Kwalula 11:20 - MUKANDA USANDU WA ZAMBI 1975

²⁰ Alioze kakweji mweswe, ndo ye yifwo muyikatuhuka ku mazulu jenu. Kumuyikanusekela, se hinwalituna Yehova yoze watwama hakachi kenu, se hinwalila kumeso jenyi ngwenu, Yika te twakatukile ku Engitu?

Mukanda Wa Zambi 1970

²⁰ alioze kakweji mweswe, ndoo muyituhuka mu mazulu jenu, ndoo munwivwa ku mazo chaa. Mumu hinwalituna Mwene Zambi yenu, yoze uli mukachi kenu. Hinwalila ngwenu, yika watutuhwishile mu Egiptu.’ ”

Kwalula 11:20 Iomraidhean Croise

2 Samuel 12:10

Kashika, katana kechi kukatuka ku zuwo lie, mumu hiwangulelesa, hiwambata pwo lia Uriya Ka-Hete.

Miaso (Masamu) 106:15

Waahele chize echile, alioze waatumine kuwangama mu mbunge jo.

Kutuhuka 16:13

Chocho ha ngoloshi, ngwali yeza, o yapwa kweswe ku chilombo. Mba muze hikwacha mume wapwile hashi, kweswe kwa kujingilika chilombo.

Kutuhuka 16:3

A-Izalele yamba kuli ayo ngwo, Kachi twafwile ni kwoko lia Yehova mu chifuchi cha Engitu muze twatwamine ku ndeho ja yifwo, muze twalile nikukuta. Mumu yenu hinwatuhetesa ku puya yino mukushiha ni zala chikungulwila chino cheswe.

Kutuhuka 16:8

Mose yamba ngwenyi, Muze ha chingoloshi Yehova makanwaha yifwo nukalie; mba ha kucha mbolo nukakute mununyingika Yehova kanevu kulinyenyeta chenu ni iye. Yetu aya kevwe? Kunwalinyenyetene ni yetu, ka, alioze ni Yehova.

Yishima 27:7

Yoze wakuta, chishila cha wuchi muchimuzelwokesa; alioze kuli mukwa zala yuma yeswe yisasu muyipwa yiyema.

Malaki 1:6

Mwana kakulemesa tato; ni kavumbi kakuvwila woma mwata wenyi. Nyi nguli tatenu ulemu wami ulihiwo? Nyi nguli mwata woma nwakunguvwila ulihiwo? Chocho kanambe Yehova-wa-Tujita kuli yenu asasendote nwakulelesa jina liami. Enu nunambe ngwenu, Kuchi twalelesa jina lie?

Kwalula 11:13

Kulihi munguwana yifwo nguhane kuli wano atu eswe? Mumu kanalili kuli yami ngwo, Twehe yifwo tulie.

Kwalula 11:19

Kunuchi kalia tangwa limuwika, chipwe matangwa aali, chipwe matangwa atano, chipwe kumi lia matangwa, chipwe makumi aali a matangwa, ka.

Kwalula 11:21

Mose yamba ngwenyi, E atu hakachi ko nguli, hapwa makumi asambano a tununu a malunga akwenda hashi. Yena hiwamba ngwe, Mungwaaha yifwo, hanga akalie kakweji mweswe.

Kwalula 14:3

Kuchi te Yehova hatuhetesa ku chifuchi chino, hanga atushihe ni katana nyi? Ni mapwo jetu ni ana jetu makapwa funge; Shinaho tuhilukenu ku Engitu?

Kwalula 14:4

O yamba umwe kuli mukwo ni mukwo ngwo, Tutongolenu kasongo, tuhilukenu ku Engitu.

Kwalula 16:13

Chamokomoko nyi, se watuchijile ku chifuchi kuze kunokela yamwa ni wuchi, ukatushihe mu puya, mba chatamba kulipwisa mwata wa yetu nawa nyi?

Kwalula 20:4

Kuchi te yenu hinwahetesa chikungulwila cha Yehova ku puya yino? Kumanyi, hanga tufwileko nyi, ni yetu ni yimuna jetu?

Kwalula 21:5

Atu ahanjikile nikulimika ni Zambi, ni kulimika ni Mose ngwo, Kuchi te nwatuchijile ku Engitu? Kumanyi, tufwile mu puya nyi? Mumu kulia kuchishiko, ni meya akuhi. Mbolo yino yamokomoko, hiyatusekela.

Yilinga 13:41

Talenu, yenu akwa kaleleso, komokenu, tokenu; mumu mungulinga chitanga ha matangwa jenu, chitanga chize kunuchi kachifuliela nichimwe, kachi umwe manwambulwilacho.

1 Tesalonika 4:8

Kashika yoze malituna, malituna hi atu ko, alioze Zambi, yoze wakunwaha Spiritu yenyi Musandu.

Yoshua 24:27

Yoshua yamba kuli atu eswe ngwenyi, Liwe lino mulikapwa uchela kulimika ni yetu mumu hilievwa maliji eswe a Yehova aze hatwamba. Kashika mulikapwa uchela kulimika ni yenu kuchina munulinga ni mafwefwe kuli Zambi yenu.

1 Samuel 10:19

Hindu tangwa lino lia musono hinwalituna Zambi yenu mukwa kunulamwina ku luyinda wenu mweswe ni lamba lienu lieswe, nikwamba kuli iye ngwenu, Hi chocho ko, alioze nutusele mwanangana kutuyula. Kashika solokenu kumeso ja Yehova nikulita ni minyachi yenu ni tununu twenu.

1 Samuel 2:30

Kashika Yehova Zambi ya Izalele kanambe ngwenyi, Chamwenemwene nambile ngwami, Munyachi we ni munyachi wa tatenu kumakenda kumeso jami ndo ku miaka ya mutolo. Alioze haliapwila Yehova kanambe ngwenyi, Chikapwe kusuku ni yami, mumu waze mangulemesa ni yami mungwalemesa, alioze waze mangulelesa kumakasauka.