Kutuhuka 7:23 - MUKANDA USANDU WA ZAMBI 1975

²³ Falau yatewuluka, yanjila mu zuwo lienyi, chipwe mbunge kayiseleko, ka.

Mukanda Wa Zambi 1970

²³ Yahiluka ku mahienyi, kayisele ko ku mbunge.

Kutuhuka 7:23 Iomraidhean Croise

Jobe 7:17

Mutu kuchi apwa, wakumulemesa, wakumunyonga?

Miaso (Masamu) 62:10

Kanda ufuliela mbenga. Kanda ulilengela ni ungumba. Chipwe upite muoka kanda ukausa mbunge ye.

Kutuhuka 7:22

Yimbanda a Engitu yalinga chizechene ni umbanda wo mba mbunge ya Falau yakalile, kahalakanyine kuli ayo, chizechene ngwe ambile Yehova.

Kutuhuka 7:24

A-Engitu ashimine mu chikulo cha lwiji akawane meya a kunwa mumu te kahashile kunwa meya a mu lwiji.

Kutuhuka 9:20

Hakachi ka ngamba ja Falau mweswawo wevwile woma wa liji lia Yehova yanjisa mu mazuwo ngamba jenyi ni yimuna jenyi.

Kutuhuka 9:21

Yoze walengulwile liji lia Yehova, yahichika mu yambu ngamba jenyi ni yimuna jenyi.

Yishima 22:17

Tela matwi je wivwe maliji a mukwa mana; sela mbunge ye ku yinyingi yami,

Yishima 24:32

Mba natalile, nachizewile kanawa, namwene, nalilongesele.

Yishima 28:14

Kawaha yoze mevwa woma matangwa eswe; alioze yoze makalisa mbunge yenyi malimbukila mu lamba.

Yishima 29:1

Yoze makwata pami ha kumukanjisa kanjikanji, mamwonwona susumuku ni ulamwino wakuhi.

Izaya 26:11

Yehova, kwoko lie hiliazunduka, hindu kalimwene. Amone kama zango lie lia tachi hali atu je, akevwe sonyi. Kahia ka akwa kulimika ni yena kakaalalise.

Izaya 47:7

Yiwamba ngwe, Munguyula miaka yeswe, kashika yino yuma kwayisele mbunge, chipwe kwiwuluka songo liayo.

Jeremia 36:24

Chipwe mwanangana, chipwe umwe wa tuvumbi twenyi waze evwile maliji wano eswe kevwile woma, chipwe kupula mazalo jo, ka.

Jeremia 5:3

Yehova, ngwami, meso je kakufupa umwenemwene. Hiwaalamba, alioze kevwile kupiha. Hiwaonwona, alioze kasolo kutambula lufumbo. Hakalisa meso jo kuhiana yimawe. Kasolo kulikonyeka.

Ezekiel 40:4

Mwe lunga yamba kuli yami ngwenyi, Mwana mutu, tala ni meso je, ivwa ni matwi je, sako mbunge ha yize yeswe mungukulweza, mumu hakuneha kuno hanga ngukulwezecho. Mba cheswe mumona mulumbununa kuli akwa munyachi wa Izalele.

Habakuke 1:5

Tala hakachi ka mavungu umone; komoka ni kulishimwoka. Mumu ngunalingi milimo yimwe ha matangwa je ena kuchi kufuliela chipwe makwambulwilayo.

Malaki 2:2

Yehova-wa-Tujita kanambe ngwenyi, Nyi kunuchi kupanjika ni kuchisa mu mbunge kuchichimieka jina liami mungutuma shingo hali yenu. Yiwape yenu munguyishinga, chipwe haliapwila hinayishinga kulu mumu chino chuma kunwachisele mbunge.

Shimbi 32:46

yamba kuli ayo ngwenyi, Selenu mbunge jenu ku maliji eswe ngunanushindakenyo musono. Munukaamba ana jenu, mukukanyama kulinga maliji eswe a shimbi yino.

1 Samuel 4:20

Ha ola ya kufwa chenyi mapwo aze anamujingilika ambile kuli iye ngwo, Kanda wivwa woma mumu hiwasema mwana-lunga. Alioze kakumbulwile chipwe kuchisa mbunge.