Kwalula 1:3 - MUKANDA USANDU WA ZAMBI 1975

³ chize kuli akwa makumi aali a miaka ndo kuli makulwana, te eswe hakachi ka A-Izalele mahasa kuya ku jita. Ni yena ni Arone nukaalule nikulita ni yizavu yo.

Mukanda Wa Zambi 1970

³ chize kuli waze haabwa ni miaka makumi aali ndoo kuli makulwana waze anatela kuya ku jita.

Kwalula 1:3 Iomraidhean Croise

2 Samuel 24:9

Joabe yahana kuli mwanangana kwalula cha atu. Kwapwile mu Izalele kulakaji nake a tununu a malunga a hamu akwa katana. Malunga a mu Yunda kulakaji atano a tununu a malunga.

1 Sango Ja Mianangana 5:18

A-Rupene, ni A-Ngate ni chihanda cha ha muchima cha munyachi wa Manase, akwa hamu waze anahase kumbata kepwe ni tutana, ni kukonga mata a manana, te akwa jita apwile makumi awana a tununu ni tununu awana ni kulakaji shimbiali ni makumi asambano eswe akwa kuya ku jita.

2 Sango Ja Mianangana 25:5

Chikwo nawa Amazia yakungulula A-Yunda, yaasela kushi lia tupitau twa tununu ni twa makulakaji nikulita ni minyachi ya atato, A-Yunda ni A-Mbenjamine eswe. Yaalula chize ku makumi aali a miaka; yawana kulakaji atatu a tununu a malunga a kusakula waze mahasa kuya ku jita nikukwata makunga ni kepwe.

Kutuhuka 12:17

Nukafunge chiwanyino cha mbolo kuyishi futunwiso mumu te ha tangwa lioliene hinachiza yizavu yenu ku chifuchi cha Engitu, kashika nukafunge lino tangwa ni shimbi ya mutolo ndusu yisemuko yenu.

Kutuhuka 30:14

Mutu mweswe mapalika kuli waze hanaalula chize kuli akwa makumi aali a miaka ndo kuli makulwana akahane we mulambu wa Yehova.

Kutuhuka 38:26

Kuli mutu mweswe mbeka yimuwika, yalita ni chihanda cha hakachi cha shekele nikulita ni ye shekele ya muma musandu, kuli waze eswe hanapalika, te waze hanaalula, chize kuli akwa makumi aali a miaka ndo kuli makulwana. Te kuli makulakaji asambano a tununu ni tununu atatu a malunga ni makulakaji atano a malunga ni makumi atano a malunga.

Kwalula 14:29

Mijimba yenu ya kufwa muyikalimbuka mu puya yino. Eswe a kwalula a kuli yenu, nikulita ni kwalula chenu cheswe, chize kuli akwa makumi aali a miaka ndo kuli makulwana waze halinyenyeta ni yami,

Kwalula 26:2

Alulenu chikungulwila cheswe cha A-Izalele, chize kuli akwa makumi aali a miaka ndo kuli makulwana, ku minyachi ya tulamba two, eswe hakachi ka A-Izalele mahasa kuya ku jita.

Kwalula 3:15

Alula A-Levi ku majiko ja atato, mu minyachi yo. Alula malunga eswe chize kuli akwa kakweji umuwika ndo kuli makulwana.

Kwalula 32:11

Chamwenemwene niumwe wa kuli atu akatukile ku Engitu, chize kuli akwa makumi aali a miaka ndo kuli makulwana makamona chifuchi nalakenyene ni shingo kuhana kuli Apalahama ni kuli Izake ni kuli Yakomba, mumu te o kangukawile liakulu,

Kwalula 33:1

Mawenyi ja A-Izalele ha kukatuka ku chifuchi cha Engitu, ku yizavu yo, ku kwoko lia Mose ni lia Arone.

Kwalula 4:3

chize kuli akwa makumi atatu a miaka ndo kuli makulwana, ewa ndo kuli akwa makumi atano a miaka, eswe akunjila ku uvumbiko, mukulinga ye milimo ya mu mbalaka ya chikungulwila.

Shimbi 24:5

Lunga nyi hachimbata pwo, kanda atuhuka ni chizavu cha tujita, chipwe kanda amutwika milimo niyimwe, akatwame tuhu ku mahio mwaka umuwika, akawahise mukwo-pwo yoze hambata.

Shimbi 3:18

Yingunwamba ha mwaka uze ngwami, Yehova Zambi yenu hananwehe chifuchi chino chihinga. Munuzauka ni yitwa yenu kumeso ja akwenu, A-Izalele, malunga eswe a hamu.