Kwalula 13:31 - MUKANDA USANDU WA ZAMBI 1975

³¹ Alioze e malunga waze akandukile hamwe nenyi yamba ngwo, Kutwahashile kukanduka nikulimika ni aze atu, mumu o katakama, yetu, ka.

Mukanda Wa Zambi 1970

³¹ Alioze waze ayile hamwe ni Kaleba yaamba ngwo: “Ka, kutwahashile kwakumba. Atu jacho kaali ni tachi kuhiana yetu.”

Kwalula 13:31 Iomraidhean Croise

Kwalula 13:30

Kalemba yaholesa atu kumeso ja Mose ngwenyi, Tukandukenu haliapwila, tukachizuke; mumu tunahase kanawa kuchikumba.

Kwalula 32:7

Kuchi te munuhongesa mbunge ja A-Izalele, nikwachinda kunjila mu chifuchi Yehova anaahecho?

Kwalula 32:9

Mumu muze akandukile ku chikulo cha Esekole, atalile chifuchi, yahongesa mbunge ja A-Izalele nikwachinda kunjila mu chifuchi Yehova aahelecho.

Shimbi 1:28

Tukandukile kulihi nyi? Akwetu hanatushihi mbunge jetu ngwo, Atu jako anene, atolomoka kuhiana yetu. Membo anene, yipanga yo yaheta ku malilu. Chikwo nawa, yitumonako ana ja A-Anake a malunga.

Shimbi 9:1

Enu A-Izalele, ivwenu, munuzauka Yordau musono, mununjila mu chifuchi, mukuhuma mavungu ananuhiana ni unene, ni ndundo, membo anene, ni yipanga ndo mwilu,

Hebreu 3:19

Mba tunamono kahashile kunjilamo mumu kafulieleleko.

Yoshua 14:8

Alioze akwetu waze ayile ni yami, o alezumwishine mbunge ja atu. Hindu yami nakawile Yehova Zambi yami ndusu mu yuma yeswe.

1 Samuel 17:33

Saulu yamba kuli David ngwenyi, Kuchi kuhasa kulimika ni yono Ka-Filistea ukase nenyi jita, mumu uchili mukweze neye hapwa kajita chize ku ukweze wenyi.