Kwalula 11:25 - MUKANDA USANDU WA ZAMBI 1975

²⁵ Yehova yahulumuka mu lelwa, yahanjika nenyi, yachiza kuli Spiritu wapwile hali iye, yamusa hali e makumi shimbiali a makulwana. Mba muze te mwe Spiritu hapwila hali ayo, o yaprofeteza, hindu kalingile chocho nawa.

Mukanda Wa Zambi 1970

²⁵ Mba Mwene Zambi yahulumuka hashi mu lelwa ni kuhanjika nenyi, Yachiza ku Mwiku uze wabwile muli Mose, yausa muli miata. Muze te Mwiku hiwanjila muli ayo, yaabutuka kuhanjika munanyi, alioze ha shimbu lizeliene lume.

Kwalula 11:25 Iomraidhean Croise

1 MIANANGANA 2:15

Ha kumumona ana ja aprofeta waze atwama ku Yeriku hatalanganyi nenyi yamba ngwo, Spiritu ya Eliya hatula hali Elisha. Mba yeza kumupatwiza, yahetamina hashi kumeso jenyi.

Nehemia 9:20

Wahanyine Spiritu ye mupema kwalongesa. Kwachijile maná ye mu makanwa jo; waahele meya ha pwila yo.

Miaso (Masamu) 99:7

Wahanjikile kuli ayo mu nguji lia lelwa, o afungile Shindakenyo yenyi ni shimbi yize waahele iye.

Kutuhuka 32:32

Chipwe chocho, nyi muhasa kukonekena mulonga wo—alioze nyi ka, ngunakulembe ngwami, Ungujimune kama ku mukanda we wasonekene.

Kutuhuka 34:5

Yehova wahulumukine mu lelwa, yamanako hamwe nenyi nikwambulula jina lia Yehova.

Kutuhuka 40:38

Mumu te lie lelwa lia Yehova liapwile ha tabernakulu ha mwalwa. Mwapwilemo kahia ha ufuku kumeso ja A-Izalele eswe ndusu mawenyi jo eswe.

Izaya 63:11

Mba yewuluka matangwa a kushi a kavumbi kenyi Mose. Yoze wachijile mu kalunga-lwiji tufunga twa mapanga jenyi, kuli ali? Kuli atwama yoze wasele Spiritu yenyi musandu hakachi ko?

Ezekiel 8:11

Kumeso jo kwamanyine makumi shimbiali a malunga, makulwana a munyachi wa Izalele, ni Jazania mwana Shafana kanamana hakachi ko. Mweswe kali ni kandeho ka kwochelamo insensu mu kwoko lienyi, ni lelwa lia mwishi wa insensu linafwindangana.

Kwalula 11:17

Munguhulumuka nguhanjikeko ni yena. Munguchiza kuli Spiritu yoze uli hali yena, mungunwisa hali ayo, mba kumakambata chiteli cha atu hamwe ni yena hanga kuchi kachimbata yena mwene ukawe.

Kwalula 12:5

Yehova yahulumuka mu nguji lia lelwa, yamana kwe ku chikolo cha mbalaka, yatambika kuli Arone ni Miriame. O aali yatuhuka.

Kwalula 16:25

Mose yakatuka, yaya kuli Ndatane ni Apirame. Makulwana a A-Izalele yamukaula.

Kwalula 24:2

Mbalau yahetula meso jenyi, yamona Izalele o te kanatwama nikulita ni minyachi yo. Spiritu ya Zambi yapwila hali iye.

Kwalula 27:18

Yehova yamba kuli Mose ngwenyi, Utwale Yoshua, mwana wa Nune, lunga muli iye Spiritu mwali, usayike kwoko lie hali iye.

Yilinga 11:28

Mba umwe wa kuli ayo, jina lienyi Angavu, yakatuka, yalweza ku tachi ja Spiritu ngwenyi, Mukukapwa kapunga munene mu yifuchi yeswe ya hashi; mwenawo wapwile ha matangwa ja Kelautiu Sesare.

1 Korintu 14:32

Maspiritu ja aprofeta kakuzeyela kuli aprofeta.

Tiangu (Jake) 1:17

Kuhana cheswe chipema ni yawana yeswe yingunu kuyakuhulumuka kwilu, kuli mwe Tato ya pangu, muli iye kumushi kwalumuka, chipwe Chizulie cha kutewuluka.

2 Petulu 1:21

Mumu uprofeto niumwe kuwejile niumwe mwaka ku upale wa atu: aiioze atu ahanjikile cha kuli Zambi, ni kuhungumuka kuli Spiritu Musandu.

Akwa Kuyula 3:10

Spiritu ya Yehova wejile hali iye mba wayulile A-Izalele. Yaya ku jita, mba Yehova yakunjika Kushane-Rishataime mwanangana wa Mesopotamia mu moko jenyi. Kwoko lienyi liakumbile Kushane-Rishataime.

1 Samuel 10:10

Muze ahetele ku mulundu kumanyi atakanyine ni chendo cha aprofeta, mba Spiritu ya Zambi yahulumukina hali iye ni tachi, iye waprofetezele hakachi ko.