Kwalula 10:29 - MUKANDA USANDU WA ZAMBI 1975

²⁹ Mose yamba kuli Hobabe, mwana wa Reuele, Ka-Mindiane, tato-weno ya Mose ngwenyi, Mu wenyi tuli, tukaye ku chifuchi chize Yehova ambile ngwenyi, Mungunwahacho. Tweyenu hamwe ni yetu, mutunulinga kapema; mumu Yehova hanahanjika yipema ha kutwala kuli A-Izalele.

Mukanda Wa Zambi 1970

²⁹ Mose yambila nyalienyi Hobabe, mwana wa Jetro, Kamidiane, ngwenyi: “Himutuya ku chifuchi chize Mwene Zambi hanatulakenya kutwaha. Hanalakenya kuwahisa Aisraele, kashika tweya hamwe ni yetu. Mutulianyina chitundo chetu hamwe ni yenu.”

Kwalula 10:29 Iomraidhean Croise

Ubutukilo 12:7

Mba Yehova yasoloka kuli Apalama, yamba ngwenyi, Chifuchi chino munguchihana ku munyachi we. Mba kuli Yehova yoze yasoloka kuli iye yamutungilako chilumbilo.

Ubutukilo 13:15

Mumu chifuchi chino cheswe unamono ngunakwehecho, ni kuli yena ni ku munyachi we ku miaka ya mutolo.

Ubutukilo 15:18

Ha tangwa lienalio Yehova yakolesa usendo ni Apalama ngwenyi, Chifuchi chino hinachihana ku munyachi we, chize ku lwiji wa Engitu ndo ku lwiji munene, mwe Ufrateze;

Ubutukilo 17:8

Chifuchi cha unjize we, chifuchi chino cheswe cha Kanana munguchihana kuli yena ni ku munyachi we kulutwe akachizuke ku miaka ya mutolo. Yami mungukapwa Zambi yo.

Ubutukilo 32:12

Wambile ngwe, Pundu mungukakulinga yipema, mungukapwisa munyachi we ngwe masekeseke a kalunga-lwiji, kechi kuhasa kwaalula mumu anji.

Miaso (Masamu) 100:1

Likwizenu kumeso ja Yehova akwa yifuchi yeswe.

Miaso (Masamu) 34:8

Panjikenu nukambe ngwenu, Yehova iye mupema; kawaha mweswe maswama muli iye.

Miaso (Masamu) 95:1

Tatuyenu twimbile miaso Yehova, tulikwizenu kumeso ja lie liwe lia ulamwino wetu.

Kutuhuka 18:1

Yetoru, sasendote ya A-Mindiane, tato-weno ya Mose yevwa yuma yeswe Zambi halingila Mose ni A-Izalele atu jenyi, ngwe Yehova hanachiza A-Izalele ku Engitu.

Kutuhuka 18:12

Mba Yetoru, tato-weno ya Mose walambwile mulambu wa kulumba kuli Zambi hamwe ni yitapo. Arone yeza ni makulwana eswe a A-Izalele hamwe ni mwe tato-weno ya Mose mukulia mbolo kumeso ja Zambi.

Kutuhuka 18:27

Mose washikile tato-weno, akaye, chocho yaya kwenyi ku chifuchi chenyi mwene.

Kutuhuka 2:18

Muze ahetele kuli tato Reuele, iye yamba ngwenyi, Kuchi nweza washi musono?

Kutuhuka 2:21

Mba chawahilile Mose kutwama ni mutu yoze. Yahana kuli Mose mwanenyi wa pwo Zepora.

Kutuhuka 3:1

Mose wafungile mapanga ja tatoweno Yetoru, mwe sasendote wa A-Mindiane. Yatwala mapanga mu sali lia puya. Yaheta ku Horepe, mulundu wa Zambi.

Kutuhuka 3:8

Hinahulumuka mukwapulula ku moko ja A-Engitu, mukwachiza ku chifuchi chize, mukwatwala ku chifuchi chipema, chinene, ndo ku chifuchi kuze kunokela yamwa ni wuchi, ndo ku chihela cha A-Kanana, ni cha A-Hete, ni cha A-Amore, ni cha A-Perize, ni cha A-Hevwe, ni cha A-Yepushe.

Kutuhuka 6:4

Nakolesele no usendo wami mukwaaha chifuchi cha Kanana, chifuchi cha unjize wo kuze atwamine njize.

Izaya 2:3

Akwa minyachi yinji meza ngwo, Tuyenu tukanduke ku mulundu wa Yehova, ku zuwo lia Zambi ya Yakomba; atulongese ndako jenyi tukende mu majila jenyi. Mumu mwe mu Zaione mumutuhukila shimbi, liji lia Yehova mulituhuka mu Yerusaleme.

Jeremia 50:5

Makahula jila ya kuya ku Zaione ni meso jo a kutalikisako ngwo, Tatuyenu tulinunge ni Yehova ni usendo wa mutolo uze kechi kahasa kuvulama.

Kwalula 10:28

Chocho chapwile kwenda cha A-Izalele nikulita ni yizavu yo, ha kukatuka.

Kwalula 23:19

Zambi hi mutu ko ahanjike mahuza, ka; chipwe mwana wa mutu, alikonyeke, ka. Hamba chimwe chuma, kechi kuchilinga? Hanji hachihanjika chimwe chuma, mba kechi kuchimanununa?

Yilinga 7:5

alioze kamuhelemo chihinga nichimwe, chipwe haze masa chiliato chenyi, ka: hindu walakenyene kunwahacho akachipite iye mwene, ni munyachi wenyi kulutwe lienyi, shimbu te kanda apwa ni mwana.

Shimbi 30:5

Yehova Zambi yenu makanuhetesa mu chifuchi chapwile cha akakenu, nukachizuke, makanulinga yipema, makanwokesa, munukapwa anji, akakenu akehe.

Shimbi 4:40

Nufunge yiyulo yenyi ni maliji jenyi a shimbi, ngunanwambeyo musono, hanga nutwame kanawa; ana jenu nawa kulutwe lienu akatwame kanawa, hanga nwokese matangwa jenu mu chifuchi Yehova Zambi yenu ananwehecho cha mutolo.

Titu 1:2

mukutalatala mwono wa mutolo, uze Zambi, yoze keshi mahuza, walakenyene ku miakulwila;

Hebreu 6:18

Hanga ku yuma yiali kuyishi kuhasa kwalumuka, mu yino Zambi kechi kuhasa kuhanjika mahuza, tukapwe ni kulembejeka cha ngolo, yetu hitunachinyina kukwata ku kutalatala chize chili kulutwe lietu.

Usolwelo 22:17

Ni Spiritu ni ndungi kanambe ngwo, Tweya. Ni yoze mevwa ambe ngwenyi, Tweya. Ni yoze mevwa pwila eze: ni yoze mazanga atambule meya a mwono chawana.

Akwa Kuyula 1:16

A-Kene, waze asemukine kuli tato-weno wa Mose, o akandukile hamwe ni A-Yunda katu ku chihunda cha mingaji ndo ku puya ya Yunda mu Negeve hakamwihi ni Arata. Akandukile nikutunga ni e atu.

Akwa Kuyula 4:11

Hepere Ka-Kene iye te halihandununa ni A-Kene aze asemukine kuli Hobabe tatoweno wa Mose. Hajika mbalaka yenyi kusuku kwe ku mutondo wa carvalho ku Zananime hakamwihi ni Kendeshe.

1 Samuel 15:6

Saulu yamba kuli A-Kene ngwenyi, Katukenu, yenu nutuhuke hakachi ka A-Amaleke kuchina mungunwonwona hamuwika. Mumu yenu nwalingile ni vumbi kuli A-Izalele eswe muze akatukile ku Engitu. Chocho A-Kene yakatuka hakachi ka A-Amaleke.