Kwalula 14:3 - MUKANDA USANDU WA ZAMBI 1975

³ Kuchi te Yehova hatuhetesa ku chifuchi chino, hanga atushihe ni katana nyi? Ni mapwo jetu ni ana jetu makapwa funge; Shinaho tuhilukenu ku Engitu?

Mukanda Wa Zambi 1970

³ Mumu yika Mwene Zambi Watunehene ku chifuchi chino? Kuchalitele kwetu kuhiluka ku Egiptu, nyi?”

Kwalula 14:3 Iomraidhean Croise

Nehemia 9:17

Kazangile kwononoka; kasolo kwiwuluka yikomokeso yize walingile hakachi ko. Akwachile pami ni ha kukukatukila atongwele umwe kasongo akahiluke ku undungo wo. Alioze yena uli Zambi mukwa kukonekena, mukwa vumbi, wa tò ni keke, kushi kutenuka washi, mukwa kulumbamisa utu wa zango, kashika kwaehukile.

Miaso (Masamu) 78:40

Yisuho yipwa haha amukatukilile mu puya, nikumuvwisa kupiha mu makango.

Kutuhuka 16:3

A-Izalele yamba kuli ayo ngwo, Kachi twafwile ni kwoko lia Yehova mu chifuchi cha Engitu muze twatwamine ku ndeho ja yifwo, muze twalile nikukuta. Mumu yenu hinwatuhetesa ku puya yino mukushiha ni zala chikungulwila chino cheswe.

Kutuhuka 5:21

Yamba kuli ayo ngwo, Yehova anutale. Iye apatule mumu hinwatunukisa ni vumba lipi kumeso ja Falau ni kumeso ja ngamba jenyi ha kuhana katana mu kwoko lio akatushihe.

Jeremia 42:14

nikwamba ngwenu, Hi chocho ko, kumutuya ku chifuchi cha Engitu, kuze kutuchi kamona jita, hanji kwivwa liji lia chitavwi, hanji kwivwa zala ya mbolo, kwenako mututwama.

Jeremia 42:19

Yehova hanambe kuli yenu masalila ja A-Yunda ngwenyi, Kanda nuya ku Engitu. Kashika nyingikenu pundu hinanutoweza musono

Jeremia 9:3

Kakunana malimi jo ngwe uta; mahuza hakola mu chifuchi, hi umwenemwene ko. Kakuya chize ku chipi chimwe ndo ku chipi chikwo, kangunyingikine. Chocho kanambe Yehova.

Kwalula 11:20

Alioze kakweji mweswe, ndo ye yifwo muyikatuhuka ku mazulu jenu. Kumuyikanusekela, se hinwalituna Yehova yoze watwama hakachi kenu, se hinwalila kumeso jenyi ngwenu, Yika te twakatukile ku Engitu?

Kwalula 16:13

Chamokomoko nyi, se watuchijile ku chifuchi kuze kunokela yamwa ni wuchi, ukatushihe mu puya, mba chatamba kulipwisa mwata wa yetu nawa nyi?

Kwalula 20:3

E atu yalitachika ni Mose, yamba ngwo, Mala, kachi twafwile muze afwile akwetu kumeso ja Yehova!

Kwalula 21:5

Atu ahanjikile nikulimika ni Zambi, ni kulimika ni Mose ngwo, Kuchi te nwatuchijile ku Engitu? Kumanyi, tufwile mu puya nyi? Mumu kulia kuchishiko, ni meya akuhi. Mbolo yino yamokomoko, hiyatusekela.

Yilinga 7:39

kuli iye tulamba twetu katayile kwononoka, alioze amuchinjile kuli ayo, atewulukilile kunyima mu mbunge jo ku Engitu.

Shimbi 1:39

Chikwo nawa, ana jenu akepe nwambile ngwenu, O kumapwa funge, ni ana jenu haliapwila kanyingikine chipema chipwe chipi, o kumakanjilamo, mungukaahacho, o kumakachizuka.