Kwalula 1:46 - MUKANDA USANDU WA ZAMBI 1975

⁴⁶ te wano eswe a kwalula yapwa kulakaji asambano a tununu ni tununu atatu ni kulakaji atano ni makumi atano.

Kwalula 1:46 Iomraidhean Croise

Ubutukilo 12:2

Mba ku-mungukakupwisa vungu linene. Mungukuwahisa, mungufumanyisa jina lie, kumuopwa mukwa kuwahisa.

Ubutukilo 13:16

Chikwo nawa mungwokesa munyachi we ngwe fufuta ya hashi. Nyi mutu mahasa kwalula fufuta ya hashi mba chocho mahasa kwalula munyachi we.

Ubutukilo 15:5

Yamuneha haze, yamba ngwenyi, Tala kwilu haliapwila walule matongonoshi nyi muhasa kwaalula. Mba yamba ngwenyi, Chocho makapwa akwa munyachi we.

Ubutukilo 17:6

Mungukakupwisa semi kuhiana. Kuli yena mungutanga mavungu, chipwe mianangana kumakatuhuka muli yena.

Ubutukilo 22:17

kuwahisa mungukakuwahisa; kwokesa mungukokesa munyachi we ukapwe ngwe matongonoshi a mwilu; ukapwe ngwe masekeseke a ha ngenge ya kalunga-lwiji. Munyachi we makazuka chajilo cha akwa kole je.

Ubutukilo 26:3

Twama njize mu chifuchi chino mba mungupwa hamwe ni yena, mungukuwahisa. Mumu munguhana yifuchi yino yeswe kuli yena ni munyachi we. Mungukolesa shingo lize nalishingile nalio kuli tatenu Apalahama.

Ubutukilo 28:14

Akwa munyachi we kumakapwa ngwe fufuta ya hashi, kumukalitanda ku Chitokelo, ni ku Chivumbuko, lumbu ni lumbu, mavungu eswe a hashi eswe kumakaawahisa kuli yena ni ku munyachi we.

2 Samuel 24:9

Joabe yahana kuli mwanangana kwalula cha atu. Kwapwile mu Izalele kulakaji nake a tununu a malunga a hamu akwa katana. Malunga a mu Yunda kulakaji atano a tununu a malunga.

1 Yitanga Ya Mianangana 4:20

A-Yunda ni A-Izalele atu anji ngwe masekeseke ha ngenge ya kalunga-lwiji, te kanali, kananu, nikuwahilila.

1 Sango Ja Mianangana 21:5

Joabe yakunjika kuli David kwalula cha e atu. Atu eswe A-Izalele apwile kanunu ka tununu ni kulakaji lia tununu a malunga akwa tutana; ni A-Yunda apwile kulakaji awana ja tununu ni makumi shimbiali a tununu, malunga a tutana.

2 Sango Ja Mianangana 13:3

Abija yalulika jita ni mbunga ya tujita akwa hamu, kulakaji awana a tununu a malunga a kusakula. Jeroboame yalulika jita kulimika nenyi ni kulakaji nake a tununu a malunga a kusakula, yitakame, akwa hamu.

Kutuhuka 12:37

A-Izalele yaya wenyi wo nikwenda hashi chize ku Ramese ndo ku Sukote. Kafwa te apwile ngwe makulakaji asambano a tununu a malunga, mba kuwezaho ana nawa.

Kutuhuka 38:26

Kuli mutu mweswe mbeka yimuwika, yalita ni chihanda cha hakachi cha shekele nikulita ni ye shekele ya muma musandu, kuli waze eswe hanapalika, te waze hanaalula, chize kuli akwa makumi aali a miaka ndo kuli makulwana. Te kuli makulakaji asambano a tununu ni tununu atatu a malunga ni makulakaji atano a malunga ni makumi atano a malunga.

Kwalula 1:45

Kashika wano eswe a kwalula a kuli A-Izalele ku majiko ja atato, chize kuli akwa makumi aali a miaka ndo kuli makulwana, eswe mahasa kuya ku jita mu Izalele,

Kwalula 11:21

Mose yamba ngwenyi, E atu hakachi ko nguli, hapwa makumi asambano a tununu a malunga akwenda hashi. Yena hiwamba ngwe, Mungwaaha yifwo, hanga akalie kakweji mweswe.

Kwalula 14:29

Mijimba yenu ya kufwa muyikalimbuka mu puya yino. Eswe a kwalula a kuli yenu, nikulita ni kwalula chenu cheswe, chize kuli akwa makumi aali a miaka ndo kuli makulwana waze halinyenyeta ni yami,

Kwalula 2:32

Wano ene a kwalula a kuli A-Izalele ku majiko ja atato. Eswe a kwalula a ku yilombo, nikulita ni yizavu yo, yapwa kulakaji asambano a tununu ni tununu atatu ni kulakaji atano ni makumi atano.

Kwalula 23:10

Iya mahasa kwalula fufuta ya Yakomba? Hanji iya mahasa kuvuluka mutu ni mutu wa ku chihanda chimuwika cha ku yihanda yiwana ya kuli A-Izalele? Ngufwe ngwe mafwa mukwa ululi. Kusula-songo liami likapwe ngwe lia iye!

Kwalula 26:51

Wano yapwa a kwalula a kuli A-Izalele, kulakaji asambano a tununu ni kanunu umuwika ni kulakaji shimbiali ni makumi atatu.

Shimbi 10:22

Tulamba twenu yapalumukina ku Engitu, makumi shimbiali a atu, haliapwila Yehova Zambi yenu hananupwisa mbunga ngwe matongonoshi a mwilu.