Kwalula 11:18 - MUKANDA USANDU WA ZAMBI 1975

¹⁸ Ukambe kuli atu ngwe, Nulisele ku usandu mumu ha tangwa lia hamene kumunukalia yifwo se hinwalilila ku matwi ja Yehova ngwenu, Iya matwaha yifwo tulie? Mumu chapwile chipema kuli yetu mu Engitu. Kashika Yehova kumakanwaha yifwo. Kumunukalia.

Mukanda Wa Zambi 1970

¹⁸ Haliabwila lweza atu ngwe, ‘Lijilikenu, mumu hamene munukabwa ni yifwo ya kulia. Mwene Zambi hevwa kulila chenu ha kwamba ngwenu, tunazange yimwe yifwo ngwe yize te twakulia mu chifuchi cha Egiptu. Haliabwila Mwene Zambi manwaha yifwo, chanutamba kuyilia.

Kwalula 11:18 Iomraidhean Croise

Ubutukilo 35:2

Kashika Yakomba yamba kuli akwa zuwo lienyi ni waze eswe apwile no ngwenyi, Mbilenu mahamba a tundaka nuli no hakachi kenu, lipemesenu, zalenu mazalo eka,

Jobe 20:13

chipwe kazangile kuwecha, kakuulalaminya mu kanwa lienyi,

Jobe 20:23

Zambi makamutuma utenu wenyi usasu; makamunokesawo ngwe kulia chenyi hanga akazalise jimo lienyi nawo.

Miaso (Masamu) 78:20

Ngwo, Walambile liwe mba meya apukukile, yitwetwe yasupwokele, alioze mahasa kutwaha mbolo nawa, nyi? Mahasa kuwana yifwo ya kulia atu jenyi?

Kutuhuka 16:8

Mose yamba ngwenyi, Muze ha chingoloshi Yehova makanwaha yifwo nukalie; mba ha kucha mbolo nukakute mununyingika Yehova kanevu kulinyenyeta chenu ni iye. Yetu aya kevwe? Kunwalinyenyetene ni yetu, ka, alioze ni Yehova.

Kutuhuka 19:10

Yehova yamba kuli Mose ngwenyi, Yako kuli atu, wasele ku usandu ni musono ni hamene. Akakose mazalo jo.

Kutuhuka 19:15

Iye yamba kuli e atu ngwenyi, Lilulikenu tangwa liamuchitatu. Kanda nukundama kuli mapwo.

Kutuhuka 19:22

Asasendote nawa akukundama kuli Yehova akalisele ku usandu, kuchina Yehova mapula haze nikwaheta.

Kwalula 11:1

Atu alinyenyetene nikuhanjika yipi ku matwi ja Yehova. Muze Yehova achivwile, utenu wenyi wakasumukine, mba kahia ka kuli Yehova kalekwokele hakachi ko. Yikalalisa ku songo lia chilombo.

Kwalula 11:19

Kunuchi kalia tangwa limuwika, chipwe matangwa aali, chipwe matangwa atano, chipwe kumi lia matangwa, chipwe makumi aali a matangwa, ka.

Yilinga 7:39

kuli iye tulamba twetu katayile kwononoka, alioze amuchinjile kuli ayo, atewulukilile kunyima mu mbunge jo ku Engitu.

Yoshua 7:13

Katuka! Selenu e atu ku usandu. Amba ngwe, Liselenu ku usandu ha tangwa lia hamene. Mumu chocho kanambe Yehova Zambi ya Izalele ngwenyi, Yuma yajila kuyili hakachi kenu A-Izalele. Kunuchi kuhasa kumana kumeso ja akwa kole jenu ndo munuchiza yino yuma yajila hakachi kenu.

Akwa Kuyula 21:2

Mba e atu yeza ku Mbetele, yatwamako nikulila mbimbi ndo ngoloshi kumeso ja Zambi ngwo,