Kutuhuka 7:4 - MUKANDA USANDU WA ZAMBI 1975

⁴ Hindu Falau kechi kuhalakana kuli yena. Mungulamba chifuchi cha Engitu, ngukachizeko yizavu yami, e atu jami A-Izalele, ku chifuchi cha Engitu, nikulinga upatwilo weka ni weka unene.

Mukanda Wa Zambi 1970

⁴ Alioze mungulamba chifuchi cha Egiptu, ngukachize atu jami Aisraele, ni ubatwilo unene weka ni weka.

Kutuhuka 7:4 Iomraidhean Croise

Kutuhuka 10:1

Yehova yamba kuli Mose ngwenyi, Heta kuli Falau mumu hinakalisa mbunge yenyi, ni mbunge ja ngamba jenyi, hanga ngukalinge yino yilayi yami hakachi ko.

Kutuhuka 11:9

Yehova yamba kuli Mose ngwenyi, Falau kechi kahalakana kuli yena, hanga yikomokeso yami yoke mu chifuchi cha Engitu.

Kutuhuka 12:51

Mba ha tangwa lize liene Yehova yachiza A-Izalele ku chifuchi cha Engitu nikulita ni yizavu yo.

Kutuhuka 13:3

Mose yamba kuli atu ngwenyi, Iwulukenu lino tangwa muze nwakatukile ku Engitu, ewa ku zuwo lia upinji, mumu Yehova yanuchiza ku chihela chize ku tachi ja kwoko lienyi. Kanda nukalia mbolo niyimwe ya futunwiso.

Kutuhuka 13:9

Chikapwe chilayi kuli yenu ha moko jenu ni Chiwulwiso mukachi ka meso jenu, hanga shimbi ya Yehova yikapwe mu makanwa jenu, mumu Yehova hananuchiza ku Engitu ni kwoko lia tachi.

Kutuhuka 18:8

Mose wambulwilile tato-weno yeswe alingile Yehova kuli Falau ni A-Engitu mumu hali A-Izalele, ni lamba lieswe liaawanyine mu jila ni chize Yehova waapulwile.

Kutuhuka 3:19

Ngunanyingika mwanangana wa Engitu kechi kanutayiza kuya, ka, ndo ni kwoko lia ndundo.

Kutuhuka 3:20

Mungukolola kwoko liami, mungukalamba Engitu ni yikomokeso yami yeswe munguka-linga mukachi ko, mba kulutwe kuma-kanwecha kuya.

Kutuhuka 6:1

Yehova yamba kuli Mose, ngwenyi, Kamunomuno mukamona chize yami mungukalinga, kuli Falau, mumu te ha kwoko lia tachi makaecha, ni ha kwoko lia tachi iye makaahuma haze lia chifuchi chenyi.

Kutuhuka 6:26

E a Arone ni Mose kuli wano Yehova yamba ngwenyi, Chizenu A-Izalele ku chifuchi cha Engitu nikulita ni yizavu yo.

Kutuhuka 6:6

Kashika amba kuli A-Izalele ngwe, Iye Yehova. Kumakanuchiza kushi lia yiteli ya A-Engitu; makanupulula ku upinji wo; makanukula ni kwoko lia kwolola ni yitanga yinene ya upatwilo.

Kutuhuka 7:13

Mbunge ya Falau yakalile, kahalakanyine kuli ayo, ka, ngwe ambile Yehova.

Kutuhuka 7:16

Amba kuli iye ngwe, Yehova, mwe Zambi ya A-Hepreu, hangutuma kuli yena ngwenyi, Echa atu jami aye, akangulingile mu puya. Kumanyi ndo haliapwila kwahalakanyine.

Kutuhuka 8:15

Alioze muze Falau amwene ngwenyi, Kuliwima chiliko, yakalisa mbunge yenyi, kahalakanyine kuli ayo chizechene ngwe Yehova wambile.

Kutuhuka 8:19

Henaho ambile e yimbanda kuli Falau, ngwo, Acho we munwe wa Zambi. Mbunge ya Falau yakalile, kahalakanyine kuli ayo, ngwe ambile Yehova.

Kutuhuka 9:12

Yehova yakalisa mbunge ya Falau, kahalakanyine kuli ayo, chizechene ngwe Yehova wambile kuli Mose.

Kutuhuka 9:3

kwoko lia Yehova mulikapwa hali yimuna je waze ali mu yambu, ni hali tuvwalu, ni hali yimbulu, ni hali tumelu, ni hali ngombe, ni hali mapanga. Kumukukapwa chilungo chipi.

Yishima 19:29

Kakululika upatwilo mumu hali akwa kulenya; kakululika mijiji ya kulamba manyima a yihepuke.

Izaya 26:9

Mbunge yami kuyakukuvwila usona ha ufuku; spiritu yami muchima kuyakukufupa ni tachi. Mumu muze upatwilo we muupwa hashi, mba akwa muno-muze malilongesa ululi.

Lungungu 3:3

Pundu kakutalikisa kwoko lienyi kulimika ni yami kanji kanji tangwa lieswe nganganga.

Ezekiel 14:21

Mumu Mwene Yehova kanambe ngwenyi, Nyi chocho muchihiana muze mungukatuma ha Yerusaleme yilinga yami yiwana yikalu ya upatwilo, ngwami, katana, ni kapunga, ni ngongo, ni chilungo, ngukasutuleko atu ni tushitu!

Ezekiel 25:11

mba mungukalinga upatwilo wami hali A-Moape. Mba makanyingika yami nguli Yehova.

Ezekiel 30:14

Mungukapwisa Patarose ya kwenyeka; mungukasa kahia mu Zoane; mungukalinga yilinga yami ya upatwilo mu No.

Ezekiel 30:19

Chocho mungukalinga yilinga ya upatwilo ha Engitu. Henaho makanyingika yami nguli Yehova.

Usolwelo 15:4

Mwene, iya kechi kakuvwila woma, iya kechi kuchichimieka jina lie? Mumu yena wika uli musandu; mumu mavungu eswe kumakawayila kumeso je; mumu yilinga ye ya ululi hanayisolola.

Usolwelo 16:7

Mba nevwile chilumbilo chinambe ngwenyi, Ewa, Mwene Zambi ya Ndundo-Jeswe, upatwilo we wamwenemwene ni wa ululi.

Usolwelo 19:2

Mumu upatwilo wenyi wamwenemwene ni wa ululi: mumu hanapatwila chikoi munene, yoze wapihishile hashi ni utanji wenyi, hanakale manyinga ja ndungo jenyi ku kwoko lienyi.

Akwa Kuyula 2:15

Kweswako ayile kwoko lia Yehova lialimikine no nikwanehena chipi, chizechene ngwe Yehova haatoweza; chizechene ngwe Yehova halishinga no. Chocho apinjile.