Kwalula 12:2 - MUKANDA USANDU WA ZAMBI 1975

² Ngwo, Te Yehova hahanjika ni Mose wika nyi? Iye kahanjikile ni yetu nawa? Mba Yehova yachivwa.

Mukanda Wa Zambi 1970

² Yaamba ngwo: “Kuma Zambi hahanjika ni yena wika, yetu ka, nyi?” Mwene Zambi yevwa yize ahanjekele. (

Kwalula 12:2 Iomraidhean Croise

Ubutukilo 29:33

Yaka ufumba nawa, yasema mwana wa lunga. Yamba ngwenyi, Mumu Yehova hevwa liji ngwo, Kamuzangile kashika hangwaha mwana yono nawa. Yamuluka jina lienyi, Simeone.

2 Samuel 11:27

Mba muze kulila hichahwa David yatuma, yamuneha ku zuwo lienyi yamumbata. Mba yamusemena mwana wa lunga. Alioze chuma halinga David chapihililile Yehova.

1 MIANANGANA 19:4

Hanji muchipwa Yehova Zambi ye mevwa maliji eswe a Rabeshaka yoze watumiwanga kuli mwata wenyi mwanangana wa Asuria kuchoka Zambi ya mwono, hanji iye makanjisa maliji eswe Yehova Zambi ye hevwa. Kashika uchilembele kama waze asala.

Kutuhuka 4:14

Utenu wa Yehova yiukasumuka hali Mose, yamba ngwenyi, Yayenu Arone Ka-Levi keshiko nyi? Ngunanyingika ngwami, Iye kananyingika kuhanjika ni kushilinginya. Chikwo nawa ngwenyi, Tala, kaneza mukutakana ni yena. Muze makumona, mevwa chiseke mu mbunge yenyi.

Kutuhuka 4:30

Arone walumbunwine maliji eswe Yehova te hanambe kuli Mose. Yalinga ye yilayi kumeso ja atu.

Kutuhuka 5:1

Kulutwe Mose ni Arone yanjila, yamba kuli Falau ngwo, Chocho anambe Yehova, Zambi ya A-Izalele, ngwenyi, Echa atu jami aye akangulingile chiwanyino mu puya.

Kutuhuka 7:10

Mose ni Arone ahetele kuli Falau, yalinga chocho ngwe Yehova aambile. Arone yambila mulumbu wenyi hashi kumeso ja Falau ni kumeso ja ngamba jenyi, mba yiwalumuka kapela.

Yishima 13:10

Ku kulengumuka wika kuneza kulitachika; alioze mana kwali kuli mukwa kulongoloka.

Izaya 37:4

Hanji muchipwa Yehova Zambi ye mevwa maliji a Rabeshaka yoze watumiwanga kuli mwata wenyi mwanangana wa Asuria kuchoka Zambi ya mwono, hanji iye makanjisa maliji aze Yehova Zambi ye hevwa. Kashika uchilembele kama waze asala.

Mika 6:4

Nanuchijile ku chifuchi cha Engitu, nikunukula ku zuwo lia upinji. Natumine Mose, ni Arone, ni Miriame kunutetekela.

Kwalula 11:1

Atu alinyenyetene nikuhanjika yipi ku matwi ja Yehova. Muze Yehova achivwile, utenu wenyi wakasumukine, mba kahia ka kuli Yehova kalekwokele hakachi ko. Yikalalisa ku songo lia chilombo.

Kwalula 11:29

Mose yamba kuli iye ngwenyi, Unaavwila ukwa mumu hali yami nyi? Ngunazange kachi atu eswe a Yehova kapwa aprofeta, hanga Yehova ase hali ayo Spiritu yenyi.

Kwalula 12:3

Mwe lunga Mose wapwile mukwa kushimbika chikolo. Ha kushimbika iye wahianyine atu eswe apwile hashi.

Kwalula 16:3

Yalikungulula nikulimika ni Mose ni Arone, yamba kuli ayo ngwo, Hikwahwa ni yenu! Mumu akwa chikungulwila eswe asandu, mutu mweswe, Yehova hwali hakachi ko. Kuchi te nunalitangala helu lia mbunga ya Yehova?

A-ROMA 12:10

Ha kufwila cha mandumbu, lifwilenu ni utu umwe kuli mukwo ni mukwo; ha ulemu, eswe akaliange kuulweza kuli mukwo.

A-ROMA 12:3

Mumu ku vumbi lize anguhele, ngunambe kuli mutu ni mutu hakachi kenu ngwami, Kanda alinyonga kuhiana chize chamutamba kunyonga; alioze akanyonge ni mana; ngwe Zambi hanapangila kuli mutu ni mutu njongo yenyi ya Ufulielo.

Filipu 2:14

Lingenu yuma yeswe ni kulinyenyeta nichimwe, ni kuhangulula nichimwe;

Filipu 2:3

Kanda nulinga nichimwe ku Spiritu ya kulitachika, hanji ya uhenya wamokomoko, alioze ni mbunge ya kulikehesa, mweswe anyonge ngwenyi, Mukwetu wanguhiana.

1 Petulu 5:5

Chizechene twanuke, zeyelenu kuli makulwana, ewa, yenu eswe lijichikenu ni muya wa kulikehesa, hanga nukalivumbike umwe ni mukwo ni mukwo: mumu Zambi kakulimika ni akwa kulizelula, aiioze kakuhana vumbi kuli akwa kulikehesa.