Kutuhuka 7:2 - MUKANDA USANDU WA ZAMBI 1975

² Yako ukahanjike yize yeswe ngunakwambe. Yayenu Arone akahanjike kuli Falau hanga akeche A-Izalele akakatuke ku chifuchi chenyi.

Mukanda Wa Zambi 1970

² Lweza Arone yeswe yize ngunambe, neye akalweze mwanangana, hanga eche Aisraele akatuke mu chifuchi chenyi.

Kutuhuka 7:2 Iomraidhean Croise

1 Yitanga Ya Mianangana 22:14

Mikaia ngwenyi, Ni mwono wa Yehova, cheswacho Yehova mangwamba chenacho munguhanjika.

Kutuhuka 4:15

Hanjika nenyi yena ukase maliji mu kanwa lienyi. Yami mu ngukapwa hamwe ni kanwa lie ni hamwe n kanwa lienyi. Mungukakulongesa chize yena, mukalinga.

Kutuhuka 4:16

Iye mukwa kukuhanjikila kuli atu. Iye kumakapwa kanwa kuli yena. Yena kumukapwa ngwe Zambi kuli iye

Kutuhuka 5:1

Kulutwe Mose ni Arone yanjila, yamba kuli Falau ngwo, Chocho anambe Yehova, Zambi ya A-Izalele, ngwenyi, Echa atu jami aye akangulingile chiwanyino mu puya.

Kutuhuka 6:29

Yehova yamba kuli Mose ngwenyi, Yami Yehova. Hanjika ni Falau mwanangana wa Engitu chize cheswe ngunambe kuli yena.

Kutuhuka 7:6

Chocho chialingile Mose ni Arone, chizechene ngwe Yehova aambile chocho alingile.

Jeremia 1:17

Alioze ena, jichika muya we; katuka ukambe kuli ayo yeswe mungukutumina. Kanda wavwila woma, kuchina mungukuvwisa woma kumeso jo.

Jeremia 1:7

Alioze Yehova yamba kuli yami ngwenyi. Kanda wamba ngwe, Nguchili mukweze, mumu muoya kuli waze eswe mungukutuma, muhanjika cheswacho mungukwamba.

Ezekiel 3:10

Yamba nawa kuli yami ngwenyi, Mwana mutu, maliji jami eswe waze munguhanjika kuli yena, tambula mu mbunge ye, panjika ni matwi je.

Ezekiel 3:17

Mwana mutu, hinakupwisa kalayi kuli akwa munyachi wa Izalele. Muze muwivwa liji limwe ku kanwa liami, mukangutowezelo.

Mateu 28:20

nikwalongesa kufunga yuma yize yeswe nanuhele shimbi: nyingikenu, yami kunguli hamuwika ni yenu matangwa eswe ndo kumanunuka cha mwaka. Amene.

Yilinga 20:27

Mumu chalitwaminyine kwambujola kuli yenu mana eswe a Zambi.

Shimbi 4:2

Kanda nuweza ku liji ngunanwambelio chipwe kutepululako. Nufunge maliji a shimbi a Yehova Zambi yenu nanwamba.