Kwalula 11:17 - MUKANDA USANDU WA ZAMBI 1975

¹⁷ Munguhulumuka nguhanjikeko ni yena. Munguchiza kuli Spiritu yoze uli hali yena, mungunwisa hali ayo, mba kumakambata chiteli cha atu hamwe ni yena hanga kuchi kachimbata yena mwene ukawe.

Mukanda Wa Zambi 1970

¹⁷ Munguhulumuka hashi ha kuhanjika ni yena, mungusa muli ayo Mwiku uzewene nakuhele yena. Mba maahasa kukukwasa ha kumbata yilemu ya atu wano, hanga kuuchi kayimbata ukawe.

Kwalula 11:17 Iomraidhean Croise

Ubutukilo 11:5

Alioze Yehova yahulumuka akamone limbo ni kaposhi yoze ana ja atu machitunga.

Ubutukilo 17:22

Mba yamana kuhanjika nenyi, chocho Zambi yahichika Apalahama, yazezuka mwilu.

Ubutukilo 17:3

Apalama yafulamana ha meso jenyi, mba Zambi yahanjika nenyi ngwenyi,

Ubutukilo 18:33

Mba Yehova yaya kwenyi muze te hamana kuhanjika ni Apalahama. Apalahama iye yahiluka ku mahienyi.

1 MIANANGANA 2:15

Ha kumumona ana ja aprofeta waze atwama ku Yeriku hatalanganyi nenyi yamba ngwo, Spiritu ya Eliya hatula hali Elisha. Mba yeza kumupatwiza, yahetamina hashi kumeso jenyi.

1 MIANANGANA 2:9

Chapwile muze te hapalika, Eliya yamba kuli Elisha ngwenyi, Eta cheswacho unazange ngukulingile shimbu kanda angutambula kuli yena. Elisha ngwenyi, Ngunalembe, yihanda yiali ya Spiritu ye yikatwame hali yami.

Nehemia 9:20

Wahanyine Spiritu ye mupema kwalongesa. Kwachijile maná ye mu makanwa jo; waahele meya ha pwila yo.

Kutuhuka 18:18

Kumujikuhwa wate ni yena ni atu wano ali hamwe ni yena. Che chuma chakulemena naye. Kuwahashile kuchilinga yena mwene ukawe.

Kutuhuka 18:22

O akapatule matangwa eswe mba makunehena yuma yeswe yikalu, alioze yuma yeswe yashi ene akayipatule, chocho makalelumuna chiteli hali yena. Kumakalitwikacho hamwe ni yena.

Kutuhuka 19:11

Akalilulike tangwa liamuchitatu mumu ha tangwa liamuchitatu Yehova makahulumuka ndo ha mulundu wa Sinai kumeso ja atu eswe.

Kutuhuka 19:20

Yehova yahulumuka ndo ha mulundu wa Sinai, e ndo ha mbulwa mulundu. Yehova yatambika Mose eze ha mbulwa mulundu. Mose yakanduka.

Kutuhuka 34:5

Yehova wahulumukine mu lelwa, yamanako hamwe nenyi nikwambulula jina lia Yehova.

Izaya 44:3

Mumu munguzukula meya ha chifuchi cha pwila, mungusa yitwetwe hashi homu. Munguzukula Spiritu yami hali ana je; munguzukula uwape wami hali waze mukasema.

Izaya 63:11

Mba yewuluka matangwa a kushi a kavumbi kenyi Mose. Yoze wachijile mu kalunga-lwiji tufunga twa mapanga jenyi, kuli ali? Kuli atwama yoze wasele Spiritu yenyi musandu hakachi ko?

Joele 2:28

Mba kulutwe mungukazukula Spiritu yami hali atu eswe. Ana jenu a malunga ni a mapwo makaprofeteza. Makulwana jenu a malunga makateta yilota, ni akweze jenu makamona usolwelo.

Kwalula 11:25

Yehova yahulumuka mu lelwa, yahanjika nenyi, yachiza kuli Spiritu wapwile hali iye, yamusa hali e makumi shimbiali a makulwana. Mba muze te mwe Spiritu hapwila hali ayo, o yaprofeteza, hindu kalingile chocho nawa.

Kwalula 12:5

Yehova yahulumuka mu nguji lia lelwa, yamana kwe ku chikolo cha mbalaka, yatambika kuli Arone ni Miriame. O aali yatuhuka.

Kwalula 12:8

Nakuhanjika nenyi kanwa ni kanwa, zwa lume, hi ni yitaka ko, ka. Iye kumakamona kulifwa cha Yehova. Kuchi te kunwevwile woma kuhanjika nikulimika ni Mose kavumbi kami?

Kwalula 27:18

Yehova yamba kuli Mose ngwenyi, Utwale Yoshua, mwana wa Nune, lunga muli iye Spiritu mwali, usayike kwoko lie hali iye.

Kwalula 7:89

Muze Mose anjilile mu mbalaka ya chikungulwila mukuhanjika nenyi, henaho iye wevwile liji nikuhanjika nenyi lia kukatuka helu lia chitwamo cha keke cha ha mushete wa Shindakenyo, lia kukatuka mukachi ka akerupimi aali. Yahanjika nenyi.

Yoano 3:13

Mba niumwe wazezukile mwilu shina yoze wahulumukine mwilu, mwe Mwana Mutu, mwenawo mwilu mwali.

Yoano 7:39

Alioze chino wambile ha kutwala kuli Spiritu, yoze waze akufuliela kuli Kristu himatambula: mumu Spiritu kanda achiza; se Yesu kanda anjila mu uhenya wenyi.

A-ROMA 8:9

Alioze yenu hi nuli mu musunya ko, alioze muli Spiritu, kachi chamwenemwene Spiritu ya Zambi watwama muli yenu. Alioze kachi umwe keshi ni Spiritu ya Kristu, auze hi niwenyi ko.

1 Korintu 2:12

Alioze kutwatambwile Spiritu ya hano hashi, alioze Spiritu yoze wa kuli Zambi; hanga tukanyingike yuma yize hanatwehe ni vumbi kuli Zambi.

1 Tesalonika 4:8

Kashika yoze malituna, malituna hi atu ko, alioze Zambi, yoze wakunwaha Spiritu yenyi Musandu.

1 Petulu 1:22

Se hinunatomesa mbunge jenu ha kwononoka chenu ku umwenemwene, hanga nukafwile mandumbu ni kufwila chize kuchishi ulembekese, lizangenu umwe mukwo ni mukwo ku mbunge yipema ni mbunge yeswe.

Yuda 1:19

Wano kakuhandunwona, akwa musunya, keshi Spiritu.

1 Samuel 10:6

Spiritu ya Yehova mahulumukina hali yena ni tachi, mba ni yena muprofeteza hamwe no, mualumuka upwe mutu weka.