Kwalula 13:26 - MUKANDA USANDU WA ZAMBI 1975

²⁶ Yaheta kuli Mose ni kuli Arone ni ku chikungulwila cheswe cha A-Izalele, ku puya ya Parane, ku Kandeshe. Yatwa lusango kuli ayo, ni ku chikungulwila cheswe, yaalweza ye mihuko ya mu chifuchi.

Mukanda Wa Zambi 1970

²⁶ kuli Mose ni Arone, ni ku Chikungulwila cheswe cha Aisraele, ku Kadeshe mu puya ya Parane. Yaambulula yize amwene, yaalweza mihuko yize te anambata.

Kwalula 13:26 Iomraidhean Croise

Ubutukilo 14:7

Mba yahiluka, yeza ku Emishipate (likwo ngwo, Kandeshe). Yalamba chifuchi cheswe cha A-Amaleke, ni A-Amore aze atwama mu Hazazone-Tama.

Miaso (Masamu) 29:8

Liji lia Yehova kuliakunyikisa puya; Yehova kakunyikisa puya ya Kandeshe.

Kwalula 13:25

Ha kuhwa cha makumi awana a matangwa o yahiluka ha kusembula chifuchi.

Kwalula 13:3

Mose yaakatwisa ku puya ya Parane nikulita ni liji lia shimbi ya Yehova, malunga eswe akwa lutwe a A-Izalele.

Kwalula 20:1

Chikungulwila cheswe cha A-Izalele ahetele ku puya ya Zini ha kakweji mutangu. E atu yatwama ku Kandeshe. Kokwene afwilile Miriame. Yamufundako.

Kwalula 20:14

Mose yatuma mikeji ku Kandeshe kuli mwanangana wa Endome ngwenyi, Chocho anambe mwanakwenu Izalele ngwenyi, Yena unanyingika lamba lize liatuwanyine yetu;

Kwalula 20:16

Muze twatetele kuli Yehova, iye yevwa liji lietu, yatuma mungelo, yatuchiza ku Engitu; kumanyi ku Kandeshe tuli, ku limbo liatwama ku songo lia njiza je.

Kwalula 32:8

Chocho alingile atatenu muze naakatwishile ku Kandeshe-Mbania akatale chifuchi.

Kwalula 32:9

Mumu muze akandukile ku chikulo cha Esekole, atalile chifuchi, yahongesa mbunge ja A-Izalele nikwachinda kunjila mu chifuchi Yehova aahelecho.

Kwalula 33:36

Yakatuka ku Ezione-Ngebere, yasa chilombo cho mu puya ya Zini, yenayo Kandeshe.

Shimbi 1:19

Yitukatuka ku Horepe, yitupalika ndusu puya yeswe yinene yakola woma, yenu nwayimwene, mu jila ya kuya ku chifuchi cha A-Amore ku milundu ngwe atwambile Yehova Zambi yetu. Yituheta ku Kandeshe-Mbania.

Shimbi 1:2

Katuke ku Horepe, kuchapwa wenyi wa kumi lia matangwa ni tangwa limuwika ku jila ya mulundu wa Sere kuheta ku Kandeshe-Mbania.

Yoshua 14:6

Mba A-Yunda ejile kuli Yoshua ku Ngilingali. Kalemba, mwana wa Yefune, Ka-Kenaze, wambile kuli iye ngwenyi. Unanyingika chize Yehova wambile kuli Mose, mwe mutu wa Zambi, mu Kandeshe-Mbania ha kutwala kuli yena ni yami.

Yoshua 14:7

Muze Mose mwe kavumbi ka Yehova ku Kandeshe-Mbania wangutumine kwendesa chifuchi, napwile ni makumi awana a miaka, mba namunehene liji nikulita ni chize chapwile mu mbunge yami.