Kutuhuka 7:3 - MUKANDA USANDU WA ZAMBI 1975

³ Mungukalisa mbunge ya Falau. Mungwokesa yilayi yami ni yikomokeso yami mu chifuchi cha Engitu.

Mukanda Wa Zambi 1970

³ Alioze mungukalisa mbunge ya mwanangana. Chibwe mungwokesa yilayi ni yikomokeso, hindu kechi kunwivwa.

Kutuhuka 7:3 Iomraidhean Croise

Nehemia 9:10

Walingile yilayi ni yikomokeso hali Falau ni hali ngamba jenyi eswe, ni hali atu eswe a chifuchi chenyi mumu wanyingikine chize alivwimbile kulimika ni ana je. Jina lie liafumanyine ngwe linafumana tangwa lia musono.

Miaso (Masamu) 135:9

Watumine yilayi ni yikomokeso hakachi kenu A-Engitu, ni hali Falau ni hali tuvumbi twenyi eswe.

Miaso (Masamu) 78:12

Yikomokeso alingile kumeso ja akako mu chifuchi cha Engitu, mu chifuchi cha Zoane.

Kutuhuka 11:10

Mose ni Arone alingile yikomokeso yino yeswe kumeso ja Falau. Yehova yakalisa mbunge ya Falau. Kechele A-Izalele akatuke ku chifuchi chenyi.

Kutuhuka 11:9

Yehova yamba kuli Mose ngwenyi, Falau kechi kahalakana kuli yena, hanga yikomokeso yami yoke mu chifuchi cha Engitu.

Kutuhuka 14:4

Yami mungukalisa mbunge ya Falau. Iye kumakaakaula. Mungukazuka ulemu kuli Falau ni ku yizavu yenyi yeswe. A-Engitu eswe kumakanyingika ngwo, Mwe Yehova. Chocho alingile.

Kutuhuka 3:20

Mungukolola kwoko liami, mungukalamba Engitu ni yikomokeso yami yeswe munguka-linga mukachi ko, mba kulutwe kuma-kanwecha kuya.

Kutuhuka 4:21

Yehova yamba kuli Mose ngwenyi, Muze mukahiluka ku Engitu tala kanawa, ukalinge kumeso ja Falau yikomokeso yize yeswe nasele mu kwoko lie. Alioze mungukakalisa mbunge yenyi; iye kechi kwecha e atu kuya.

Kutuhuka 4:29

Mose ni Arone yaya, yakungulula hamuwika makulwana eswe a A-Izalele.

Kutuhuka 4:7

Yamba kuli iye ngwenyi, Njisa kwoko lie mu tulo ye cheka nawa. Cheka nawa yanjisa kwoko lienyi mu tulo yenyi mba muze yalichiza, kumanyi hilialumuka nawa chimuwika ni mujimba wenyi weswe.

Kutuhuka 7:13

Mbunge ya Falau yakalile, kahalakanyine kuli ayo, ka, ngwe ambile Yehova.

Kutuhuka 9:16

Alioze chamwenemwene mumu ha chikuma chino hinakwaha mwono, ngukakulweze tachi jami, hanga jina liami akaliambujole hashi heswe.

Yishima 21:1

Mbunge ya mwanangana yapwa mu kwoko lia Yehova ngwe chitwetwe cha meya, kakuyitalikisa kweswako mazanga.

Izaya 51:9

Kwoko lia Yehova, laula, laula uzale tachi. Laula ngwe ha matangwa a shakulu, ha yisemuko ya kushi. Te hi yena ko watetele Rahape tuyipinji? Hi yena ko watuwile ndragau?

Mika 7:15

Mungukaalweza yuma ya kukomwesa, ngwe ha matangwa aze atuhukile mu Engitu.

Yoano 4:48

Yesu kashika wambile kuli iye ngwenyi, Kunuchi kufuliela nichimwe shina munumona yilayi ni yipekesa.

Yilinga 2:22

Yenu A-Izalele, ivwenu maliji ano: Yesu Ka-Nazare, lunga ashindakenyene kuli Zambi ni yipupu ni yipekesa, ni yilayi yize Zambi walingile ku kwoko lienyi mukachi kenu, chizechene ngwe nunanyingika yenwene;

Yilinga 7:36

Yono Waachijileko nikulinga yipekesa ni yilayi mu chifuchi cha Engitu, ni mu Kalunga-lwiji Muchila, ni mu puya makumi awana a miaka.

A-ROMA 15:19

ni tachi ja yilayi ni yipekesa, ni tachi ja Spiritu Musandu; chocho chize ku Yerusaleme, nikujinga ndo ku Iliriku, hingunamanununa kwambujola sango lipema lia Kristu:

A-ROMA 9:18

Chocho mevwa keke hali yoze mamupala, ni yoze mamupala mamukalisa.

Shimbi 4:34

Chipwe umwe Zambi weka wesekele limwe tangwa kuya ni kulitongwela vungu hakachi ka mavungu akwo ni yeseko, ni yilayi, ni yikomokeso, ni jita, ni kwoko lia ndundo, ni kwoko lia kwolola, ni yuma yinene ya kukolesa mwongo, nikulita ni yeswe anulingilile Yehova Zambi yenu mu Engitu kumeso jenu nyi?

Shimbi 7:19

yeseko yinene meso jenu ayimwene, ni yilayi, ni yikomokeso, ni kwoko lia ndundo, ni kwoko lia kwolola, ni yenayo Yehova Zambi yenu wanuchijile. Yehova Zambi yenu alinge chizechene ku mavungu eswe nunaavwila woma.