Kutuhuka 8:8 - MUKANDA USANDU WA ZAMBI 1975

⁸ Mba Falau yasanyika Mose ni Arone, ngwenyi, Liumbenu kuli Yehova anguchize yula-ya-mbwota kuli yami, ni kuli atu jami, mba mungukecha e atu aye akalambule yitapo kuli Yehova.

Mukanda Wa Zambi 1970

⁸ Mwanangana yatambika Mose ni Arone ngwenyi: “Liumbenu kuli Mwene Zambi atuchijile kama yula ya mbwota wano, mba mungwecha atu jenu hanga aye kwo, akalambule Mwene Zambi mulambu.”

Kutuhuka 8:8 Iomraidhean Croise

1 Yitanga Ya Mianangana 13:6

Mba mwanangana yakumbulula yamba kuli mutu wa Zambi ngwenyi, Lembelela vumbi lia Yehova Zambi ye ungulembele kama kwoko liami likahinduke nawa. Mutu wa Zambi waliumbile kuli Yehova mba kwoko lia mwanangana yilihinduka lialumukine ngwe liapwile kunyima.

Miaso (Masamu) 66:3

Ambenu kuli Yehova ngwenu, Yitanga ye kuyakukolesa woma! Akwa kole je kumakakuzeyela mumu ha unene wa ndundo je.

Kutuhuka 10:16

Mba Falau yasanyika ni kapupushi Mose ni Arone, yamba ngwenyi, Hinavulumuna Yehova Zambi yenu. Hinavulumuna yenu nawa.

Kutuhuka 10:17

Haliapwila kashika, mwane, nukonekene kama mutonga wami, chichi kuhilukilamo, Liumbenu kuli Yehova Zambi yenu akanguchize kufwa chino.

Kutuhuka 10:18

Iye yakatuka kuli Falau, yaliumba kuli Yehova.

Kutuhuka 14:5

Ambulwilile mwanangana wa Engitu ngwo, Atu hachina. Mba mbunge ya Falau ni mbunge ja ngamba jenyi jalumukine kulimika ni e atu. Yamba ngwo, Yika te twalinga chuma chino? Yika te twecha A-Izalele kuya, alitwamine kutulingila?

Kutuhuka 32:11

Mose yamba kuli Yehova Zambi yenyi ngwenyi, Yehova, kuchi te utenu we unasasaminya hali atu je, waze waachijile ku chifuchi cha Engitu ni tachi jinji, ni kwoko lia ndundo?

Kutuhuka 5:2

Falau yamba ngwenyi, Yehova iya? Mba ngupanjike ku liji lienyi, ngweche A-Izalele kuya? Ami Chanyingikine Yehova, chikwo nawa chichi kwecha A-Izalele kuya.

Kutuhuka 8:15

Alioze muze Falau amwene ngwenyi, Kuliwima chiliko, yakalisa mbunge yenyi, kahalakanyine kuli ayo chizechene ngwe Yehova wambile.

Kutuhuka 8:29

Mose yamba ngwenyi, Mwane, mungukatuka kuli yena, munguliumba kuli Yehova hanga mazaji a jiji akakatuke hamene kuli Falau, ni kuli ngamba jenyi, ni kuli atu jenyi. Chino wika, ngwami, Falau kanda ulinga ni kalimbalimba nawa kuchi kwecha atu kuya akatambule yitapo kuli Yehova.

Kutuhuka 8:32

Mba tangwa lize nawa Falau yakalisa mbunge yenyi. Kechele atu kuya, ka.

Kutuhuka 8:9

Mose yamba kuli Falau ngwenyi, Yena mutumina. Hi yami ko. Tangwa lika munguliumba hali yena, ni hali ngamba je, ni hali atu je, hanga yula-ya-mbwota akakuwe kuli yena ni ku mazuwo je, akasale mu lwiji wika?

Kutuhuka 9:27

Falau yatuma, yasanyika Mose ni Arone, yamba kuli ayo ngwenyi, Musono navulumuna. Yehova iye mukwa ululi. Yami ni atu jami tuli yingulungulu.

Kutuhuka 9:28

Hikwahwa, liumbenu kuli Yehova. Kukulunguza cha ngolo ni chiwe chipatuke. Mungunwecha nuye. Kunuchi kashimbula nawa, ka.

Kutuhuka 9:33

Mose yatuhuka mwimbo, yahichika Falau, yolola moko jenyi kuli Yehova, mba kukulunguza ni chiwe yalitwaminyine ni vula kapukukile nawa hashi.

Kwalula 21:7

Atu yaheta kuli Mose, yamba ngwo, Hitwavulumuna, mumu twahanjikanga nikulimika ni Yehova ni kulimika ni yena. Ulembe kuli Yehova, atuchize e tupela. Mose yalembela e atu.

Yilinga 8:24

Semone wakumbulwile ngwenyi, Ngulembelenu kuli Mwene, hanga nichimwe cha yuma yino hiwamba kuchichi keza hali yami.

1 Samuel 12:19

Atu eswe yamba kuli Samuel ngwo, Nutulembele etu ngamba jenu kuli Yehova Zambi yenu, kanda tufwa, mumu ha kwita mwanangana hitwaweza chuma chino chipi ku milonga yetu yeswe.