Kwalula 14:34 - MUKANDA USANDU WA ZAMBI 1975

³⁴ Nikulita ni kwalula cha matangwa nwasembwile chifuchi, te makumi awana, ha tangwa mwaka, ha tangwa mwaka, munukambata uhenge wenu, makumi awana a miaka. Munukanyingika kulimuna chami.

Mukanda Wa Zambi 1970

³⁴ Munukamona lamba lia shili yenu miaka makumi awana, nikulita ni matangwa makumi awana waze nwendesele che chifuchi. Munukanyingika ulumbunwiso wa kulimika ni yami!

Kwalula 14:34 Iomraidhean Croise

1 Yitanga Ya Mianangana 8:56

Yehova afumane yoze hahwimisa atu jenyi A-Izalele nikulita ni chize cheswe walakenyene. Chipwe liji limuwika kuliahonene ha chilakenyo chenyi chipema chize walakenyene kuli Mose kavumbi kenyi.

2 Sango Ja Mianangana 36:21

akamanunune liji lia Yehova ku kanwa lia Jeremia, ndo chifuchi hichahwima masambata jacho, mumu shimbu chatwamine cha hululu chahwimine Sambata, akamanunune makumi shimbiali a miaka.

Miaso (Masamu) 105:42

Mumu wewulukile liji lienyi lisandu ni Apalahama kavumbi kenyi.

Miaso (Masamu) 38:4

Mumu uhenge wami wanguhiana helu lia mutwe wami. Wangulemena naye ngwe chiteli chilemu.

Miaso (Masamu) 77:8

Utu wa zango lienyi hiwahwa ndo ku miaka ya mutolo, nyi? Chilakenyo chenyi muchifwa ndo ku miaka ya mutolo, nyi?

Miaso (Masamu) 95:10

Makumi awana a miaka ndusu napihilile ni chisemuko chize. Nambile ngwami, Wano atu akwa kuhenga mu mbunge jo; kanyingikine majila jami.

Ezekiel 14:10

O matambula kastigu yo—kastigu ya profeta ni kastigu ya mukwa kuhula, chimuwika muyipwa—

Ezekiel 23:35

Kashika Mwene Yehova kanambe ngwenyi, Se hiwanguvulama ni kungumbila kunyima ye, kashika panjika ku yuma yino muyikuwana ha mukunda wa usolo we ni ukoi we.

Ezekiel 4:5

Mumu ngunakusela matangwa a kwalula, kulakaji atatu ni makumi livwa a matangwa nikulita ni miaka ya uhenge wo. Chocho mukambata uhenge wa munyachi wa Izalele.

Ezekiel 4:6

Muze hiwamana wano mukapomba chisuho chamuchiali ha pachi ja chindume Ukambate uhenge wa munyachi wa Yunda. Ngunakusela makumi awana a matangwa; ha mwaka, tangwa limuwika; ha mwaka, tangwa limuwika.

Daniel 9:24

Hali atu je ni chihunda che chisandu hanasela shimbi ya makumi shimbiali a semana kumanununa Utanguko, ni kusulisa shili, ni kukukila uhenge, ni kuhetesa ululi wa mutolo, ni kujika ni Chijikilo usolwelo ni uprofeto, ni kuzujila maji muma musandu mwahiana.

Hosea 9:12

Chipwe malela ana hindu mungwashiha, kechi kasala niumwe. Lamba lio! Muze mungwakatuka.

Alevi 20:19

Kanda ufukula mwanakwo wa noko hanji yayo, chipwe ndumbwa-tatenu. Acho kufukula usoko wa ha muchima. Akambate uhenge wo.

Zakaria 11:10

Yingwanda mulumbu wami Vumbi, yinguumakuna, nikushiha usendo uze nalingile ni e mavungu eswe.

Kwalula 13:25

Ha kuhwa cha makumi awana a matangwa o yahiluka ha kusembula chifuchi.

Kwalula 18:23

A-Levi akalinge uvumbiko wa mu mbalaka ya chikungulwila; o akambate uhenge wo. Chikapwe chiyulo cha mutolo ndusu yisemuko yenu. Hakachi ka A-Izalele o kanda akapwa ni chihinga nichimwe.

Kwalula 32:13

Utenu wa Yehova yiukasumukina A-Izalele, yaendanganyisa mu puya makumi awana a miaka, ndo chisemuko chize chalingile chipi kumeso ja Yehova chakuwile.

Yilinga 13:18

Ha shimbu ngwe makumi awana a miaka walihumikijine ni ndako jo.

Shimbi 2:7

Mumu te Yehova Zambi yenu hananuwahisa ni milimo yeswe ya moko jenu, iye kananyingika kwendangana chenu mu puya yino yinene. Makumi aze awana a miaka Yehova wapwile hamwe ni yenu, kunwahonene nichimwe.

Hebreu 4:1

Twivwenu woma kashika, kuchina hanji, se hanatuhichikila chilakenyo cha kunjila mu uhwimino wenyi, umwe wa kuli yenu mamumona ngwe kanachihono.

Yoshua 14:10

Kashika, talenu, Yehova hangufunga ni mwono chizechene ngwe ambile, makumi awana a miaka ni miako yitano, chize ku tangwa lize Yehova wambile liji lino kuli Mose, cheswe A-Izalele machenda mu puya. Haliapwila nguli ni makumi nake a miaka ni miaka yitano.

Usolwelo 11:3

Mba mungukahana tachi kuli yela jami aali, o makaprofeteza kanunu ka matangwa, kulakaji aali a matangwa, ni makumi asambano a matangwa, kanazala yikeleyi.

1 Samuel 2:30

Kashika Yehova Zambi ya Izalele kanambe ngwenyi, Chamwenemwene nambile ngwami, Munyachi we ni munyachi wa tatenu kumakenda kumeso jami ndo ku miaka ya mutolo. Alioze haliapwila Yehova kanambe ngwenyi, Chikapwe kusuku ni yami, mumu waze mangulemesa ni yami mungwalemesa, alioze waze mangulelesa kumakasauka.