Kwalula 11:1 - MUKANDA USANDU WA ZAMBI 1975

¹ Atu alinyenyetene nikuhanjika yipi ku matwi ja Yehova. Muze Yehova achivwile, utenu wenyi wakasumukine, mba kahia ka kuli Yehova kalekwokele hakachi ko. Yikalalisa ku songo lia chilombo.

Mukanda Wa Zambi 1970

¹ Atu yaabutuka kulinyenyeta kuli Mwene Zambi hakutwala ku lamba lio. Muze Mwene Zambi hachivwa, yevwa ufwatulo, yaatumina kahia. Yikalekwoka mukachi ko, yikonona songo limuwika lia musumba.

Kwalula 11:1 Iomraidhean Croise

Ubutukilo 38:10

Chuma chino alingile chapwile chipi kumeso ja Yehova mba yamushiha iye nawa.

2 Samuel 11:27

Mba muze kulila hichahwa David yatuma, yamuneha ku zuwo lienyi yamumbata. Mba yamusemena mwana wa lunga. Alioze chuma halinga David chapihililile Yehova.

1 MIANANGANA 1:12

Eliya yamba kuli ayo ngwenyi, Nyi nguli mutu wa Zambi kahia kahulumuke mwilu kakwonwone yena ni makumi je atano. Mba kahia ka Zambi kahulumukine mwilu nikumwonwona ni makumi jenyi atano.

Jobe 1:16

Shimbu machihanjika yikwiza mukwo ngwenyi, Kahia ka Zambi kahulumukanga kwilu nikwocha mapanga ni e ngamba nikwalalisa, yami wika nombokanga ngununehene liji.

Miaso (Masamu) 106:18

Awikile kahia mu chendo cho, mulengi wochele yingulungulu.

Miaso (Masamu) 78:21

Kashika Yehova wevwile, wapwile ni ufwatulo. Awikile kahia ka kulimika ni Yakomba. Utenu nawa wafwinjile wa kulimika ni Izalele.

Miaso (Masamu) 78:63

Kahia kalalishile akweze jo. Ana-mapwo jo kapwile ni mwaso wa umbachiso.

Kutuhuka 16:7

Mba muze mu kucha kumunukamona ulemu wa Yehova, mumu iye kanevu kulinyenyeta chenu ni Yehova. Yetu aya? Munulinyenyeta ni yetu nyi?

Kutuhuka 16:9

Mose yamba kuli Arone ngwenyi, Ambulwila chikungulwila cheswe cha A-Izalele ngwe, Kundamenu kumeso ja Yehova mumu iye hevwa kulinyenyeta chenu.

Izaya 10:17

Pangu lia Izalele kumulikalumuka kahia, Musandu wenyi mapwa mulengi, mba muulekwoka ni kulalisa mingonga yenyi ni mikalale yenyi tangwa limuwika.

Izaya 30:33

Mumu jiko hanalilulika kulu, hali mwe mwanangana hanalilulika; mulumba wacho kutoha ni kusuha ni kahia ni kunyi ja kulumbama. Mba mwiku wa Yehova muuliwika ngwe muhwiji wa fundanga.

Izaya 33:14

Woma hiweza hali yivulumunyi mu Zaione; yitanganyanyi kanachikima. Iya hakachi ketu mahasa kutwama ni kahia ka kulalisa? Iya hakachi ketu mahasa kutwama ni mbwemena ya miaka yeswe?

Lungungu 3:39

Mutu ni mwono wenyi te chamutamba kulinyenyeta? Mutu tuhu, akasope ha kutwala ku kastigu ya milonga yenyi?

Ezekiel 20:36

Chizechene ngwe nasopele ni tulamba twenu mu puya ya chifuchi cha Engitu chocho nawa mungukasopa ni yenu. Chocho kanambe Mwene Yehova.

Alevi 10:2

Mba mwatuhukile kahia kumeso ja Yehova, yaalalisa, yafwa kumeso ja Yehova.

Nahume 1:5

Milundu kuyakuchikima kumeso jenyi ni mindundena yakusangunuka. Hashi kuhakwalumuka ha hululu kumeso jenyi; ni muno-muze ni enyamo eswe.

Habakuke 3:5

Kulutwe lienyi kwayile chilungo; misongo ya kulukumuka yamukawile kunyima.

Kwalula 10:33

O yakatuka ku mulundu wa Yehova, yaya wenyi wa matangwa atatu. Mushete wa usendo wa Yehova waatetekelele ha wenyi wa matangwa atatu, mukwafupila haze mahwimina.

Kwalula 11:18

Ukambe kuli atu ngwe, Nulisele ku usandu mumu ha tangwa lia hamene kumunukalia yifwo se hinwalilila ku matwi ja Yehova ngwenu, Iya matwaha yifwo tulie? Mumu chapwile chipema kuli yetu mu Engitu. Kashika Yehova kumakanwaha yifwo. Kumunukalia.

Kwalula 12:2

Ngwo, Te Yehova hahanjika ni Mose wika nyi? Iye kahanjikile ni yetu nawa? Mba Yehova yachivwa.

Kwalula 14:2

A-Izalele eswe yalinyenyeta hali Mose ni Arone, akwa chikungulwila eswe yamba kuli ayo ngwo, Mala, kachi twafwile mu chifuchi cha Engitu; chipwe kachi twafwile muno mu puya yino!

Kwalula 14:22

wano malunga eswe amwene ulemu wami ni yilayi yami yize nalingile mu Engitu ni mu puya, hanangweseka kumi lia yisuho, o kahalakanyine ku liji liami;

Kwalula 14:27

Ndo mwiji muka mungulihumikiza ni chikungulwila chino chipi? Kakulinyenyeta ni yami. Kunevwa kulinyenyeta cha A-Izalele chize alinyenyeta ni yami.

Kwalula 14:28

Ambenu kuli ayo ngwenu, Yehova ngwenyi, Ni mwono wami, chamwenemwene chizechene ngwe hinwamba ku matwi jami, chocho mungulinga kuli yenu.

Kwalula 16:11

Kashika ni yena ni mbunga ye yeswe nunakunguluka nikulimika ni Yehova. Arone kuchi apwa, nunalinyenyeta hali iye?

Kwalula 16:35

Kahia yikatuhuka ka kuli Yehova, yikalalisa e kulakaji aali a atu ni makumi atano a atu waze machilambula insensu.

Kwalula 17:5

Muchikapwa, mulumbu wa mwe mutu mungukatongola muusokoloka. Mba kulinyenyeta cha A-Izalele chize alinyenyeta hali yena mungukachiholesa kumeso jami.

Kwalula 21:5

Atu ahanjikile nikulimika ni Zambi, ni kulimika ni Mose ngwo, Kuchi te nwatuchijile ku Engitu? Kumanyi, tufwile mu puya nyi? Mumu kulia kuchishiko, ni meya akuhi. Mbolo yino yamokomoko, hiyatusekela.

1 Korintu 10:10

Chipwe kanda nulinyenyeta ngwe amwe a kuli ayo alinyenyetene, mba aonwene kuli chenyeke.

Shimbi 25:18

ngwe anupatwijile mu jila, yalamba akwenu waze asalile kunyima, eswe anakokoloka kunyima yenu; enu te nunachilezumuka, nunachivu yikatalo, iye kevwilile Zambi woma.

Shimbi 32:22

Mumu mu utenu wami hinawika kahia kukanalengenya ndo ku mashima a Shiole. Kukanalese hashi ni mbuto yaho. Kukanachocheka fundamentu ya milundu.

Shimbi 9:22

Yinwihia Yehova ku Tabera, ni ku Masa, ni ku Kibrote-Hatava.

Hebreu 12:29

Mumu Zambi yetu iye kahia kakulalisa.

Tiangu (Jake) 5:4

Talenu, fweto ya akwa milimo jenu waze hanachi minda yenu, yize nwaalimwine, kuyakuteta; ni miteto ya waze hanachi hiyinanjila mu matwi ja Mwene wa yizavu ya tujita.

Yuda 1:16

Wano akwa kulinyenyeta, akwa kulinyengetela, akwenda nikulita ni usolo wo ene; (ni makanwa jo kakuhanjika maliji anene a kulivwimba), kakulinga ni katonde, akafumbuke ene.