Kutuhuka 9:6 - MUKANDA USANDU WA ZAMBI 1975

⁶ Mba mu kucha Yehova yalinga chuma chize. Yimuna eswe a A-Engitu yafwa. Ahoze ku yimuna eswe a A-Izalele kukwafwile niumwe, ka.

Mukanda Wa Zambi 1970

⁶ Mukwacha, Mwene Zambi yalinga Chuma chize abatwile. Yimuna yeswe ya akwa Egiptu yiifwafwa, alioze ku yimuna ya Aisraele nichimwe kuchafwile ko.

Kutuhuka 9:6 Iomraidhean Croise

Miaso (Masamu) 78:48

Wakunjikile yimuna jo ku chiwe, ni yendo yo ya yimuna kuli njaji ya kahia.

Miaso (Masamu) 78:50

Wapulile jila ya utenu wenyi. Kafungile mbunge jo ku kufwa. Wahanyine mwono wo ku chilungo.

Kutuhuka 12:12

Mumu te ha ufuku mungupalika ndusu chifuchi cha Engitu, mungulamba e tupula-majimo eswe mu chifuchi cha Engitu, ni kuli atu, ni kuli tushitu. Mungupatwila tuzambi tweswe twa Engitu. Yami Yehova.

Kutuhuka 12:29

Mba ha muchima ufuku Yehova yalamba tupula-majimo eswe a mu chifuchi cha Engitu, chize kuli kapula-jimo wa Falau watwama ha ngunja yenyi ndo kuli kapula-jimo wa funge uli mu zuwo lia ususu, ni tupula-majimo a yimuna nawa.

Kutuhuka 8:22

Ha tangwa lize mungukahandununa chifuchi cha Ngoshone muze mwatwama atu jami, hanga mazaji niamwe a jiji kechi kapwamo, hanga ukangunyingike ngwe, Mwe Yehova mu chifuchi.

Kutuhuka 9:25

Che chiwe yichilamba yuma yeswe ya mu yambu ndusu chifuchi cheswe cha Engitu. Yichilamba atu, ni tushitu, ni yeswe ya kusoka mu musenge. Yichishiha mitondo yeswe ya mu yambu.

Kutuhuka 9:26

Kumwapwile chiwe mu chifuchi cha Ngoshone wika muze mwatwamine A-Izalele.

Kutuhuka 9:4

Yehova kumakahandununa hakachi ka yimuna ja A-Izalele ni ja A-Engitu. Alioze hali yimuna ja A-Izalele, niumwe mafwa wakuhi.

Kutuhuka 9:5

Yehova yatongola tangwa ngwenyi, Hamene Yehova makalinga chuma chino mu chifuchi.