Kwalula 12:13 - MUKANDA USANDU WA ZAMBI 1975

¹³ Mose yateta kuli Yehova ngwenyi, Zambi, ngunaliumbu kuli yena, umuhindwise kama.

Mukanda Wa Zambi 1970

¹³ Mba Mose yakololoka kuli Mwene Zambi ngwenyi: “Aa Zambi! Muwuke kama!”

Kwalula 12:13 Iomraidhean Croise

Ubutukilo 20:17

Mba Apalahama yalemba kuli Zambi, Zambi yawuka Apimeleke, ni mukwo-pwo, ni ndungo jenyi a mapwo, yasema ana.

1 Yitanga Ya Mianangana 13:6

Mba mwanangana yakumbulula yamba kuli mutu wa Zambi ngwenyi, Lembelela vumbi lia Yehova Zambi ye ungulembele kama kwoko liami likahinduke nawa. Mutu wa Zambi waliumbile kuli Yehova mba kwoko lia mwanangana yilihinduka lialumukine ngwe liapwile kunyima.

Miaso (Masamu) 30:2

Yehova Zambi yami, natetele kuli yena ni yena wanguwukile.

Miaso (Masamu) 41:4

Nambile ngwami, Yehova, nguvwile kama vumbi; wuka mbunge yami mumu nakuvulumwine.

Kutuhuka 15:26

Yamba ngwenyi, Kachi yenu munuhalakana pundu ku liji lia Yehova Zambi yenu, nikulinga chize chinate ku meso jenyi, nikupanjika ku maliji jenyi a shimbi, nikufunga yiyulo yenyi yeswe, kachi chichi kusa hali yenu kuyiza nichimwe nasele hali A-Engitu, mumu Yami Yehova, mukwa kunuwuka.

Kutuhuka 4:7

Yamba kuli iye ngwenyi, Njisa kwoko lie mu tulo ye cheka nawa. Cheka nawa yanjisa kwoko lienyi mu tulo yenyi mba muze yalichiza, kumanyi hilialumuka nawa chimuwika ni mujimba wenyi weswe.

Izaya 30:26

Chikwo nawa pangu lia kakweji mulikapwa ngwe pangu lia tangwa, ni pangu lia tangwa mulikaliwezela tachi yisuho shimbiali, ngwe pangu lia matangwa shimbiali ha tangwa lize Yehova majichika chilonda cha atu jenyi ni kuwuka mbandu jize iye waatwile ni kwoko lienyi.

Jeremia 17:14

Yehova, unguwuke mba munguhinduka, ungulamwine mba munguwaha; mumu yena uli uhaliso wami.

Kwalula 11:2

E atu yateta kuli Mose. Mose yalemba kuli Yehova, mba ke kahia yikakeketela.

Kwalula 12:12

Mwane, Miriame kanda apwa ngwe mufu, ngwe umwe matuhuka mu jimo lia naye, chihanda cha musunya wenyi chaliwa kulu.

Kwalula 14:2

A-Izalele eswe yalinyenyeta hali Mose ni Arone, akwa chikungulwila eswe yamba kuli ayo ngwo, Mala, kachi twafwile mu chifuchi cha Engitu; chipwe kachi twafwile muno mu puya yino!

Kwalula 16:41

Mukwachako chikungulwila cheswe cha A-Izalele yalinyenyeta hali Mose ni hali Arone ngwo, Hinwashiha atu a Yehova.

Luka 23:34

Yesu wambile ngwenyi, Tata, uakonekene kama; mumu kanyingikine chize analingi. O, nikulianyina mazalo jenyi hakachi ko, atele chela.

Luka 6:28

Wahisenu waze akunushinga, lembenu hali waze akunulinga chipi.

Yilinga 7:60

Mba waliumbile makungunwa, wakololokele ni liji linene ngwenyi, Mwene, kanda uatwika mulonga uno. Muze te hamba chino wayile tulo.

A-ROMA 12:21

Kanda anukumba ku yipi, alioze kumbenu yipi ha kulinga yipema.

Tiangu (Jake) 5:15

Kulemba cha Ufulielo kumuchilamwina mukwa kuyiza, ni Mwene kumamuhindwisa; nyi kachi hanavulumuna milonga, mamukonekenayo.

1 Samuel 12:23

Chikwo nawa, ha kutwala kuli yami chikapwe kusuku ni yami kuvulumuna Yehova ha kulitwamina kunulembela. Mungunufumba mu jila yipema yize yinalulama.

1 Samuel 15:11

Hinalikonyeka ha kupwisa Saulu mwanangana, mumu hanalitwamina kungukaula. Kalingile chize namutumine. Samuel yatenuka. Yateta kuli Yehova Ufuku weswe.