Kwalula 13:27 - MUKANDA USANDU WA ZAMBI 1975

²⁷ Yaambulwila ngwo, Twahetele ku chifuchi kuze nwatutumine, kuze kunokela yamwa ni wuchi, mba ye mihuko yamo yino.

Mukanda Wa Zambi 1970

²⁷ Ngwo: “Tunakendesa chifuchi kuchiwana, ma ma ma maa! Chili ni ubite unji, chifuchi cha chinuno. Tala mihuko yacho.

Kwalula 13:27 Iomraidhean Croise

Nehemia 9:25

Atambwile yihunda ya yipanga-ya-mawe, ni chifuchi cha chinuno. Azukile mazuwo a tò ni yuma yeswe yipema—mashima a kutota mu liwe, ni minda ya uva, ni minda ya olevwe, ni mitondo ya ngolo ya mihuko. Chocho alile, akuchile, atohele, ni kuwahilila mu upeme we unene.

Kutuhuka 13:5

Chikapwe muze Yehova makanuhetesa ku chifuchi cha A-Kanana, ni cha A-Hete, ni cha A-Amore, ni cha A-Hevwe, ni cha A-Yepushe, che chize alishingile kuli tulamba twenu mukunwaha, chifuchi kuze kunokela yamwa ni wuchi, ngwami, Ha kakweji yono mwene nukalinge uvumbiko uno.

Kutuhuka 3:17

Hinamba ngwami, Mungukanuchiza ku luyinda wa Engitu, mungukanutwala ku chifuchi cha A-Kanana, ni A-Hete, ni A-Amore, ni A-Perize, ni A-Hevwe, ni A-Yepushe, ku chifuchi kuze kunokela yamwa ni wuchi.

Kutuhuka 3:8

Hinahulumuka mukwapulula ku moko ja A-Engitu, mukwachiza ku chifuchi chize, mukwatwala ku chifuchi chipema, chinene, ndo ku chifuchi kuze kunokela yamwa ni wuchi, ndo ku chihela cha A-Kanana, ni cha A-Hete, ni cha A-Amore, ni cha A-Perize, ni cha A-Hevwe, ni cha A-Yepushe.

Kutuhuka 33:3

ndo ku chifuchi kuze kunokela yamwa ni wuchi; mumu yami mwene chichi kukanduka mukachi kenu mumu yenu nuli akwa pami, kuchina mungukanwonwona mu jila.

Jeremia 11:5

hanga ngukamanune shingo lize nalishingile ni tulamba twenu, ngukaahe chifuchi cha kupukukila yamwa ni wuchi, ngwe ha tangwa lino lia musono. Ami nakumbulwile ngwami, Chochene, Yehova.

Jeremia 32:22

Waahele chifuchi chino te hiwalishinga ni tulamba two kwaahacho; chifuchi kuze kunokela yamwa ni wuchi.

Ezekiel 20:15

Chikwo nawa nalishingile kuli ayo mu puya ngwami, Chichi kanutwala ku chifuchi chize nanuhele, chifuchi chinokela yamwa ni wuchi, chifuchi chahiana yifuchi yeswe ni uhenya,

Ezekiel 20:6

Ha tangwa lize nalishingile kuli ayo kwachiza mu chifuchi cha Engitu nikwaneha ku chifuchi hinaafupila; chifuchi chinokela yamwa ni wuchi, che chifuchi chahiana yifuchi yeswe ni uhenya.

Alevi 20:24

Alioze hingunambe kuli yenu ngwami, Munuhinga chifuchi cho, mungunwahacho nukachizuke, chifuchi kuze kunokela yamwa ni wuchi. Yami Yehova Zambi yenu yoze wanuhandunwine ku mavungu.

Kwalula 14:7

O yamba ku chikungulwila cheswe cha A-Izalele ngwo, Chifuchi chize twendesele nikuchisembula, kuchapwa chifuchi chipema chikolo.

Kwalula 14:8

Nyi Yehova wawahilila muli yetu, iye kumakatunjisa mu chino chifuchi, kumakatwahacho; chifuchi kuze kunokela yamwa ni wuchi.

Kwalula 16:13

Chamokomoko nyi, se watuchijile ku chifuchi kuze kunokela yamwa ni wuchi, ukatushihe mu puya, mba chatamba kulipwisa mwata wa yetu nawa nyi?

Kwalula 16:14

Chikwo nawa, yena kwatuhetesele ku chifuchi kuze kunokela yamwa ni wuchi, chipwe kutwaha chihinga cha minda ni minda ya uva kwatuheleyo; mba unazange kutuwa meso ja wano malunga nawa nyi? Kutwayileko.

Shimbi 11:9

hanga nwokese matangwa jenu mu chifuchi chize alishingile Yehova kuli tulamba twenu mukwaahacho, ni kuli ana jo, chifuchi chize chinokela yamwa ni wuchi.

Shimbi 26:9

Yatuneha kuno, yatwaha chifuchi chino, chifuchi kuze kunokela yamwa ni wuchi.

Shimbi 27:3

Nukasonekeho maliji eswe a shimbi yino, te ha kuzauka, ni kunjila mu chifuchi Yehova Zambi yenu ananwehecho, chifuchi kuze kunokela yamwa ni wuchi, ngwe Yehova Zambi ya tulamba twenu anulakenyene.

Shimbi 31:20

Muze mungwahetesa mu chifuchi nalishingile kuli tulamba two mukwaahacho, kuze kunokela yamwa ni wuchi, ha kulia, ha kukuta, ha kutoha, henaho o makatewulukila ku tuzambi tweka, nikutuvumbika, makangulelesa, makatangula usendo wami.

Shimbi 6:3

Enu A-Izalele, ivwenu kashika, nukanyame kuyilinga, hanga nutwame kawape, hanga nwoke chinji, ngwe anulakenyene Yehova Zambi ya tulamba twenu, mu chifuchi munokela yamwa ni wuchi.

Yoshua 5:6

Mumu A-Izalele endele makumi awana a miaka mu puya ndo lie vungu lieswe, e matanga eswe a jita afwile, waze akatukile ku Engitu, mumu kapanjikile ku liji lia Yehova. Kuli ayo Yehova walishingile ngwenyi, Kunuchi kumona chifuchi chize Yehova walishingile kuli tulamba twenu kuhana kuli yenu, chifuchi kuze kunokela yamwa ni wuchi.