Biblia Todo Logo
Bìoball air-loidhne

- Sanasan -




Kwalula 13:29 - MUKANDA USANDU WA ZAMBI 1975

29 A-Amaleke katwama mu chifuchi cha Negeve; ni A-Hete, ni A-Yepushe, ni A-Amore katwama ku milundu; ni A-Kanana katwama ku mbaka ni mu chikulo cha Yordau.

Faic an caibideil Dèan lethbhreac

Mukanda Wa Zambi 1970

29 Aamaleke kaatwama ku sali lia sude mu chifuchi, Ahite, ni Ajebuse, ni Aamore kaatwama ku chifuchi cha milundu. Akanana kaatwama ku mbumbulu ya kalunga lwiji Mediterane ni mu chikulo cha lwiji Yordau.”

Faic an caibideil Dèan lethbhreac




Kwalula 13:29
27 Iomraidhean Croise  

Mba yahiluka, yeza ku Emishipate (likwo ngwo, Kandeshe). Yalamba chifuchi cheswe cha A-Amaleke, ni A-Amore aze atwama mu Hazazone-Tama.


Wawanyine mbunge yenyi yingunu kumeso je; wakolesele nenyi usendo ukamwehe chifuchi cha A-Kanana, ni A-Hete, ni A-Amore, ni A-Perize, ni A-Yepushe, ni A-Ngikashe, ukachihane kuli akwa munyachi wenyi. Hiwalinga nikulita ni maliji je mumu uli mukwa ululi.


Ni Gepale, ni Amone, ni Amaleke, ni A-Filistea, ni waze atwama mu Teru.


Hinamba ngwami, Mungukanuchiza ku luyinda wa Engitu, mungukanutwala ku chifuchi cha A-Kanana, ni A-Hete, ni A-Amore, ni A-Perize, ni A-Hevwe, ni A-Yepushe, ku chifuchi kuze kunokela yamwa ni wuchi.


Hinahulumuka mukwapulula ku moko ja A-Engitu, mukwachiza ku chifuchi chize, mukwatwala ku chifuchi chipema, chinene, ndo ku chifuchi kuze kunokela yamwa ni wuchi, ndo ku chihela cha A-Kanana, ni cha A-Hete, ni cha A-Amore, ni cha A-Perize, ni cha A-Hevwe, ni cha A-Yepushe.


Mose yaatuma mukusembula chifuchi cha Kanana. Yamba kuli ayo ngwenyi, Kandukilenu ku jila yino ya ku Negeve, kandukenu ndo ku milundu.


Kalemba yaholesa atu kumeso ja Mose ngwenyi, Tukandukenu haliapwila, tukachizuke; mumu tunahase kanawa kuchikumba.


A-Amaleke ni A-Kanana kanatwama mu chikulo; hamene hilukenu nuye ku puya, ku jila ya kuya ku Kalunga-lwiji Muchila.


Mumu kokwene A-Amaleke ni A-Kanana kulutwe lienu ali, kumunukafwa ku katana; mumu hinwachina kukaula Yehova, kashika Yehova kechi kupwa hamwe ni yenu.


Haze hene hapalumukine A-Amaleke ni A-Kanana, aze atwamine ha we mulundu, yaalamba ni kwaonwona, ndo ku Horoma.


Iye yatala Amaleke, yata chishima chino ngwenyi, Amaleke wapwile mutangu wa mavungu, kusula-songo lienyi kumulikapwa ha kwonwona.


ahoze nukaakuwise liakulu, ni A-Hete, ni A-Amore, ni A-Kanana, ni A-Perize, ni A-Hevwe, ni A-Yepushe, ngwe anwambile Yehova Zambi yenu;


Muze Yehova Zambi yenu manuhetesa mu chifuchi nunayi kuchizuka, ha kahuma mavungu anji kumeso jenu, A-Hete, ni A-Ngikashe, ni A-Amore, ni A-Kanana, ni A-Perize, ni A-Hevwe, ni A-Yepushe, mavungu shimbiali ananuhiana ni unene, ni ndundo,


Mba e mianangana atano a A-Amore, mukwo mwanangana wa Yerusaleme, mukwo mwanangana wa Heprone, mukwo mwanangana wa Yaramuta, mukwo mwanangana wa Lakishi, mukwo mwanangana wa Eglone yakungulula tujita two, yakanduka ni maswalale jo eswe, yasa chilombo cho kulutwe lia Ngibeone nikwasa no jita.


Malunga a Ngibeone yatuma kuli Yoshua mu chilombo cha Ngilingali ngwo, Kanda nwecha yetu ngamba jenu ku kwoko lienu. Tweyenu kuli yetu fuji nutulamwine, nutukwase mumu mianangana eswe a A-Amore wano atwama mu milundu hanalikungulula kulimika ni yetu.


Yoshua yamba ngwenyi, Ha chikuma chino mununyingika ngwenu, Zambi ya mwono hwali hakachi ka yetu, mba iye kechi kuhona kuhuma A-Kanana, ni A-Hete, ni A-Hevwe, ni A-Perize, ni A-Ngikashe, ni A-Amore, ni A-Yepushe kumeso jetu.


Mianangana eswe a A-Amore waze atwama mu sali lia Yordau ku Chitokelo, ni mianangana eswe a A-Kanana waze atwama ku sesa lia kalunga-lwiji, muze evwile ngwo, Yehova womishine meya a Yordau hali A-Izalele ndo hazauka, mbunge jo jasangunukine. Kapwile nawa ni mbunge, mumu hali A-Izalele.


Mba mianangana aze eswe atwama mu sali lia Yordau mu milundu ni mu yana yeswe ya ku mbaka ya Kalunga-lwiji Munene, kwa kuya ku Lebano, ni A-Hete, ni A-Amore, ni A-Kanana, ni A-Perize, ni A-Hevwe, ni A-Yepushe; o muze evwile chuma chino


Chocho A-Izalele atwamine hakachi ka A-Kanana, ni A-Hete, ni A-Amore, ni A-Perize, ni A-Hevwe, ni A-Yepushe.


Mumu muze A-Izalele alimine mbuto, A-Mindiane, ni A-Amaleke, ni akwa Chivumbuko ejile nikwapupa.


Yalinga ni hamu. Yakumba A-Amaleke. Yapulula A-Izalele ku moko ja waze aapupile.


David ni malunga jenyi ayile nikupupa A-Ngeshure, ni A-Ngezere, ni A-Amaleke, mumu katu ku shakulu e akwa chifuchi wano, ndo ku Shure ku chifuchi cha Engitu.


Ha tangwa liamuchitatu muze David ni malunga jenyi yeza ku Zikalage, kumanyi A-Amaleke hananeha jita ku Negeve ni ku Zikalage. Hanakumbu chihunda cha Zikalage nikuchocha kahia.


Membo aze A-Filistea te hanatambula kuli A-Izalele aahilwishilo, chize ku Ekrone ndo ku Ngata. Ni ye njiza yako yeswe A-Izalele yayitambula kuli A-Filistea. Chikwo nawa kukwapwile jita hakachi ka A-Izalele ni A-Amore.


Lean sinn:

Sanasan


Sanasan