Kutuhuka 7:5 - MUKANDA USANDU WA ZAMBI 1975

⁵ Muze mungulamba chifuchi cha Engitu, ngukachize A-Izalele hakachi ko, A-Engitu kumakanyingika ngwo, Mwe Yehova.

Mukanda Wa Zambi 1970

⁵ Akwa Egiptu maakanyingika ngwo, yami nguli Mwene Zambi, muze mungukaamwesa lamba ni kutuhwisa Aisraele mu chifuchi cho.”

Kutuhuka 7:5 Iomraidhean Croise

Miaso (Masamu) 138:7

Chipwe ngunende hakachi ka lamba, yena kumukanguhuzulula. Kumukolola kwoko lia kulimika ni ufwatulo wa akwa kole jami. Kwoko lie lia chindume mulikangupulula.

Miaso (Masamu) 9:16

Atu kakunyingika Yehova mu upatwilo uze kakupatula; mwe chingulungulu hakwachika mu yitanga ya moko jenyi mwene. (Pukuna. Litulike.)

Kutuhuka 10:2

Hanga ukambulwile mu matwi ja mwané, ni ja mujikulu we, yuma yize nalingile mu Engitu, ni yilayi yami yize nalingile hakachi ko, nukanyingike ngwenu, Mwe Yehova.

Kutuhuka 10:7

Ngamba ja Falau ambile kuli iye ngwo, Ndo mwiji muka yono lunga mapwa kambwila kuli yetu? Echa malunga aye, akalingile Yehova Zambi yo. Kanda uchinyingika nyi? Ngwetu, Chifuchi cha Engitu kuchafwa.

Kutuhuka 14:18

A-Engitu kumakanyingika ngwo, Mwe Yehova, muze hinazuka ulemu ha kukumba Falau ni matemba jenyi, ni akwa tuvwalu twenyi.

Kutuhuka 14:4

Yami mungukalisa mbunge ya Falau. Iye kumakaakaula. Mungukazuka ulemu kuli Falau ni ku yizavu yenyi yeswe. A-Engitu eswe kumakanyingika ngwo, Mwe Yehova. Chocho alingile.

Kutuhuka 18:8

Mose wambulwilile tato-weno yeswe alingile Yehova kuli Falau ni A-Engitu mumu hali A-Izalele, ni lamba lieswe liaawanyine mu jila ni chize Yehova waapulwile.

Kutuhuka 3:20

Mungukolola kwoko liami, mungukalamba Engitu ni yikomokeso yami yeswe munguka-linga mukachi ko, mba kulutwe kuma-kanwecha kuya.

Kutuhuka 6:1

Yehova yamba kuli Mose, ngwenyi, Kamunomuno mukamona chize yami mungukalinga, kuli Falau, mumu te ha kwoko lia tachi makaecha, ni ha kwoko lia tachi iye makaahuma haze lia chifuchi chenyi.

Kutuhuka 6:6

Kashika amba kuli A-Izalele ngwe, Iye Yehova. Kumakanuchiza kushi lia yiteli ya A-Engitu; makanupulula ku upinji wo; makanukula ni kwoko lia kwolola ni yitanga yinene ya upatwilo.

Kutuhuka 7:17

Chocho anambe Yehova ngwenyi, Muno mwene mukangunyingika ngwe, Mwe Yehova. Mulumbu uno uli mu kwoko liami mungukalamba nawo meya ali mu lwiji, o kumakalumuka manyinga.

Kutuhuka 8:10

Yamba ngwenyi, Hamene. Mose yamba ngwenyi, Chocho chilite ni liji lie hanga ukanyingike ngwe, Wakuhi niumwe wa kulifwa ni Yehova Zambi yetu, ka.

Kutuhuka 8:19

Henaho ambile e yimbanda kuli Falau, ngwo, Acho we munwe wa Zambi. Mbunge ya Falau yakalile, kahalakanyine kuli ayo, ngwe ambile Yehova.

Kutuhuka 8:22

Ha tangwa lize mungukahandununa chifuchi cha Ngoshone muze mwatwama atu jami, hanga mazaji niamwe a jiji kechi kapwamo, hanga ukangunyingike ngwe, Mwe Yehova mu chifuchi.

Ezekiel 25:17

Mungukahala milonga hali ayo chikolo ni kastigu ya ufwatulo. Henaho makanyingika yami nguli Yehova muze mungukala milonga hali ayo.

Ezekiel 28:22

Mwene Yehova kanambe ngwenyi, Ena Sendone, kunalimika ni yena, kumungukasolola uhenya wami hakachi ke. Kumakanyingika yami nguli Yehova muze mungukalingamo upatwilo wami ni kusololamo usandu wami.

Ezekiel 32:15

Muze mungukapwisa chifuchi cha Engitu cha kwenyeka, muze hinachizako yuma yize yeswe yakuchizalisa, muze mungukalamba waze eswe atwamamo, henaho makanyingika yami nguli Yehova.

Ezekiel 36:23

Mungukasolola usandu wa jina liami linene lize hanalijilula hakachi ka mavungu, ni yenu nawa hinwalijilula hakachi ko. Mba mavungu makanyingika yami nguli Yehova muze mungusolola usandu wami kumeso jo muli yenu. Chocho kanambe Mwene Yehova.

Ezekiel 39:22

Akwa munyachi wa Izalele makanyingika yami nguli Yehova Zambi yo chize ku tangwa lize ni kulutwe.

Ezekiel 39:7

Mungukanyingikisa jina liami lisandu hakachi ka atu jami A-Izalele. Chichi katayiza jina liami lisandu akalijilule nawa, mba mavungu makanyingika yami nguli Yehova, mwe Musandu mu Izalele.