Kutuhuka 7:10 - MUKANDA USANDU WA ZAMBI 1975

¹⁰ Mose ni Arone ahetele kuli Falau, yalinga chocho ngwe Yehova aambile. Arone yambila mulumbu wenyi hashi kumeso ja Falau ni kumeso ja ngamba jenyi, mba yiwalumuka kapela.

Mukanda Wa Zambi 1970

¹⁰ Chenacho Mose ni Arane ayile maha mwanangana, yaalinga yize Mwene Zambi aambile. Arane yambila lukanda wenyi hashi ku meso ja mwanangana ni akwa kuyula, mwe lukanda yalumuka kapela.

Kutuhuka 7:10 Iomraidhean Croise

Miaso (Masamu) 135:9

Watumine yilayi ni yikomokeso hakachi kenu A-Engitu, ni hali Falau ni hali tuvumbi twenyi eswe.

Kutuhuka 12:28

A-Izalele yaya, yalinga chocho, chizechene ngwe Yehova hatuma Mose ni Arone, chocho alingile.

Kutuhuka 4:3

Yehova yamba ngwenyi, U-mbila hashi. Yaumbila hashi. Yiwalumuka kapela, mba Mose yamuchina.

Kutuhuka 7:15

Ha chimene ukahete kuli Falau, muze iye maya ku lwiji ukamane ku mbumbulu ya lwiji, ukaliwane nenyi, mba we mulumbu uze unakalumuka kapela, ukwate mu kwoko lie.

Kutuhuka 7:20

Ni Mose ni Arone yalinga chocho ngwe Yehova aambile. Iye yazundula we mulumbu, yalamba meya apwile mu lwiji, kumeso ja Falau ni kumeso ja ngamba jenyi. Meya eswe apwile mu lwiji yalumuka manyinga.

Kutuhuka 7:6

Chocho chialingile Mose ni Arone, chizechene ngwe Yehova aambile chocho alingile.

Kutuhuka 7:9

Muze Falau mamba kuli yenu ngwenyi, Lwezenu chilayi chimwe cha yenu, hohene muwamba kuli Arone ngwe, Anda mulumbu we uchiumbile hashi kumeso ja Falau hanga walumuke kapela.

Amose 9:3

Chipwe maswamina ha mbulwa mulundu wa Karmela kwenako mungukaafupa ni kwakwata. Chipwe manguswamina mu mashima a kalunga-lwiji mungukatuma kapela mba makaasuma.

Marku 16:18

O kumakanda tupela, nyi kachi manwa chuma chimwe cha kufwa, kuchichi kaalemeka nichimwe; kumakasayika moko jo hali mieji, o kumakahinduka.

Luka 10:19

Hingunanwehe chiyulo cha kuliata ha tupela ni tuvwanda, ni helu lia tachi jeswe ja mukwa kole, mba nichimwe kuchichi kanulemeka nichimwe.