Kwalula 1:54 - MUKANDA USANDU WA ZAMBI 1975

⁵⁴ Chocho chialingile A-Izalele, nikulita ni yize yeswe Yehova ambile Mose, chocho chialingile.

Mukanda Wa Zambi 1970

⁵⁴ Aisraele yalinga yuma yeswe ngwe chize Mwene Zambi ambilile Mose.

Kwalula 1:54 Iomraidhean Croise

Kutuhuka 12:28

A-Izalele yaya, yalinga chocho, chizechene ngwe Yehova hatuma Mose ni Arone, chocho alingile.

Kutuhuka 39:32

Chocho milimo yeswe yahwile ya tabernakulu ni ya mbalaka ya chikungulwila. A-Izalele yalinga nikulita ni yeswe Yehova ambile kuli Mose. Chocho o alingile.

Kutuhuka 39:43

Mose yatala milimo yeswe, kumanyi te halinga yeswe chizechene ngwe Yehova hamba, chocho hayilinga, mba Mose yaawahisa.

Kutuhuka 40:16

Chocho Mose walingile nikulita ni yeswe Yehova wamwambile. Chocho chialingile iye.

Kutuhuka 40:32

Apwile nikusana muze manjila mu mbalaka ya chikungulwila, ni muze makundama ku chilumbilo, chizechene ngwe Yehova ambile kuli Mose.

Kwalula 1:19

Chizechene ngwe Yehova ambile Mose chocho yaalula ku puya ya Sinai.

Kwalula 1:53

A-Levi akajikile mbalaka jo kwa kujingilika ye tabernakulu ya Shindakenyo, hanga kukuchi kapwa ufwatulo ha chikungulwila cha A-Izalele. A-Levi akalayile ye tabernakulu ya Shindakenyo.

Kwalula 2:1

Yehova yamba kuli Mose ni Arone ngwenyi,

Kwalula 2:34

Chocho chialingile A-Izalele nikulita ni yeswe Yehova ambile Mose. Chocho kwe ku mbandeira jo yajikilako mbalaka jo. Chocho ayile mu wenyi, mutu mweswe mu munyachi wenyi, nikulita ni majiko ja atato.

Kwalula 36:10

Chizechene ngwe Yehova wambile Mose, chocho chialingile ana a Zelofehade a mapwo.

Kwalula 8:20

Chocho alingile Mose ni Arone ni chikungulwila cheswe cha A-Izalele kuli A-Levi; nikulita ni yeswe Yehova ambile Mose ha kutwala kuli A-Levi, chocho alingile A-Izalele kuli ayo.

Kwalula 9:22

Chipwe matangwa aali, chipwe kakweji, chipwe mwaka lelwa liashimbwile ha tabernakulu nikutwamaho, A-Izalele atwamine mu chilombo, kendele. Alioze muze lelwa liakatukile mba endele.

Kwalula 9:5

O yafunga che Chizomboka ha kakweji mutangu, ha tangwa kumi ni liamuchiwana lia mwe kakweji, ha chingoloshi, mu puya ya Sinai; nikulita ni yeswe Yehova ambile Mose, chocho alingile A-Izalele.

Mateu 28:20

nikwalongesa kufunga yuma yize yeswe nanuhele shimbi: nyingikenu, yami kunguli hamuwika ni yenu matangwa eswe ndo kumanunuka cha mwaka. Amene.

Shimbi 12:32

Cheswacho ngunanwambecho, nukanyame kuchilinga. Kanda nuwezako, chipwe kanda nutepululako.

1 Samuel 15:22

Samuel yamba ngwenyi, Te Yehova kakuwahilila ni milambu ya kulumba ni yitapo, nyi kakuwahilila ni waze mamwononokena? Kwononoka kuchahiana kulambula yitapo. Kupanjika kuchahiana kuhana maji a kuji a mapanga.