Kwalula 10:10 - MUKANDA USANDU WA ZAMBI 1975

¹⁰ Chizechene nawa ha tangwa lia chiseke chenu, ni ha yiwanyino yenu ya kutongola, ni ha uputukilo wa tukweji twenu, yitavwi nukayimbile helu lia milambu yenu ya kulumba ni helu lia yitapo ya milambu yenu ya sambukila. Yikapwe Chiwulwiso kuli yenu kumeso ja Zambi yenu. Yami Yehova Zambi yenu.

Mukanda Wa Zambi 1970

¹⁰ Chimuwika nawa ha matangwa ja uwahililo wenu, ha yiwanyino yenu ya Kakweji Mwaha ni ha yiwanyino yikwo, nukemba yitavwi muze munulambula milambu yenu ya kwocha ni ya kulivwa ni yami Mwene Zambi. Mba mungukanukwasa. Yami nguli Mwene Zambi, Zambi yenu.”

Kwalula 10:10 Iomraidhean Croise

1 MIANANGANA 4:23

Lunga yamba ngwenyi, Kuchi te muoya kuli iye musono? Kuchapwile kakweji mwaha hanji Sambata. Pwo yamba ngwenyi, E tuhu. Muchiwaha.

1 Sango Ja Mianangana 15:24

Shebania, ni Yehosofate, ni Netanele, ni Amasai, ni Zekaria, ni Benaia, ni Elieza asasendote embile yitavwi kulutwe lia mushete wa Zambi. Obede-Endome ni Jehia apwile akwa kufunga pito ku mushete.

1 Sango Ja Mianangana 15:28

Chocho A-Izalele eswe anehene mushete wa usendo wa Yehova ni kulikwiza chinji, ni liji lia njalamina, ni yitavwi, ni sembalu, nikwimba ni tachi ni yisaji ya kusa ni tulialia.

1 Sango Ja Mianangana 16:42

Hamwe no Hemane ni Yedutune apwile ni yitavwi ni sembalu ha kwimba, ni yisaji ha miaso ya Zambi, ni ana ja Yedutune akamane ku chikolo.

2 Sango Ja Mianangana 29:26

A-Levi yamana ni yisaji ya David, ni asasendote ni yitavwi.

2 Sango Ja Mianangana 29:28

Ni akwa chikungulwila eswe yawayila, ni njimba yemba, ni akwa yitavwi yahumuna. Chino cheswe yichiya ndusu ndo mulambu wa kulumba hiwahwa.

2 Sango Ja Mianangana 7:6

Ni asasendote amanyine nikulita ni uvumbiko wo; ni A-Levi nawa ni yisaji ya Yehova yize mwanangana David walingile ya kusakwila nayo kuli Yehova mumu utu wa zango lienyi wa mutolo, muze David wahalishile ni uvumbiko wo. Ni asasendote yahumuna yitavwi kumeso jo, ni A-Izalele eswe yamana ha molu jo.

Ezra 3:10

Muze akwa kutunga asele fundamentu ya tembele ya Yehova aselele asasendote mu uzalo wo ni yitavwi, ni A-Levi ana ja Asafwe ni sembalu, akachichimieke Yehova nikulita ni yiyulo ya David mwanangana wa Izalele.

Nehemia 12:35

ni amwe a kuli ana ja asasendote ni yitavwi: Zekaria mwana Jonatas, mwana Shemaia, mwana Matania, mwana Mikaia, mwana Zakure, mwana Asafwe,

Miaso (Masamu) 150:3

Muhalisenu ni liji ha chitavwi. Muhalisenu ni kalialia ni lungandu.

Miaso (Masamu) 81:3

Humunenu chitavwi ha kakweji mwaha, ha hakweji wa kuunduka, ha chiwanyino chetu.

Miaso (Masamu) 81:4

Mumu chapwa shimbi kuli A-Izalele ni chiyulo cha Zambi ya Yakomba.

Miaso (Masamu) 89:15

Kawaha atu aze ananyingika liji lia kuwaha. Kakwenda mu pangu lia meso ja yena Yehova.

Kutuhuka 28:29

Arone akambate majina ja A-Izalele ku chipwiko cha upatwilo ha mbunge yenyi, muze manjila muma musandu, chikapwe Chiwulwiso kumeso ja Yehova matangwa eswe.

Kutuhuka 30:16

Ukatambule kuli A-Izalele mbongo ja kwafukila milonga ukajise ku uvumbiko wa mu mbalaka ya chikungulwila, jikapwe Chiwulwiso cha A-Izalele kumeso ja Yehova, mukunufukila shili.

Izaya 27:13

Ha tangwa lize mahumuna chitavwi chinene, ni waze anatoko mu chifuchi cha Asuria ni waze aahumine aye ku Engitu meza akawayile Yehova ha mulundu usandu ku Yerusaleme.

Alevi 23:24

Amba kuli A-Izalele ngwe, Ha kakweji wamuchishimbiali, ha tangwa litangu lia kakweji, munukafunga tangwa lilemu lia kuhwima. Chikapwe Chiwulwiso cha kuhumuna yitavwi, chikungulwila chisandu.

Kwalula 10:9

Mu chifuchi chenu muze munwasa jita ni mukwa kole wa kunumwesa lamba, nukembe yitavwi ya kutoweza, mba makanwiwuluka kumeso ja Yehova Zambi yenu. Makanulamwina kuli akwa kole jenu.

Kwalula 28:11

Ha kuputuka cha tukweji twenu, nukalambule kuli Yehova mulambu wa kulumba: yimbembe aali a kuji, ni kuji ya panga umuwika, ni kuji a mapanga shimbiali a mwaka umuwika, keshi chipa;

Kwalula 29:1

Ha kakweji wamuchishimbiali, lie tangwa litangu lia mwe kakweji, nukapwe ni chikungulwila chisandu, kanda nukalingaho milimo niyeyimwe ya kuhondangana. Kuliapwa kuli yenu tangwa lia kwimba yitavwi.

Mateu 11:28

Tweyenu kuli yami, yenu eswe nwakukilikita nikulemewa, ni yami kumungunuhwimisa.

Yilinga 10:4

Iye, nikumuhulikila meso, wa tò ni woma, wambile ngwenyi, Kuchi Mwene? Wambile kuli iye ngwenyi, Kulemba che ni kuhana che hichinazezuka ngwe Chiwulwiso kumeso ja Zambi.

1 Korintu 15:52

Susumuku, ha kukamuna cha liso, ha chitavwi cha kusula: mumu chitavwi muchikahanjika, mba makahindwisa e afu ni kupola chakuhi, ni yetu makatwalumuna.

1 Tesalonika 4:16

Mumu Mwene, iye mwene, kumakahulumuka mwilu, ni liji lia mutambi, ni liji lia mungelo wa lutwe, ni chitavwi cha Zambi: ni afu muli Kristu kumakalianga kuhinduka.

1 Tesalonika 4:18

Kashika lilembejekenu umwe ni mukwo ni maliji ano.

Yoshua 4:7

Mba munwaambulwila ngwenu, Meya a Yordau apatukile kumeso ja mushete wa usendo wa Yehova. Muze mushete wazaukile Yordau mba meya a Yordau apatukile. Chocho mawe ano mapwa Chiwulwiso cha mutolo kuli A-Izalele.

Yoshua 6:4

Asasendote shimbiali mambata yitavwi shimbiali ya mbinga ja kuji a mapanga kulutwe lia mushete. Ha tangwa liamuchishimbiali munujinguluka chihunda yisuho shimbiali shimbu asasendote mahumuna yitavwi.

Usolwelo 22:17

Ni Spiritu ni ndungi kanambe ngwo, Tweya. Ni yoze mevwa ambe ngwenyi, Tweya. Ni yoze mevwa pwila eze: ni yoze mazanga atambule meya a mwono chawana.

1 Samuel 20:5

David yamba kuli Jonatas ngwenyi, Tala, hamene tangwa lia kakweji mwaha, kuchangutambile kuhona ku mesa ya mwanangana. Alioze ngutayize nguye nikuswama mu yambu ndo tangwa liamuchitatu ha ngoloshi.