Kutuhuka 7:11 - MUKANDA USANDU WA ZAMBI 1975

¹¹ Hohene Falau yatambika akwa mana, ni akwa tufutafuta, ni e yimbanda a mu Engitu, no nawa yalinga chizechene ni umbanda wo.

Mukanda Wa Zambi 1970

¹¹ Alioze mwanangana yatambika akwa mana ni akwa kulinga yipupu, no yaalinga chizechene ni mana jo.

Kutuhuka 7:11 Iomraidhean Croise

Ubutukilo 41:8

Mu kwacha chimene mbunge yenyi yiyilipikala, yatuma kusanyika yimbanda eswe a mu Engitu, ni akwa mana eswe. Falau yaalweza chilota chenyi alioze niumwe kahashile kumulumbunwinacho wakuhi.

Kutuhuka 7:12

Mumu mutu ha mutu yambila hashi mulumbu wenyi. Yiyialumuka tupela alioze mulumbu wa Arone waminyine milumbu yo.

Kutuhuka 7:22

Yimbanda a Engitu yalinga chizechene ni umbanda wo mba mbunge ya Falau yakalile, kahalakanyine kuli ayo, chizechene ngwe ambile Yehova.

Kutuhuka 8:18

Yimbanda esekele chocho ni umbanda wo kuneha yina, alioze kachihashile. Chocho kwapwile yina hali atu ni hali tushitu.

Kutuhuka 8:3

Lwiji mweswe makatakana ni yula-ya-mbwota. Meza kukanduka akanjile mu zuwo lie, ni mu chipatulo che cha kupomba, ni ha muhela we, ni mu mazuwo ja ngamba je, ni mazuwo ja atu je, ni mu forno je, ni mu mboke je ja kuchikilamo mbolo.

Kutuhuka 8:7

Yimbanda alingile chizechene ni umbanda wo, yakandwisa yula-ya-mbwota ku chifuchi cha Engitu.

Daniel 2:2

Henaho mwanangana yatuma kusanyika yimbanda, ni tahi, ni akwa tufutafuta, ni A-Kaletea akalumbunune kuli mwanangana yilota yenyi. O yeza, yamana kumeso ja mwanangana.

Daniel 2:27

Daniel yakumbulula kuli mwanangana ngwenyi, Niamwe akwa mana, hanji tahi, hanji yimbanda, hanji aprofeta mahasa kulweza kuli mwanangana chuma chino hanechi.

Daniel 4:6

Kashika nahanyine shimbi angunehene akwa mana eswe a Babilonia angulumbunwine chilota chami.

Daniel 5:11

Mwali mu wanangana we umwe lunga kali ni Spiritu ya mazambi asandu. Ha matangwa a tatenu, pangu, ni yinyingi, ni mana awanyine muli iye, ngwe mana a mazambi. Tatenu mwanangana Nabukanezore wamupwishile mukwa lutwe hakachi ka yimbanda, ni tahi, ni A-Kaletea, ni aprofeta,

Daniel 5:7

Mwanangana yasanyika ni liji lia tachi anehe tahi, ni A-Kaletea, ni aprofeta. Mwanangana yamba kuli akwa mana a mu Babilonia ngwenyi, Mweswawo matanga sona jino ni kungulweza ulumbunwiso wajo, mungumujika ni mazalo a ufungo, mazala lenge lia oru ha kota yenyi, mapwa mukwa kuyula wamuchitatu mu wanangana.

Mateu 24:24

Mumu akristu a kwonga ni aprofeta a kwonga kumakasoloka, no makasolola yilayi yinene ni yikomokeso; hanga nyi machihasa, akapiangule chipwe waze hanaatongola.

Galashia 3:1

Yenu A-Ngalashia nunahepuka, iya hananwongo, yenu, kwe kumeso jenu, asolwele pundu Yesu Kristu wa kuliachila ha kulusu?

Efesu 4:14

hanga kutuchi kapwa ana-akemba nawa, ngwe tukahunguke ni mikanya ni kuhungumioka kweka ni kweka ni fuji yeswe ya longeso, ku kwonga cha atu ni unjiliji nikulita ni maliji a kuhengesa;

2 A-TESALONIKA 2:9

Kuheta cha mwe chihulia chinalite ni kulinga cha uhenge kuli waze akutoka; Satana ni tachi jeswe ni yilayi ni yipupu ya mahuza,

2 Timoteu 3:8

Chizechene ngwe Yane ni Yambwe alimikine ni Mose, chocho wano nawa kakulimika ni umwenemwene; atu a kupiha mu kunyonga cho, yisáshili ha kutwala ku Ufulielo.

2 Timoteu 3:9

Alioze kechi kasenya kulutwe nawa; mumu uzuzuke wo kumuukasoloka kuli atu eswe, chizechene ngwe uzuzuke wa waze nawa wasolokele.

Usolwelo 19:20

Mba akwachile mwe ngongo, ni profeta wa kwonga hamwe nenyi, yoze walingile yilayi kumeso jenyi, yize wapiangwile nayo waze atambwile mufunda wa ngongo, ni waze awayilile kaponya kenyi: eswe ni aali aanyashine a mwono mu Chitende cha kahia chize cha kuyila ni fundanga.

1 Samuel 6:2

Mba A-Filistea yasanyika asasendote jo ni tahi, ngwo, Chika mutulinga ni mushete wa Yehova? Nutulweze kama, neka mutuutuma kuma kwawo?