Kwalula 10:9 - MUKANDA USANDU WA ZAMBI 1975

⁹ Mu chifuchi chenu muze munwasa jita ni mukwa kole wa kunumwesa lamba, nukembe yitavwi ya kutoweza, mba makanwiwuluka kumeso ja Yehova Zambi yenu. Makanulamwina kuli akwa kole jenu.

Mukanda Wa Zambi 1970

⁹ Mu chifuchi chenu, muze akwa kole jenu maakeza ha kwasa nenu jita, nukemba yitavwi yino. Mba yami Mwene Zambi, Zambi yenu, mungukanukwasa ni kunulamwina.

Kwalula 10:9 Iomraidhean Croise

Ubutukilo 8:1

Alioze Zambi yewuluka Noe ni akwa mwono eswe ni yimuna eswe apwile hamwe nenyi mu ulungu. Zambi yapalikisa fuji hashi chocho meya ahuwile.

2 Sango Ja Mianangana 13:12

Chikwo nawa Zambi kwali hamwe ni yetu kututetekela, ni asasendote jenyi ni yitavwi ya kulungula akahumune kutulungula kulimika ni yenu. Enu A-Izalele! Kanda nwasa jita ni Yehova Zambi ya tulamba twenu, mumu kunuchi kuwahamo.

2 Sango Ja Mianangana 13:14

Mba muze A-Yunda yatala kunyima, jita yapwile kulutwe lio ni kunyima yo. O yateta kuli Yehova ni asasendote ahumwine yitavwi.

Miaso (Masamu) 106:4

Yehova, ungwiwuluke kama ni vumbi lize wakupwa nalio kuli atu je. Ungunangise ni ulamwino we.

Miaso (Masamu) 106:42

Akwa kole jo aapinjishile nikwazeyesa kushi lia kwoko lio.

Miaso (Masamu) 136:23

Yoze watwiwulukile ku ulelu wetu; mumu utu wa zango lienyi wa mutolo.

Izaya 18:3

Yenu eswe akwa hashi, enu nwatunga muno-muze, muze mamika mbandeira ha milundu, talenu! Muze mahumuna chitavwi, panjikenu!

Izaya 58:1

Kololoka! Kanda utepululako! Zundula liji lie ngwe chitavwi; ambulula kuli atu jami Utanguko wo, ambulula kuli akwa munyachi wa Yakomba milonga yo.

Jeremia 4:19

Mbunge yamie—mbunge yamie— ngunalifwichi ni yikola. Mama yami—mbungeie— Mbunge yami yinalipupula; Chahashile kuhwima mumu ngunevu liji lia chitavwi, we mutambi wa jita.

Jeremia 4:21

Ndo mwiji muka mungumona mbandeira ni kwivwa liji lia chitavwi?

Jeremia 4:5

Ambenu mu Yunda; tambikenu mu Yerusaleme ngwenu, Humunenu chitavwi ndusu mu chifuchi, tambikenu ngwenu, Kungulukenu tukaye tukanjile mu yihunda ya kukolesa.

Jeremia 49:2

Kashika Yehova kanambe ngwenyi, Matangwa kaneza muze munguneha mutambi wa jita mu matwi, wa kulimika ni Raba ya A-Amone. Muyalumuka mulumba wa hululu, ni tuyihunda twako matwocha ni kahia, mba henaho Izalele makasalakana waze amusalakanyine. Chocho kanambe Yehova.

Jeremia 6:1

Enu atu ja Mbenjamine Chinenu mu Yerusaleme, nukawane ulamwino! Humunenu chitavwi mu Tekoa, senu chilayi ha Mbete-hakereme. Mumu chipi chinamoneka ku Norte, ni kwonwona chinene.

Jeremia 6:17

Nanuselele tulayi ngwami, Nupanjike ku liji lia chitavwi. Alioze o ambile ngwo, Kutuchi kupanjika.

Ezekiel 7:14

Hasunga chitavwi, halulika yuma yeswe, alioze niumwe kayile ku jita mumu ufwatulo wami washata mbunga yo yeswe.

Hosea 5:8

Humuna njalamina mu Ngibia; humuna chitavwi mu Rama. Sunga utoweze atu ku Mbete-Avene; ena Mbenjamine, chikima!

Alevi 23:24

Amba kuli A-Izalele ngwe, Ha kakweji wamuchishimbiali, ha tangwa litangu lia kakweji, munukafunga tangwa lilemu lia kuhwima. Chikapwe Chiwulwiso cha kuhumuna yitavwi, chikungulwila chisandu.

Amose 3:6

Atu kechi kwivwa woma nyi hasunga chitavwi mu chihunda? Chuma chikalu muchiwana chihunda nyi Yehova kachitumine?

Zefania 1:16

tangwa lia liji lia chitavwi ni kukalumioka cha jita kulimika ni yihunda ya kukolesa; cha kulimika ni yipanga-ya-mawe yisuku.

Kwalula 31:6

Mose yaatuma ku jita, ku munyachi weswe kanunu, no ni Finehase mwana wa sasendote Eleazare ku jita, hamwe ni yikashi ya muma musandu ni yitavwi ya kutoweza nayo mu kwoko lienyi.

1 Korintu 14:8

Mumu kachi chitavwi muchihana liji lize kulialumbunukine, iya malulika ha jita?

Shimbi 20:1

Muze munutuhuka mukwasa jita ni akwa kole jenu, ha kumona tuvwalu, ni matemba, ni atu amwe ananuhiana ha kwoka, kanda nwavwila woma; mumu Yehova Zambi yenu kwali hamwe ni yenu, iye wanuchijile mu chifuchi cha Engitu.

Yoshua 6:5

Muze o mahumuna liji lisuku ha mbinga ja kuji a mapanga, enu munwivwa liji lia yitavwi mba atu eswe makololoka ni liji linene. Mba chipanga-cha-mawe cha chihunda muchinungukina hashi, hanga e atu akanduke pundu mutu mweswe kumeso jenyi.

Akwa Kuyula 10:12

A-Sendone anupinjishile nawa, ni A-Amaleke, ni A-Mayone, ahoze nwatetele kuli yami mba nanupulwile ku moko jo.

Akwa Kuyula 10:8

O yapinjisa A-Izalele nikwahungumiona mwaka uze. Kumi lia miaka ni miaka nake ahungumionene A-Izalele eswe apwile mu sali lia Yordau mu chifuchi cha A-Amore mu Ngiliate.

Akwa Kuyula 2:18

Muze Yehova waahele mukwa kwayula, Yehova wapwile hamwe ni mwe mukwa kwayula, nikwalamwina ku kwoko Ha akwa kole jo matangwa eswe a mwe mukwa kwayula, mumu chavwishile Yehova keke kwivwa mikuma yize atwile mumu hali waze aapinjishile nikwahungumiona.

Akwa Kuyula 3:27

Muze haheta yemba chitavwi mu chifuchi cha Eframe ku milundu, mba A-Izalele akatukile ku chifuchi cha milundu hamwe nenyi, iye te kanaatetekela.

Akwa Kuyula 6:34

Alioze Spiritu ya Yehova yahulumukina hali Ngideone; iye yahumuna chitavwi mba yasanyika A-Abieza akamukaule.

Akwa Kuyula 6:9

Nanupulwile ku moko ja A-Engitu ni ku moko ja waze eswe anupinjishile, Naahumine kumeso jenu; nanuhele chifuchi cho.

1 Samuel 10:18

Yamba kuli ayo ngwenyi, Yehova, Zambi ya Izalele kanambe ngwenyi, Yami nachijile A-Izalele ku Engitu, nikunupulula ku moko ja A-Engitu ni ku moko ja mavungu aze eswe anupinjishile.