Kwalula 11:23 - MUKANDA USANDU WA ZAMBI 1975

²³ Yehova yamba kuli Mose ngwenyi, Te kwoko lia Yehova hiliahiha nyi? Haliapwila munyingika shina mungumanununa liji liami, nyi shina ka.

Mukanda Wa Zambi 1970

²³ Mwene Zambi yakumbulula ngwenyi: “Kuma kwoko liami hiliahiha, nyi? Ha shimbu likepe muumona nyi chize nambile muchimanunuka nyi ka!”

Kwalula 11:23 Iomraidhean Croise

Ubutukilo 18:14

Chuma chimwe muchipwa chikomokeso kuli Yehova nyi? Ha kangonde wa kutesa kumungwiza nawa kuli yena muze mwaka hiwaheta mba Sara makasema mwana.

1 MIANANGANA 4:43

Alioze kavumbi kenyi yamba ngwenyi, Kuchi? Te munguhasa kusa kulia chino kumeso ja kulakaji lia malunga? Alioze yamba ngwenyi, Hanenu kuli atu, alie, mumu Yehova kanambe ngwenyi, Kumalia, kumahichika kulia.

1 MIANANGANA 7:2

Henaho kapitau yoze mwanangana wajaminyine ha kwoko lienyi yakumbulula kuli mutu wa Zambi ngwenyi, Chipwe Yehova masa manjanela mwilu muchihasa kupwa chocho? Elisha ngwenyi, Kumukachimona ni meso je, alioze kuchi kalia.

Miaso (Masamu) 78:41

Alumukine nawa nikweseka Zambi. Ehile mwe Musandu wa Izalele.

Kutuhuka 6:1

Yehova yamba kuli Mose, ngwenyi, Kamunomuno mukamona chize yami mungukalinga, kuli Falau, mumu te ha kwoko lia tachi makaecha, ni ha kwoko lia tachi iye makaahuma haze lia chifuchi chenyi.

Izaya 50:2

Muze nejile kuchi te kukwapwile niumwe? Muze nasanyikine kuchi te mukwa kutá wakuhi? Te kwoko liami liahiha, kashika kuliahashile kukula? Tachi chishi najo ja kupulula? Nyongenu, ha liji liami lia kukanda nakuumisa kalunga-lwiji, nakupwisa njiji ngwe puya. Yishi jamo kanakupuka ha kuhona meya, kakufwa ni pwila.

Izaya 59:1

Nyingikenu, kwoko lia Yehova kuliahihile ngwe kulichi kuhasa kulamwina, hanji matwi jenyi hajika, kahashile kwivwa,

Jeremia 14:9

Kuchi te unapu ngwe umwe kanakakashana, ngwe umwe mukwa ndundo yoze kahashile kulamwina? Hindu, Yehova, uli hakachi ketu, ni yetu hatuluka jina lie. Kanda utwehuka.

Jeremia 32:17

Mwene Yehova! Yena watangile malilu ni hashi ni ndundo je jinene ni kwoko lie lia kuzoza. Nichimwe chuma muchikukalila naye.

Jeremia 32:27

Yami nguli Yehova Zambi ya atu eswe a musunya. Chimwe chuma muchingukalila naye?

Ezekiel 12:25

Alioze yami Yehova munguhanjika liji lize munguhanjika, mba kumuchikapwa. Kuchichi kalaluka nawa, alioze ha matangwa a yenwene, akwa munyachi wa yihulia, munguhanjika lie liji, mungulilinga nawa. Chocho kanambe Mwene Yehova.

Ezekiel 24:14

Yami Yehova ngunachambe, kumuchikapwa, kumungukachilinga. Chichi kahiluka kunyima; chichi kanuvwila keke; chichi kalikonyeka. Mwene Yehova kanambe ngwenyi, Mungukanupatwila nikulita ni ndako jenu ni yitanga yenu.

Daniel 6:20

Ha kukundama ku wina muze mwatwama Daniel, yatambika ni liji lia kupinda kuli Daniel ngwenyi, Daniel, kavumbi ka Zambi ya mwono, Zambi ye yoze wakumuvumbika matangwa eswe hahasa kukupulula kuli ndumba?

Mika 2:7

Enu munyachi wa Yakomba, te chinawaha kuhanjika chocho? Te Spiritu ya Yehova kakulipupula? Yitanga yino te niyenyi? Te maliji jami kalingile chipema kuli yoze menda ni kululama?

Kwalula 11:22

Kumanyi maashihila mapanga ni ngombe, akaakuchise nyi? Hanji yishi eswe a mu kalunga-lwiji maswila hamuwika akaakuchise?

Kwalula 23:19

Zambi hi mutu ko ahanjike mahuza, ka; chipwe mwana wa mutu, alikonyeke, ka. Hamba chimwe chuma, kechi kuchilinga? Hanji hachihanjika chimwe chuma, mba kechi kuchimanununa?

Mateu 19:26

Yesu nikutala meso kuli ayo, wambile ngwenyi, Kuli atu kuchishi kuhasa; alioze kuli Zambi yuma yeswe muyihasa kupwa.

Mateu 24:35

Lilu ni hashi kumuyikahwa, alioze maliji jami kechi kahwa nichimwe.

Luka 1:37

Mumu ni Zambi nichimwe machisa kenu.