Kwalula 14:18 - MUKANDA USANDU WA ZAMBI 1975

¹⁸ Yehova, iye makoke kutenuka, utu wa zango lienyi kuwalumbama, nikukonekena uhenge ni uvulumunyi, ngwenyi, kechi kuhasa kusambisa mukwa kuhia. Alioze kakufwetesa ana uhenge wa yisemi ku chisemuko chamuchitatu, ni ku chamuchiwana.

Mukanda Wa Zambi 1970

¹⁸ ‘Yami Mwene Zambi Chishi kutenuka nikawashi, nakuzanga atu kuhiana. Nguli mukwa kushishika, nakukonekena akwa shili ni akwa uhulia. Hindu Chishi kulitwamina kumwesa ana ni ajikulu ni tukwatambuli lamba mumu ha shili ya atato.’

Kwalula 14:18 Iomraidhean Croise

Nehemia 9:17

Kazangile kwononoka; kasolo kwiwuluka yikomokeso yize walingile hakachi ko. Akwachile pami ni ha kukukatukila atongwele umwe kasongo akahiluke ku undungo wo. Alioze yena uli Zambi mukwa kukonekena, mukwa vumbi, wa tò ni keke, kushi kutenuka washi, mukwa kulumbamisa utu wa zango, kashika kwaehukile.

Jobe 21:19

Enu nunambe ngwenu, Zambi kakutulikila uhenge hali ana jo a malunga, alioze akaafwetese ene hanga achinyingike.

Miaso (Masamu) 103:8

Yehova kazala tò ni keke ni vumbi; iye makoke kutenuka, utu wa zango lienyi kuwalumbama.

Miaso (Masamu) 108:4

Mumu utu wa zango lie Wahiana helu lia malilu. Umwenemwene we unahete ndo ku malelwa.

Miaso (Masamu) 109:14

Yehova akewuluke uhenge wa akako. Mulonga wa naye kanda akaujimuna.

Miaso (Masamu) 145:8

Yehova iye mukwa vumbi kanda mukwa keke. Keshi kutenuka kawashi. Utu wa zango lienyi unene.

Miaso (Masamu) 78:38

Alioze iye nikwivwa keke, waakonekenene uhenge wo, kaajimine. Ewa, kanji kanji watewulwile utenu wenyi; kasungile ufwatulo wenyi weswe.

Miaso (Masamu) 86:15

Alioze yena Mwene uli Zambi wa tò ni keke ni vumbi. Kushi kutenuka nikawashi; utu wa zango lie ni umwenemwene we kuyalumbama.

Kutuhuka 20:5

Kanda ukafukama kuli ayo, chipwe kwalingila, ka, mumu yami Yehova Zambi ye, nguli Zambi ya ukwa, nikufwetesa ana uhenge wa atato ndo ku chisemuko chamuchitatu ni chamuchiwana cha waze akunguvwila kole;

Kutuhuka 20:6

nikulweza utu wa zango kuli tununu twa waze akunguzanga, kuli waze akufunga shimbi jami.

Jeremia 23:2

Kashika ha kutwala kuli tufunga waze akufunga atu jami Yehova Zambi ya Izalele kanambe ngwenyi, Enu hinwamwanga mapanga jami ni kwahuma. Kunwaasele mbunge. Yami mungunusela mbunge ha yitanga yenu yipi. Chocho kanambe Yehova.

Jeremia 32:18

Kuwakulweza utu wa zango lie kuli tununu, alioze kuwakufwetesa uhie wa atato kuli ana jo waze anaakaula. Yena Zambi munene wa ndundo, uli ni jina lia Yehova-wa-Tujita.

Lungungu 5:7

Tulamba twetu avulumwine, ni musono keshiko; yetu tunatambula lamba lia uhenge wo.

Yona 4:2

Yalemba kuli Yehova ngwenyi, Yehova, ngunalembe kuli yena, te chambile chino chene shimbu te nguchili mu chifuchi chami nyi? Kashika naliangile kuchinyina ku Tashi, mumu nanyingikine ngwami, Uli Zambi ya vumbi, wa tò ni keke, makoke kutenuka, mukwa kulumbamisa utu wa zango, kuwakulikonyeka ha chuma chikalu.

Mika 7:18

Iya mapwa Zambi ngwe yena, mukwa kukonekena uhenge, ni kuzomboka milonga ya masalia ja chihinga chenyi? Kechi kufunga utenu wenyi wa mutolo mumu kakuwahilila ni utu wa zango.

Kwalula 14:17

Haliapwila ngunaliumbu kuli yenu ngwami, Mwane, tachi ja Mwene jikapwe jinene, nikulita ngwe yenu nwambile ngwenu,

Kwalula 23:21

Kamwene uhenge muli Yakomba, chipwe kumona uhuka mu Izalele, kaumweneko. Yehova Zambi yenyi hamuwika nenyi ali. Mutambi wa mwanangana uli hakachi ko.

A-ROMA 5:21

Hanga chizechene ngwe shili yayulile mu kufwa, chocho nawa vumbi likayule ku ululi ndo ku mwono wa mutolo mumu hali Yesu Kristu Mwene wetu.

Shimbi 5:10

nikulweza utu wa zango kuli tununu twa waze akunguzanga, kuli waze akufunga shimbi jami.

Shimbi 5:9

Kanda ukafukama kuli ayo, chipwe kwalingila, ka, mumu yami Yehova Zambi ye, nguli Zambi ya ukwa, nikufwetesa ana uhenge wa atato ndo ku chisemuko chamuchitatu ni chamuchiwana cha waze akunguvwila kole;

Shimbi 7:10

eswe akunuvwila kole iye kakwafwetesa ku meso jo, mukwaonwona. Iye kechi kalalukila yoze mamuvwila kole, makamufwetesa ku meso jenyi.

Shimbi 7:9

Kashika, nyingikenu ngwami, Yehova Zambi yenu, iye Zambi, Zambi mukwa jika, wakufunga usendo ni utu wa zango ku kanunu ka yisemuko, kuli waze eswe akumuzanga, te waze akufunga maliji jenyi a shimbi,