Kutuhuka 8:3 - MUKANDA USANDU WA ZAMBI 1975

³ Lwiji mweswe makatakana ni yula-ya-mbwota. Meza kukanduka akanjile mu zuwo lie, ni mu chipatulo che cha kupomba, ni ha muhela we, ni mu mazuwo ja ngamba je, ni mazuwo ja atu je, ni mu forno je, ni mu mboke je ja kuchikilamo mbolo.

Mukanda Wa Zambi 1970

³ Lwiji wa Nile kumazala ni yula ya mbwota waze maatuhuka mu meya, meeza ni kunjila mu zuwo lie ni mu chibatulo che cha kubomba ndoo ni ha muhela we, ni mu mazuwo ja akwa kuyula ni atu je, ni ha majiko je, chibwe mu yenga ye ya kuchikila mbolo.

Kutuhuka 8:3 Iomraidhean Croise

2 Sango Ja Mianangana 22:11

Alioze Yehosabeta mwana wa mwanangana, wa pwo, yatambula Njoashe mwana Ahazia, yamwombola hakachi ka ana ja mwanangana aze ashihile, yamusweka hamwe ni ndeji yenyi mu chipatulo cha kupomba. Chocho Yehosabeta mwana wa mwanangana Jorame (ngwami, hapwa ndumbwa Ahazia) pwo lia sasendote Jehoiada, yamuswekela kuli Atalia aye kahashile kumushiha.

Miaso (Masamu) 105:30

Chifuchi cho chazalile ni manyavwi, ni mu mazuwo ja mianangana jo.

Kutuhuka 10:6

Mazuwo je eswe, ni mazuwo ja ngamba je eswe, ni mazuwo ja A-Engitu eswe, kumakazala tò. Chipwe akakenu, chipwe tulamba twenu, kanda achimona, ka, chize ku tangwa lize o apwile hashi ndo musono. Iye yatewuluka, yakatuka kuli Falau.

Kutuhuka 12:34

E atu atwalile wunga wo wa mbolo shimbu kanda ufutunuka; mboke jo ja kuchikilamo te hajikasa ni mahina jo ha yipaya yo.

Kutuhuka 7:11

Hohene Falau yatambika akwa mana, ni akwa tufutafuta, ni e yimbanda a mu Engitu, no nawa yalinga chizechene ni umbanda wo.

Kutuhuka 8:11

E yula-ya-mbwota kumakakatuka kuli yena, ni ku mazuwo je, ni kuli ngamba je, ni kuli atu je. Mu lwiji wika kumakasalamo.

Kutuhuka 8:2

Nyi yena kusolo kwaecha, mungukalamba chifuchi che cheswe ni yula-ya-mbwota chize ku njiza yimwe ndo ku njiza yikwo.

Kutuhuka 8:4

E yula-ya-mbwota meza kunyina ni hali yenu, ni hali atu je, ni hali ngamba je eswe.