Kutuhuka 6:7 - MUKANDA USANDU WA ZAMBI 1975

⁷ Makanutambula nukapwe atu jenyi. Kumakapwa Zambi yenu. Enu kumunukanyingika ngwenu, Yehova Zambi yetu, iye mukwa kutuchiza kushi lia yiteli ya A-Engitu.

Mukanda Wa Zambi 1970

⁷ Mungunupwisa lume atu ja yami mwene, mungubwa Zambi yenu. Mununyingika ngwenu, nguli Mwene Zambi, Zambi yenu, muze mungunutusula mu undungo kuli akwa Egiptu.

Kutuhuka 6:7 Iomraidhean Croise

Ubutukilo 26:3

Twama njize mu chifuchi chino mba mungupwa hamwe ni yena, mungukuwahisa. Mumu munguhana yifuchi yino yeswe kuli yena ni munyachi we. Mungukolesa shingo lize nalishingile nalio kuli tatenu Apalahama.

Ubutukilo 28:13

Chikwo nawa Yehova kanamana helu liayo, yamba ngwenyi, Yami Yehova, Zambi ya tatenu Apalahama, Zambi ya Izake, chifuchi chino unapombo mungukwahacho, ni kuli akwa munyachi we.

1 Yitanga Ya Mianangana 20:28

Umwe mutu wa Zambi yakundama yahanjika ni mwanangana wa Izalele ngwenyi, Yehova kanambe ngwenyi, Mumu A-Seria hamba ngwo, Yehova iye umwe zambi ya milundu, hi zambi ya yana ko; kashika mungukunjika chihuji chino chinene cheswe mu kwoko lie ukanyingike-Yami, Yehova.

1 Yitanga Ya Mianangana 8:60

hanga mavungu eswe a hashi akanyingike ngwo, Yehova iye Zambi, kukushi mukwo.

Nehemia 1:10

Ngwami, Wano tuvumbi twe ni atu je hiwakula ni ngolo je ni kwoko lie lia tachi.

Miaso (Masamu) 100:3

Nyingikenu ngwenu, Yehova iye Zambi, iye watutangile, tuli ninyenyi. Tuli atu jenyi; tuli mapanga a ku kelo jenyi.

Miaso (Masamu) 81:6

Nachijile chiteli ku chipaya chenyi moko jenyi atusukile ku chisoka.

Kutuhuka 13:14

Muze manuhula kuli ana jenu kulutwe ngwo, Acho chika? Nukaambulwile ngwenu, Ni kwoko lia tachi, Yehova watuchijile ku Engitu ku zuwo lia upinji.

Kutuhuka 13:3

Mose yamba kuli atu ngwenyi, Iwulukenu lino tangwa muze nwakatukile ku Engitu, ewa ku zuwo lia upinji, mumu Yehova yanuchiza ku chihela chize ku tachi ja kwoko lienyi. Kanda nukalia mbolo niyimwe ya futunwiso.

Kutuhuka 14:18

A-Engitu kumakanyingika ngwo, Mwe Yehova, muze hinazuka ulemu ha kukumba Falau ni matemba jenyi, ni akwa tuvwalu twenyi.

Kutuhuka 14:4

Yami mungukalisa mbunge ya Falau. Iye kumakaakaula. Mungukazuka ulemu kuli Falau ni ku yizavu yenyi yeswe. A-Engitu eswe kumakanyingika ngwo, Mwe Yehova. Chocho alingile.

Kutuhuka 15:16

Woma ni mwongo hiyaaholokela. Ku unene wa kwoko lie kanaholo kúlú ngwe liwe ndo te atu ja yena Yehova mazauka; ndo te e atu mazauka, waze yena unapichi.

Kutuhuka 15:2

Yehova iye tachi jami ni mwaso wami. Iye hanapu ulamwino wami. Yono mwe Zambi yami. Kumungumuhalisa yono Zambi ya tata. Kumungumunangamisa.

Kutuhuka 16:12

Kunevwa kulinyenyeta cha A-Izalele, hanjika no ngwe, Ha chingoloshi munukalia yifwo mba muze mu kucha, kumunukakuta ni mbolo. Munukanyingika ngwenu, Mwe Yehova, Zambi yetu.

Kutuhuka 16:6

Mose ni Arone yamba kuli A-Izalele eswe ngwo, Ha chingoloshi kumunukanyingika ngwenu, Yehova watuchijile ku chifuchi cha Engitu.

Kutuhuka 2:11

Ha matangwa aze Mose, muze te hakola, yaya kuli usoko wenyi, yatala yiteli yo. Yamona umwe Ka-Engitu kanalambe umwe Ka-Hepreu wa usoko wenyi.

Kutuhuka 6:6

Kashika amba kuli A-Izalele ngwe, Iye Yehova. Kumakanuchiza kushi lia yiteli ya A-Engitu; makanupulula ku upinji wo; makanukula ni kwoko lia kwolola ni yitanga yinene ya upatwilo.

Kutuhuka 7:17

Chocho anambe Yehova ngwenyi, Muno mwene mukangunyingika ngwe, Mwe Yehova. Mulumbu uno uli mu kwoko liami mungukalamba nawo meya ali mu lwiji, o kumakalumuka manyinga.

Izaya 41:20

hanga akamone akanyingike akazewule nikusa chinyingi hamuwika ngwo, Kwoko lia Yehova halinga chino; mwe Musandu wa Izalele hachitanga.

Izaya 49:23

Mianangana mapwa akwa kukulela, miazovu mapwa akwa kukwamwisa. Meza nikufulamana hashi kuli yena ni meso jo mu mavu. Makalesa fufuta ya ku yiliato ye. Henaho munyingika yami nguli Yehova; waze akungutwaminyina kechi kevwa sonyi.

Izaya 49:26

Waze anakupinjisa mungwalisa musunya wo ene. Kumakazengewa ni manyinga jo ene ngwe hanwa vinyu. Henaho atu eswe manyingika yami nguli Yehova, Chilamwina che, kanda Mukwa-Kukukula, kanda Mukwa-Ndundo wa Yakomba.

Izaya 51:15

Mumu yami nguli Yehova Zambi yenu, mukwa kuvundula kalunga-lwiji ndo mikanya yenyi muyikachungula— jina lienyi Yehova-wa-Tujita.

Izaya 60:16

Kumunukanwa yamwa ya mavungu, kumunukamwa ku mele ja mianangana. Kumunukanyingika, Yami Yehova nguli Chilamwina chenu, nguli Mukwa-Kunukula, Mukwa-Ndundo wa Yakomba.

Izaya 63:8

Mumu wambile ngwenyi, Pundu o atu jami, ana a malunga waze kechi kangwonga. Chocho walipwishile Chilamwina cho.

Jeremia 30:22

Mba munupwa atu jami ni yami mungupwa Zambi yenu.

Jeremia 31:33

Alioze Yehova kanambe ngwenyi, Usendo mungukolesa ni munyachi wa Izalele kulutwe lia matangwa aze uno, Mungukasa shimbi yami muchima lio, ni kuyisoneka ha mbunge jo. Mungukapwa Zambi yo, no makapwa atu jami.

Ezekiel 20:19

Zambi yenu yami Yehova; endenu mu yiyulo yami, nutale kanawa kufunga shimbi jami,

Hosea 1:10

Hindu kwalula cha A-Izalele muchipwa ngwe masekeseke a ku kalunga-lwiji aze kechi kuhasa kwaeseka hanji kwaalula, mba kuze ambile kuli ayo ngwo, Hi nuli atu jami ko, kwenako mamba kuli ayo ngwo, Nuli ana ja Zambi ya mwono.

Alevi 11:44

Mumu yami Yehova Zambi yenu, kashika munukalihandununa nukalisele ku usandu, se ni yami nguli musandu. Kanda nukalichisa ni kashitu niumwe mukwa kulikoka ha mavu.

Alevi 11:45

Mumu yami Yehova nanuchijile ku chifuchi cha Engitu ngukapwe Zambi yenu. Kashika munukapwa asandu, se ni yami nguli musandu.

Zakaria 13:9

Mba chino chihanda chamuchitatu mungukachisa mu kahia nikwapemesa chize atu kakupemesa prata. Mungukaeseka ngwe akweseka oru. Kumakatambika ha jina liami, mba mungukaakumbulula. Mungukamba ngwami, O atu jami. O makamba ngwo, Yehova iye Zambi yami.

Kwalula 15:41

Yami Yehova Zambi yenu, nanuchijile ku chifuchi cha Engitu ngukapwe Zambi yenu. Yami Yehova Zambi yenu.

Mateu 22:32

Yami nguli Zambi ya Apalahama, ni Zambi ya Izake, ni Zambi ya Yakomba? Zambi hi Zambi ya afu ko, alioze ya a mwono.

A-ROMA 8:31

Kuchi mutwamba ku yino yuma? Ngwetu, Kachi Zambi mapwa hamwe ni yetu, iya malimika ni yetu?

Shimbi 14:2

Kunwapwa atu asandu kuli Yehova Zambi yenu, Yehova yanutongola nukapwe atu a mbala a iye, a hakachi ka mavungu eswe ali hashi.

Shimbi 26:18

Yehova halishika ni yenu musono nukapwe atu a mbala a iye, ngwe anulakenyene, hanga nufunge maliji jenyi eswe a shimbi.

Shimbi 29:12

hanga nukwate ku usendo wa Yehova Zambi yenu, ni ku shingo lienyi, Yehova Zambi yenu anakolesa ni yenu musono.

Shimbi 29:13

Hanga anukolese musono hali iye mwene nukapwe atu jenyi, hanga iye akapwe Zambi kuli yenu, ngwe ambile kuli yenu, ngwe alishingile kuli tulamba twenu, kuli Apalahama, ni kuli Izake, ni kuli Yakomba.

Shimbi 29:5

Nanutwalile mu puya makumi awana a miaka; mazalo jenu kafwileko ha mijimba yenu, haku jenu kujafwile ha molu jenu.

Shimbi 4:20

Alioze Yehova wanuchijile ku Engitu kwe ku lutengo wa utale, nukapwe atu a kuzuka iye mwene ngwe kuchapwa musono.

Shimbi 7:6

Mumu yenu kunwapwa atu asandu kuli Yehova Zambi yenu. Yehova Zambi yenu hananutongola nukapwe atu a mbala a iye mwene, nuhiane mavungu eswe ali hashi heswe.

Hebreu 11:16

aiioze haliapwila kakuzanga chifuchi chimwe chahiana, te chize cha mwilu: kashika Zambi keshi kwavwila sonyi, akamuvuluke ngwo, Zambi yetu; mumu hanaalulikila limbo.

1 Petulu 2:10

Yenu, ha miaka ya kunyima kunwapwile atu aiioze haliapwila nuli atu a Zambi: te kunwawanyine keke, aiioze haliapwila hinunawane keke.

Usolwelo 21:3

Nevwile liji linene lia kukatuka mwilu ngwo, Talenu, zuwo lia Zambi lili hamwe ni atu, iye kumakatwama hamwe no, o makapwa atu jenyi, ni Zambi mwene makapwa hamwe no, Zambi yo.

Usolwelo 21:7

Yoze makumba makahinga yino yuma; ni yami mungukapwa Zambi yenyi, iye makapwa mwanami.