Kutuhuka 9:12 - MUKANDA USANDU WA ZAMBI 1975

¹² Yehova yakalisa mbunge ya Falau, kahalakanyine kuli ayo, chizechene ngwe Yehova wambile kuli Mose.

Mukanda Wa Zambi 1970

¹² Alioze Mwene Zambi yakalisa mbunge ya mwanangana. Kashika kaabanjikile ko, ngwe chize Mwene Zambi ambilile Mose ni Arane.

Kutuhuka 9:12 Iomraidhean Croise

Kutuhuka 4:21

Yehova yamba kuli Mose ngwenyi, Muze mukahiluka ku Engitu tala kanawa, ukalinge kumeso ja Falau yikomokeso yize yeswe nasele mu kwoko lie. Alioze mungukakalisa mbunge yenyi; iye kechi kwecha e atu kuya.

Yoano 12:40

Iye hanapupuchisa meso jo, iye hanakalisa mbunge jo; Kuchina mamona ni meso jo, manyingika ni mbunge jo, akalumuke, Ni yami mungwahindwisa.

A-ROMA 9:18

Chocho mevwa keke hali yoze mamupala, ni yoze mamupala mamukalisa.

Kutuhuka 7:4

Hindu Falau kechi kuhalakana kuli yena. Mungulamba chifuchi cha Engitu, ngukachizeko yizavu yami, e atu jami A-Izalele, ku chifuchi cha Engitu, nikulinga upatwilo weka ni weka unene.

Kutuhuka 10:1

Yehova yamba kuli Mose ngwenyi, Heta kuli Falau mumu hinakalisa mbunge yenyi, ni mbunge ja ngamba jenyi, hanga ngukalinge yino yilayi yami hakachi ko.

Kutuhuka 10:20

Alioze Yehova wakalishile mbunge ya Falau. Kechele A-Izalele kuya, ka.

Kutuhuka 11:10

Mose ni Arone alingile yikomokeso yino yeswe kumeso ja Falau. Yehova yakalisa mbunge ya Falau. Kechele A-Izalele akatuke ku chifuchi chenyi.

Kutuhuka 14:8

Yehova wakalishile mbunge ya Falau, mwanangana wa Engitu, chocho yakaula A-Izalele mumu te A-Izalele yakatuka ni kwoko lia hamu.

Yoshua 11:20

Mumu Yehova wachilingile kukalisa mbunge jo akase jita ni A-Izalele hanga akaanongese liakulu. Kawanyine keke. Aajimine chizechene ngwe Yehova watumine Mose.

Kutuhuka 9:7

Falau yatuma akatale; kumanyi, kuli yimuna ja A-Izalele kukwapwile chipwe umuwika wafwa, ka. Hindu mbunge ya Falau yakalile. Kechele atu kuya, ka.