Kwalula 12:6 - MUKANDA USANDU WA ZAMBI 1975

⁶ Ngwenyi, Panjikenu maliji jami. Kachi profeta hwali hakachi kenu, yami Yehova kumungulisolola kuli iye mu usolwelo, kumunguhanjika nenyi mu chilota.

Mukanda Wa Zambi 1970

⁶ Mwene Zambi yaamba ngwenyi: “Haliabwila banjikenu chize ngunambe! Muze nuli ni akwa munanyi mukachi kenu, nakusoloka kuli ayo mu Usolwelo ni kuhanjika no mu yilota.

Kwalula 12:6 Iomraidhean Croise

Ubutukilo 15:1

Kulutwe lia yino yuma liji lia Yehova yiliza kuli Apalama mu usolwelo ngwo, Apalama, kanda wivwa woma, yami nguli lukepwe we, kanda nguli kwononona che chahiana.

Ubutukilo 20:7

Haliapwila kashika hilwisa pwo lia yono lunga, mumu iye profeta, kumakakulembela ukatwame ni mwono. Nyi kwamuhilwishile, nyingika pundu kumuofwa, ni yena ni atu je eswe.

Ubutukilo 28:12

Yalota, kumanyi yamona ndalo ya kumika hashi, songo liayo liaheta ndo mwilu, angelo a Zambi nikukanduka nikuhulumuka.

Ubutukilo 28:16

Mba Yakomba yalaula ku tulo twenyi, yamba ngwenyi, Pundu, Yehova kuno kwali, ami chachinyingikine.

Ubutukilo 37:5

José yalota chilota, yachilweza kuli ayayo, kashika o yaweza nawa ku kole yo.

Ubutukilo 37:9

Iye yalota nawa chilota chikwo, yachilweza kuli ayayo ngwenyi, Kumanyi, hinalota nawa chilota chikwo. Ni tangwa, ni kakweji, ni kumi lia matongonoshi ni lutongonoshi umuwika yahetamina hashi kuli yami.

Ubutukilo 46:2

Zambi yahanjika ni Izalele ni usolwelo wa ufuku ngwenyi, Yakomba, Yakomba. Iye yamba ngwenyi, Yami uno.

2 Samuel 7:4

Alioze ufuku uze wene liji lia Yehova yiliza kuli Natane ngwo,

1 Yitanga Ya Mianangana 3:15

Solomone yalaula; kumanyi chapwile chilota. Iye yeza ku Yerusaleme; yamanyina kumeso ja mushete wa usendo wa Yehova; yalambula milambu ya kulumba, yalambula milambu ya sambukila. Yalinga chiteleka kuli akwa kumulingila eswe.

1 Yitanga Ya Mianangana 3:5

Ku Ngibeone Yehova yasoloka kuli Solomone mu chilota ha ufuku. Zambi yamba ngwenyi, Eta cheswacho unazange; mungukwahacho.

Jobe 33:15

Mu chilota, hanji mu usolwelo wa ufuku muze tulo anji heza hali atu no kanapombo tulo ha mihela yo.

Jobe 4:13

Mu manyonga a usolwelo wa ufuku muze tulo anji akwiza hali atu,

Miaso (Masamu) 105:15

ngwenyi, Kanda nusunga waze naawayishile ni maji. Aprofeta jami kanda nwalinga nichimwe chipi.

Miaso (Masamu) 89:19

Mba wahanjikile mu usolwelo kuli musandu we. Wambile ngwe, Hinakwasa umwe mukwa ndundo; hinanangamisa umwe wa kutongola hakachi ka atu.

Kutuhuka 7:1

Yehova yamba kuli Mose ngwenyi, Tala hinakupwisa ngwe Zambi kuli Falau. Yayenu Arone mapwa profeta ye.

Jeremia 23:25

Hinevwa aprofeta ha kuprofeteza mahuza mu jina liami ngwo, Hinalota, hinalota!

Jeremia 23:28

Profeta mweswe kali ni chilota akachaule chilota chenyi, alioze mweswe kali ni liji liami ahanjike liji liami ni umwenemwene. Yehova kanambe ngwenyi, Mwambu wamokomoko ni tiliku kuyinalifu te?

Ezekiel 1:1

Ha mwaka makumi atatu, ha kakweji wamuchiwana, ha tangwa liamuchitano lia kakweji, te nguli hakachi ka njize ku lwiji Chebare, malilu azulukile, mba yingumona usolwelo wa Zambi.

Daniel 10:8

Chocho yingusala ukawami, mba yingumona usolwelo uno unene. Tachi chapwile najo; kuwaha chami cha ku meso hichalumuka kupiha; chasalile nawa ni tachi.

Daniel 2:19

Henaho chijimbikilo achijimbwile kuli Daniel mu usolwelo ha ufuku. Kashika Daniel yahalisa Zambi ya mwilu.

Daniel 7:1

Ha mwaka utangu wa Beleshazare mwanangana wa Babilonia, Daniel watetele chilota ni usolwelo wa mu mutwe wenyi shimbu te kanapombo ha muhela wenyi. Henaho wasonekene chilota chenyi ni kwambulula ulumbunwiso wa chikuma.

Daniel 8:2

Namwene mu usolwelo wami, te nguli mu mbala ya Shushane, mu chifuchi cha Elame. Namwene mu usolwelo, nguli ku lwiji Ulai.

Hosea 12:11

Nyi uhenge muuli mu Ngiliate kumakalumuka amokomoko. Nyi malambula kuji a ngombe mu Ngilingali makapwisa yilumbilo yo ngwe milumba ya mawe ha mihanga mu minda.

Joele 3:1

Mumu ha matangwa aze ni miaka yize muze mungukuhilwisa kuwaha cha Yunda ni Yerusaleme,

Zakaria 1:8

Namona ha ufuku kumanyi umwe lunga kanende hali kavwalu muchila. Kanamana hakachi ka mitondo ya miluta mu mungulunga; kunyima yenyi te kunamana tuvwalu achila, ni a yipeka, ni atoma.

Kwalula 24:4

Maliji a yoze wakwivwa maliji a Zambi, Iye anamono usolwelo wa Mukwa-Ndundo-Jeswe, Kanalimbuka, kanalaula meso.

Mateu 1:20

Alioze shimbu anyongene ha yino yuma, kumanyi, mungelo wa Mwene wasolokele kuli iye mu chilota, ngwenyi, José, yena mwana David, kanda wivwa woma kutambula mukwenu-pwo Maria: mumu chize chinaseseka muli iye cha kuli Spiritu Musandu.

Mateu 2:19

Alioze muze te Heronde hafwa, kumanyi, mungelo wa Mwene yasoloka kuli José mu chilota mu Engitu, ngwenyi,

Mateu 23:31

Kashika nwakulishindakenya hali yenwene nuli ana a waze ashihile aprofeta.

Mateu 23:34

Kashika mungutuma kuli yenu aprofeta ni akwa mana, ni akwa kusonyeka: amwe a kuli ayo munukaashiha nikwahachila ha kulusu; ni akwo a kuli ayo munukaalamba ni shikote mu masunangonga jenu, nikwahungumiona katu ku limbo ndo ku limbo,

Mateu 23:37

A Yerusaleme! A Yerusaleme! Yena, wakushiha aprofeta, wakwasa mawe waze aatumine kuli yena! Yisuho yipwa haha hingunazange kukungulula ana je ngwe chali makunga ana jenyi mushi lia mapulwa jenyi, ni yenu kunwatayileko!

Mateu 27:19

Alioze shimbu machitwama ha chitwamo cha upatwilo, mukwo-pwo watumine kuli iye, ngwenyi, Kanda ulinga nichimwe kuli yoze mukwa ululi; mumu namona lamba linji tangwa lino mu chilota mumu hali iye.

Luka 1:11

Mungelo wa Mwene wasolokele kuli iye, kanamana ku sali lia chindume lia chilumbilo cha insensu.

Luka 1:22

Mba muze atuhukile, kahashile kuhanjika kuli ayo; o anyingikine ngwo, Hamona usolwelo mu tembele. Iye wanyongonwene nikulinga yilayi kuli ayo, alioze wasalile kamama.

Luka 20:6

Alioze kachi mutwamba ngwetu, Kuli atu; atu eswe kumatwasa mawe; mumu kanakunuka ngwo, Yoano iye profeta.

Yilinga 10:11

iye yamona lilu linazuluka, ni chikwachilo chimwe chinahulumuka, ngwe hina linene, kanalisunwisa ku mbango jiwana hashi:

Yilinga 10:17

Shimbu Petulu akakashanyine muli iye mwene, chize usolwelo uze amwene muulumbunuka, kumanyi, malunga waze atumiwine kuli Koneliu, te hahula ha zuwo lia Semone, amanyine ku chikolo,

Efesu 4:11

Iye hanahana amwe apostolo; ni amwe aprofeta; ni amwe akwa kwambujola; ni amwe tulayi ni alongeshi;

Shimbi 18:15

Yehova Zambi yenu kumakanusolwela profeta umwe hakachi kenu wa kuli usoko wenu, malifwa ni yami. Munukamupanjika iye;

Shimbi 18:18

Mungukaasolwela profeta hakachi ka usoko wo, malifwa ni yena; mungusa maliji jami mu kanwa lienyi, iye kumakambulula kuli ayo yeswe mungumwambayo.

Hebreu 1:1

Zambi, se wahanjikile ha shakulu kuli tulamba ni makanwa ja aprofeta ku yihanda yeka ni yeka, ni ndako jeka ni jeka,

Usolwelo 11:10

Akwa hashi yawahilila hali ayo, yasehejela; makatumisa yawana umwe kuli mukwo ni mukwo: mumu wano aprofeta aali amwesene lamba akwa hashi.

Usolwelo 11:3

Mba mungukahana tachi kuli yela jami aali, o makaprofeteza kanunu ka matangwa, kulakaji aali a matangwa, ni makumi asambano a matangwa, kanazala yikeleyi.

1 Samuel 28:6

Alioze muze Saulu yahula kuli Yehova, Yehova kamukumbulwile chipwe ku yilota chipwe ku Urimi chipwe kuli aprofeta.

1 Samuel 3:15

Samuel yapomba ndo hikwacha, mba yazulula mapito a zuwo lia Yehova, te woma anevu kulweza usolwelo kuli Eli.

1 Samuel 3:21

Mba Yehova yasoloka kuli Samuel cheka nawa mu Shilo. Mumu Yehova walisolwele kuli Samuel mu Shilo ku liji lia Yehova.