwangu mwanami! Hiwangukoka mu mavu. Mumu ha mukunda wa yena hinapwa ni lamba linene. Mumu hinahanjika ni Yehova mba Chahashile kulishingulula ku chilakenyo chami.