Kutuhuka 9:3 - MUKANDA USANDU WA ZAMBI 1975

³ kwoko lia Yehova mulikapwa hali yimuna je waze ali mu yambu, ni hali tuvwalu, ni hali yimbulu, ni hali tumelu, ni hali ngombe, ni hali mapanga. Kumukukapwa chilungo chipi.

Mukanda Wa Zambi 1970

³ mungumwesa yimuna ye lamba ni misongo yinji: tuvwalu, ni yimbulu, ni tumelu, ni ngombe, ni mapanga; ni pembe.

Kutuhuka 9:3 Iomraidhean Croise

Ubutukilo 47:17

Chocho anehene yimuna jo kuli José, mba iye waahele kulia cha kusumbakenya ni tuvwalu, ni mapanga, ni ngombe, ni yimbulu. Yaalisa ni kulia cha kusumbakenya ni yimuna jo ha mwaka uze.

Miaso (Masamu) 39:10

Chiza kama kulamba che kuli yami. Janguhwa ni kungumbufula ni kwoko lie.

Kutuhuka 5:3

O yamba ngwo, Zambi ya A-Hepreu hatakana ni yetu. Tunaliumbu, utweche, tuye wenyi wa matangwa atatu mu puya tukalambule yitapo kuli Yehova Zambi yetu, kuchina hanji iye matulundumukina ni chilungo hanji ni katana.

Kutuhuka 7:4

Hindu Falau kechi kuhalakana kuli yena. Mungulamba chifuchi cha Engitu, ngukachizeko yizavu yami, e atu jami A-Izalele, ku chifuchi cha Engitu, nikulinga upatwilo weka ni weka unene.

Kutuhuka 8:19

Henaho ambile e yimbanda kuli Falau, ngwo, Acho we munwe wa Zambi. Mbunge ya Falau yakalile, kahalakanyine kuli ayo, ngwe ambile Yehova.

Amose 4:10

Natumine hakachi kenu chilungo ngwe chize cha Engitu; nashihile akweze jenu ni katana; nambachile tuvwalu twenu; napwishile yilombo yenu ya kukupuka vumba lipi mu mazulu jenu. Hindu kunwahilukile kuli yami. Chocho kanambe Yehova.

Yilinga 13:11

Haliapwila, tala, kwoko lia Mwene hali yena lili, kumuopwa kapuputa, ha mwaka kuchi kamona tangwa. Haze hene yaholokelele hali iye mbundu ni milima; iye wendanganyine nikufupa amwe amusongwele ku kwoko.

1 Samuel 6:9

Munutala nyi muukandukila ku jila ya njiza yawo ku Mbete-Shemeshe, iye mwene hanatulingi chuma chino chipi chikolo. Ahoze nyi ka, mba mutunyingika ngwetu hi kwoko henyi ko liatulambile; chapwile chuma cha kutuwana chiwanyina.