Kwalula 11:16 - MUKANDA USANDU WA ZAMBI 1975

¹⁶ Yehova yamba kuli Mose ngwenyi, Ukungulwile kuli yami makumi shimbiali a malunga a kuli makulwana a A-Izalele, unaanyingika ngwe kapwa makulwana ja e atu, ni tulayi two. Watwale ku mbalaka ya chikungulwila, hanga amanyineko hamwe ni yena.

Mukanda Wa Zambi 1970

¹⁶ Mwene Zambi yambila Mose ngwenyi: “Kungulula malunga makumi shimbiali alemu, a kuli makulwana ja atu, waanehe kuli yami ku zuwo lia kuwayila, alweze amane hamwe ni yena.

Kwalula 11:16 Iomraidhean Croise

Ubutukilo 46:27

Mba ana ja José asemene mu Engitu aali, hashika atu eswe a zuwo lia Yakomba ejile ku Engitu, makumi shimbiali.

Kutuhuka 18:25

Mose wasakwile malunga yitakame a kuli A-Izalele eswe. Yaapwisa miata ja atu, akwa kuyula tununu, akwa kuyula makulakaji, akwa kuyula makumi atano, akwa kuyula kumi.

Kutuhuka 24:1

Iye yamba kuli Mose ngwenyi, Kandukenu kuli Yehova, yena ni Arone ni Nandambe ni Ambihu ni makumi shimbiali a makulwana a A-Izalele. Nukawayilile kusuku.

Kutuhuka 24:9

Hohene akandukile Mose ni Arone ni Nandambe ni Ambihu ni makumi shimbiali a makulwana a A-Izalele.

Kutuhuka 4:29

Mose ni Arone yaya, yakungulula hamuwika makulwana eswe a A-Izalele.

Jeremia 19:1

Yehova yamba ngwenyi, Yako ulande mulondo wa tengi, wa uma, ukaye ni amwe makulwana ja atu ni amwe makulwana ja asasendote,

Ezekiel 8:11

Kumeso jo kwamanyine makumi shimbiali a malunga, makulwana a munyachi wa Izalele, ni Jazania mwana Shafana kanamana hakachi ko. Mweswe kali ni kandeho ka kwochelamo insensu mu kwoko lienyi, ni lelwa lia mwishi wa insensu linafwindangana.

Kwalula 11:24

Mose yakatuka, yambulwila atu maliji a Yehova. Yakungulula makumi shimbiali a malunga a kuli makulwana ja e atu, yaasela kwa kujingilika mbalaka.

Kwalula 16:25

Mose yakatuka, yaya kuli Ndatane ni Apirame. Makulwana a A-Izalele yamukaula.

Luka 10:1

Achi, kulutwe ha yino yuma, Mwene watongwele makumi shimbiali akwo, waatumine aali ni aali kulutwe ha meso jenyi ku membo eswe ni kweswe himaya mwene.

Luka 10:17

Mba makumi shimbiali ahilukile ni uwahililo, ngwo, Mwene, chipwe andemoniu kakutuzeyela mu jina lie.

Shimbi 1:15

Mba yinguchiza akwa lutwe ja minyachi yenu, akwa mana, akwa lufuma, hikwaapwisa akwa lutwe jenu, miata ja tununu, miata ja kulakaji, miata ja makumi atano, miata ja kumi, yilolo, nikulita ni minyachi yenu.

Shimbi 16:18

Ni ngaji ni yilolo nulisakwilo mu yihunda yenu yeswe, Yehova Zambi yenu ananweheyo, nikulita ni minyachi yenu, o akayule atu ni upatwilo wa ululi.

Shimbi 31:28

Ngukungulwilenu makulwana eswe a minyachi yenu, ni yilolo jenu, hanga nguhanjike maliji ano ku matwi jo, ngutambike malilu ni hashi akapwe chela cha kwakumisa.