Kwalula 13:20 - MUKANDA USANDU WA ZAMBI 1975

²⁰ Ni chize chipwa chifuchi, nyi shina mavu jacho anawaha, nyi shina haseka; kutala nyi mitondo yilimo nyi ka. Hamukenu, nunehe mihuko yimwe ya mu chifuchi. Mwaka wacho te mwaka wa kuhela uva yitangu kuhia.

Mukanda Wa Zambi 1970

²⁰ Nukatale chifuchi nyi chili ni chinuno, nawa nyi chili cha mitondo. Nukasa shindakenyo ni kwanda yimwe mihuko, nukeza nayo.” (Te haaheta ha kangonde wa kuhela vinyu.)

Kwalula 13:20 Iomraidhean Croise

1 Sango Ja Mianangana 22:11

Kashika mwanami, Yehova akapwe hamwe ni yena akakuwahise. Tunga zuwo lia Yehova Zambi ye nikulita ni liji lienyi hali yena.

Nehemia 9:25

Atambwile yihunda ya yipanga-ya-mawe, ni chifuchi cha chinuno. Azukile mazuwo a tò ni yuma yeswe yipema—mashima a kutota mu liwe, ni minda ya uva, ni minda ya olevwe, ni mitondo ya ngolo ya mihuko. Chocho alile, akuchile, atohele, ni kuwahilila mu upeme we unene.

Nehemia 9:35

Mumu kakulingilile mu wanangana wo, ni mu upeme we unene waahele, ni mu chifuchi cha chinuno waahele kushi; kasolo kwecha yitanga yo ya ungulungulu.

Ezekiel 34:14

Mungukaalisa mu kelo jipema. Kelo jo mujikapwa ha milundu ya Izalele. Kwenako makapomba mu chifuchi chipema cha kelo; mu kelo ja maji makalia ha milundu ya Izalele.

Daniel 11:24

Ha mwaka wa kuhwima makeza ndo ku yihanda ya chifuchi yize yili ni upite wunji. Makalinga yuma atato kalingile, chipwe akako, ni kumwanga hakachi ko upite wa kupupa, ni upite wa ku jita, ni yikumba. Makataka manyonga a kulimika ni yihunda ya kukolesa, alioze ha kashimbu wika.

Mika 7:1

Lamba liami mumu hinapwa ngwe muze mihuko ya lwiza hayihela; muze uva hayihela, kukushi chichakata cha kulia, chipwe kuyu litangu kuhia, lize mbunge yami yakuzanga.

Kwalula 13:19

Ni chize chipwa chifuchi, shina chipema nyi shina chipi. Ni membo muze atwama ayo, shina mu yilombo, nyi shina mu yihunda ya kukolesa.

Shimbi 1:24

O yatewuluka, yakanduka mulundu, yaheta ku chikulo cha Esekole. Yachendesa.

Shimbi 1:25

Yambata ha moko jo mihuko yimwe ya ku chifuchi, yapalumuka nayo kuli yetu, yatunehena liji ngwo, Che chifuchi Yehova Zambi yetu anatwehecho kuchawaha.

Shimbi 31:23

Yehova yahana kuli Yoshua, mwana wa Nune, chiyulo ngwenyi, Takama, uhamuke, mumu kumukahetesa A-Izalele mu chifuchi nalishingile kuhana kuli ayo. Mungukapwa hamwe ni yena.

Hebreu 13:6

Chocho ni kuhamuka tunambe ngwetu, Mwene iye chikwashi chami; chichi kevwa woma. Atu yika mangulinga?

Yoshua 1:6

Takama, hamuka mumu yena muhetesa vungu lino mu chifuchi cha chihinga chize nalakenyene ni shingo kuli tulamba two kwaaha.

Yoshua 1:9

Te chakutumine nyi? Takama; hamuka; kanda wivwa woma hanji mwongo, mumu Yehova Zambi ye hwali hamwe ni yena kweswako muoya.

Yoshua 2:1

Ku Shitime Yoshua mwana wa Nune watumine malunga aali ngendeshi ngwe ku tenga ngwenyi, Yénu nukatale chifuchi ni Yeriku. O yaya, yaheta ku zuwo lia umwe chikoi jina lienyi, Rahape. Yapombako.

Yoshua 2:3

Mwanangana wa Yeriku yatuma kuli Rahape ngwenyi, Malunga waze ezanga kuli yena nikunjila mu zuwo lie, wanehe haze mumu heza mukwendesa chifuchi cheswe.