Kwalula 1:2 - MUKANDA USANDU WA ZAMBI 1975

² Alula chikungulwila cheswe cha A-Izalele mu minyachi yo, ku majiko ja atato, nikulita ni kwalula cha majina, malunga eswe, mutu ha mutu,

Mukanda Wa Zambi 1970

² “Yena ni Arone alulenu Aisraele nikulita ni majimo ni majiko jo. Alulenu majina ja malunga eswe,

Kwalula 1:2 Iomraidhean Croise

Kutuhuka 12:37

A-Izalele yaya wenyi wo nikwenda hashi chize ku Ramese ndo ku Sukote. Kafwa te apwile ngwe makulakaji asambano a tununu a malunga, mba kuwezaho ana nawa.

Kutuhuka 30:12

Muze muwalula A-Izalele nikulita ni kwalula cho, hohene mutu mweswe akahane kuli Yehova ha ukule wa mbunge yenyi, muze muwalula, hanga kukuchi kapwa hakachi ko chilungo nichimwe muze muwalula.

Kutuhuka 38:25

Prata ya waze aalwile a ku chikungulwila yapwile ya kulakaji lia *talentu, ni kanunu ka shekele ni makulakaji shimbiali a shekele ni makumi shimbiali a shekele ni shekele jitano nikulita ni ye shekele ya muma musandu.

Kutuhuka 38:26

Kuli mutu mweswe mbeka yimuwika, yalita ni chihanda cha hakachi cha shekele nikulita ni ye shekele ya muma musandu, kuli waze eswe hanapalika, te waze hanaalula, chize kuli akwa makumi aali a miaka ndo kuli makulwana. Te kuli makulakaji asambano a tununu ni tununu atatu a malunga ni makulakaji atano a malunga ni makumi atano a malunga.

Kwalula 1:18

Ha tangwa litangu lia kakweji wamuchiali o yakungulula chikungulwila cheswe, mba yajichika miya yo, mu minyachi yo, ku majiko ja atato, nikulita ni kwalula cha majina, chize kuli akwa makumi aali a miaka ndo kuli makulwana, mutu ha mutu.

Kwalula 1:19

Chizechene ngwe Yehova ambile Mose chocho yaalula ku puya ya Sinai.

Kwalula 1:22

A-Simeone, yisemuko yo, mu minyachiyo, ku majiko ja atato, waze alwile nikulita ni kwalula cha majina, mutu ha mutu, malunga eswe chize kuli akwa makumi aali a miaka ndo kuli makulwana, eswe mahasa kuya ku jita: