Kwalula 11:12 - MUKANDA USANDU WA ZAMBI 1975

¹² Te yami nasesekele ufumba wa wano atu nyi? Te yami naasemene? hanga ukambe kuli yami ngwe, Wambate mu kondo ye, ngwe chisemi mukwa kulela mambata mwana unamu, ndo ku chifuchi yena walakenyene ni shingo kuhana kuli tulamba two nyi?

Mukanda Wa Zambi 1970

¹² Hi yami ko naamichine ufumba hanji kwasema, ka kwami! Mba kuchi unangwambe ha kwalela ni kwambata mu moko jami akaye ndoo ku chifuchi chize walakenyene tushakulu two?

Kwalula 11:12 Iomraidhean Croise

Ubutukilo 13:15

Mumu chifuchi chino cheswe unamono ngunakwehecho, ni kuli yena ni ku munyachi we ku miaka ya mutolo.

Ubutukilo 24:7

Yehova, Zambi ya mwilu, yoze wanguchijile ku zuwo lia tata ku chifuchi kuze nasemukinyine, yoze wahanjikile ni yami, washingile kuli yami ngwenyi, Ku munyachi we mungukahana chifuchi chino, iye kumakatuma mungelo wenyi kulutwe lie mba kwenako mukasakila pwo mwanami.

Ubutukilo 26:3

Twama njize mu chifuchi chino mba mungupwa hamwe ni yena, mungukuwahisa. Mumu munguhana yifuchi yino yeswe kuli yena ni munyachi we. Mungukolesa shingo lize nalishingile nalio kuli tatenu Apalahama.

Ubutukilo 50:24

Mba José yamba kuli ayayo ngwenyi, Mungufwa alioze Zambi pundu makeza kuli yenu, manuchiza ku chifuchi chino akanutwale ku chifuchi chize achilakenyene ni shingo kuli Apalahama, ni kuli Izake, ni kuli Yakomba.

1 MIANANGANA 10:1

Achi Ahabe te kali ni makumi shimbiali a ana a malunga mu Samaria. Mba Jehu yasoneka mikanda yayituma ku Samaria kuli akwa kuyula Yezerele, e makulwana ni waze afungile ana ja Ahabe, ngwenyi,

1 MIANANGANA 10:5

Mba mukwa kuyula zuwo, ni mukwa kuyula chihunda, ni makulwana nawa, ni akwa kufunga yatuma kuli Jehu ngwo, Tuli tuvumbi twenu; mutulinga cheswacho munututuma. Kutuchi kupwisa niumwe mwanangana; cheswacho chanupemena hilingenu.

Kutuhuka 13:11

Mba muze Yehova makanuhetesa ku chifuchi cha A-Kanana chize alakenyene ni shingo kuli yenu ni kuli tulamba twenu akanwehecho,

Kutuhuka 13:5

Chikapwe muze Yehova makanuhetesa ku chifuchi cha A-Kanana, ni cha A-Hete, ni cha A-Amore, ni cha A-Hevwe, ni cha A-Yepushe, che chize alishingile kuli tulamba twenu mukunwaha, chifuchi kuze kunokela yamwa ni wuchi, ngwami, Ha kakweji yono mwene nukalinge uvumbiko uno.

Kutuhuka 33:1

Yehova yamba kuli Mose ngwenyi, Yako ukakanduke hamwe ni atu aze waachijile ku chifuchi cha Engitu, ndo ku chifuchi chize nalishingile ni shingo kuli Apalahama ni Izake ni Yakomba ngwami, Mungukachihana ku munyachi we.

Kutuhuka 6:8

Kumakanuhetesa ku chifuchi chize washingile ngwenyi, Mungukachihana kuli Apalahama ni kuli Izake ni kuli Yakomba. Mungukanwahacho chihinga. Yami Yehova.

Izaya 40:11

Kumakalisa chendo chenyi ngwe kafunga, kumakakunga ana-mapanga mu moko jenyi, kumakaambata mu kondo, waze anamwisa ana kumakaasongwela ni vumbi.

Izaya 49:15

Pwo mahasa kuvulama mwana akwamwisa? Kechi kuvwila keke mwana wa mu jimo lienyi? Hanji o mavulama, hindu ami chichi kavulama yena.

Izaya 49:23

Mianangana mapwa akwa kukulela, miazovu mapwa akwa kukwamwisa. Meza nikufulamana hashi kuli yena ni meso jo mu mavu. Makalesa fufuta ya ku yiliato ye. Henaho munyingika yami nguli Yehova; waze akungutwaminyina kechi kevwa sonyi.

Ezekiel 34:23

Mungukasa hali ayo kafunga umuwika, mwe kavumbi kami David, mba iye makaalisa; makaalisa; makapwa kafunga ko.

Yoano 10:11

Mwe kafunga mupema yami; kafunga mupema matumbika mwono wenyi hali mapanga.

1 Korintu 4:15

Mumu chipwe munupwa ni kumi lia tununu twa yifumbe muli Kristu, hindu kunushi atatenu anji; mumu muli Kristu Yesu nanusemene ku sango lipema.

Galashia 4:19

Ana jami akepe, hali yenu nakwivwa yikola ya kusema cheka nawa ndo Kristu matengewa muli yenu;

Shimbi 1:31

Ni mu puya, nwamwenemo ngwe Yehova Zambi yenu anumbachile ngwe lunga mambata mwanenyi, mu jila yeswe nwayilemo, ndo nwejile kuno.

1 Tesalonika 2:7

Alioze twendele makoke mukachi kenu, chizechene ngwe muze naye masusuminya ana jenyi mwene.