Kwalula 14:5 - MUKANDA USANDU WA ZAMBI 1975

⁵ Hohene Mose ni Arone yafulamana kumeso ja mbunga yeswe ya chikungulwila cha A-Izalele.

Mukanda Wa Zambi 1970

⁵ Hohene Mose ni Arone yaafulamana ku meso ja atu eswe.

Kwalula 14:5 Iomraidhean Croise

Ubutukilo 17:3

Apalama yafulamana ha meso jenyi, mba Zambi yahanjika nenyi ngwenyi,

1 Yitanga Ya Mianangana 18:39

Muze atu eswe achimwene yafulamana ha meso jo, yamba ngwo, Yehova iye Zambi! Yehova iye Zambi!

1 Sango Ja Mianangana 21:16

David yahetula meso jenyi, yamona mungelo wa Yehova kanamana hakachi ka hashi ni lilu, ni katana wa kutomona mu kwoko lienyi kanamuzozo helu lia Yerusaleme. Henaho David ni makulwana, eswe anazala yikeleyi, yafulamana hashi.

Ezekiel 9:8

Shimbu machilamba, ni yami nasalile ukawami, yingufulamana hashi nikuteta ngwami, Mwene Yehova! Muonwona waze eswe anasala mu Izalele ha kuzukula ufwatulo ha Yerusaleme?

Daniel 10:9

Yingwivwa lundunjila wa liji lienyi, mba ha kwivwa lundunjila wa liji lienyi, nafulamanyine hashi ni tulo anji, ni meso jami mu mavu.

Alevi 9:24

Kahia kakatukile kumeso ja Yehova yalalisa mulambu wa kulumba hamwe ni maji ha chilumbilo. Muze atu eswe hachimona, atetele mba yafulamana ha meso jo.

Kwalula 14:6

Yoshua, mwana wa Nune, ni Kalemba, mwana wa Yefune, a kuli waze asembwile chifuchi, yasonya mazalo jo.

Kwalula 16:22

O yafulamana hashi, yamba ngwo, Zambi, mwe Zambi ya maspiritu a atu eswe, mutu umuwika mavulumuna mba mutenuka ni chikungulwila cheswe nyi?

Kwalula 16:4

Muze Mose achivwile, yafulamana hashi.

Kwalula 16:45

Katukenu hakachi ka chikungulwila chino, hanga ngwamanune mu kashimbu kakepekepe. O yafulamana hashi.

Kwalula 17:10

Yehova yamba kuli Mose ngwenyi, Hilwisa mulumbu wa Arone kulutwe lia Shindakenyo, mukuufunga ukapwe chilayi cha akwa kukolema, hanga ukaholese kulinyenyeta cho hali yami, kuchina mafwa.

Kwalula 20:6

Mose ni Arone yakatuka kumeso ja chikungulwila, yaya ku chikolo cha mbalaka ya chikungulwila, yafulamana hashi. Ulemu wa Yehova wasolokele kuli ayo.

Mateu 26:39

Wasosolokele kulutwe hakepe, wafulamanyine nikulemba ngwenyi, Tata, nyi muchitá, musenge uno ukatuke kuli yami: hindu kanda chikapwa ngwe yami ngunapale, alioze ngwe yena unapale.

Yoshua 5:14

Iye yakumbulula ngwenyi, Ka, alioze yami hineza ngukapwe kapitau ka tujita twa Yehova. Mba Yoshua yafulamana ha meso jenyi nikuwayila, ngwenyi, Mwene, kuchi mutuma yami ngamba ye?

Yoshua 7:10

Yehova yamba kuli Yoshua ngwenyi, Katuka! Kuchi te hiwafulamana?

Usolwelo 4:10

makumi aali a makulwana ni makulwana awana mafulamana kumeso ja yoze mukwa mwono ndo ku miaka yeswe ya mutolo, mambila yipangula yo kulutwe lia ngunja, ngwo,

Usolwelo 5:14

Ni akwa mwono awana ambile ngwo, Amene; ni makulwana afulamanyine, awayilile.

Usolwelo 7:11

Ni angelo eswe amanyine ha kujingilika ngunja, ni makulwana ni akwa mwono awana; o afulamanyine kulutwe lia ngunja, awayilile Zambi,