Kwalula 13:23 - MUKANDA USANDU WA ZAMBI 1975

²³ Yaheta ku chikulo cha Esekole, yatetako mutango ni chichakata chimuwika cha uva, atu aali yachikulika ha mukambo. Yatwala nawa jimwe romana ni makuyu.

Mukanda Wa Zambi 1970

²³ Yaaheta ku chikulo cha Eshkole. Kwenako atetele mutango umuwika uze wabwile ni yichakata ya vinyu yilemu yahiana. Ha kulema chayo atu aali ayimbachile. E ngendeshi yaaneha nawa mihuko ya grenade ni mikuyu. (

Kwalula 13:23 Iomraidhean Croise

Ubutukilo 14:13

Umwe yomboka, yeza, yambulwila Apalama mwe Ka-Hepreu. Iye te kanatwama ku mitondo ya Mamare Ka-Amore, mwanakwo wa Esekole ni wa Anere. Wano te halikunda ni Apalama.

Kwalula 13:24

Chihela chize yachiluka jina ngwo, Chikulo cha Esekole mumu ha chichakata chize A-Izalele ateteleko.

Kwalula 32:9

Mumu muze akandukile ku chikulo cha Esekole, atalile chifuchi, yahongesa mbunge ja A-Izalele nikwachinda kunjila mu chifuchi Yehova aahelecho.

Shimbi 8:8

chifuchi Chikwete tiliku, ni sevada, ni mitondo ya uva, ni mikuyu, ni romana, chifuchi Chikwete mitondo ya olevwe ni wuchi nawa.

Akwa Kuyula 16:4

Mba kulutwe wazangile umwe pwo wa mu chikulo cha Soreke, jina lienyi Ndelila.