Kutuhuka 6:4 - MUKANDA USANDU WA ZAMBI 1975

⁴ Nakolesele no usendo wami mukwaaha chifuchi cha Kanana, chifuchi cha unjize wo kuze atwamine njize.

Mukanda Wa Zambi 1970

⁴ Nawa, yingukolesa no Usendo, yingwalakenya chifuchi cha Kanana, chifuchi chize atwamine ngwe njize.

Kutuhuka 6:4 Iomraidhean Croise

Ubutukilo 12:7

Mba Yehova yasoloka kuli Apalama, yamba ngwenyi, Chifuchi chino munguchihana ku munyachi we. Mba kuli Yehova yoze yasoloka kuli iye yamutungilako chilumbilo.

Ubutukilo 15:13

Mba yamba kuli Apalama ngwenyi, Nyingika pundu akwa munyachi we makapwa njize mu chifuchi hi nicho ko, makapwa ndungo, makaapinjisa makulakaji awana a miaka.

Ubutukilo 15:18

Ha tangwa lienalio Yehova yakolesa usendo ni Apalama ngwenyi, Chifuchi chino hinachihana ku munyachi we, chize ku lwiji wa Engitu ndo ku lwiji munene, mwe Ufrateze;

Ubutukilo 17:13

Ni yoze wasemuka mu zuwo lie, ni yoze wa kulanda ni mbongo jenu, eswe akwete kupwa ngalami. Mba usendo wami muukapwa mu musunya wenu, usendo wa mutolo.

Ubutukilo 17:4

Nyi yami, tala usendo wami kuwakola ni yena, kumukapwa kakó ya chihuji cha mavungu.

Ubutukilo 23:4

Nguli chilambala, nguli njize hakachi kenu, ngwehenu chihela chimwe chikapwe chifuka hanga ngukafunde afu jami kumeso jami.

Ubutukilo 26:3

Twama njize mu chifuchi chino mba mungupwa hamwe ni yena, mungukuwahisa. Mumu munguhana yifuchi yino yeswe kuli yena ni munyachi we. Mungukolesa shingo lize nalishingile nalio kuli tatenu Apalahama.

Ubutukilo 26:4

Mungukokesa munyachi we ngwe matongonoshi a mwilu. Ku munyachi we mungukahana yifuchi yino yeswe, mba mu munyachi we mavungu eswe a hashi makawaha.

Ubutukilo 28:13

Chikwo nawa Yehova kanamana helu liayo, yamba ngwenyi, Yami Yehova, Zambi ya tatenu Apalahama, Zambi ya Izake, chifuchi chino unapombo mungukwahacho, ni kuli akwa munyachi we.

Ubutukilo 28:4

Akakwehe chiwape cha Apalahama, ni ku munyachi we hamuwika hanga ukahinge chifuchi cha unjize we, chize Zambi wahanyine kuli Apalahama.

Ubutukilo 6:18

Alioze mungukolesa usendo wami ni yena. Kumukanjila mu ulungu, ni yena, ni ana je a malunga, ni mukwenu-pwo, ni mapwo ja ana je hamuwika ni yena.

2 Samuel 23:5

Chamwenemwene munyachi wami kuwapwile chocho ni Zambi, hindu hanakolesa ni yami usendo wa mutolo, wa kululika mu yuma yeswe, wakola. Wenawo wapwa ulamwino wami weswe ni kuzanga chami cheswe, chipwe kausokeseleko.

Miaso (Masamu) 105:11

ngwenyi, Kuli yena munguhana chifuchi cha Kanana, njiza ya chihinga chenu.

Miaso (Masamu) 105:12

Shimbu te achili atu akehe ha kwaalula. Ewa, achili te akehe chikolo, njize mu chifuchi.

Kutuhuka 13:4

Nunakatuka musono ha kakweji wa Ambimbi.

Kutuhuka 13:5

Chikapwe muze Yehova makanuhetesa ku chifuchi cha A-Kanana, ni cha A-Hete, ni cha A-Amore, ni cha A-Hevwe, ni cha A-Yepushe, che chize alishingile kuli tulamba twenu mukunwaha, chifuchi kuze kunokela yamwa ni wuchi, ngwami, Ha kakweji yono mwene nukalinge uvumbiko uno.

Kutuhuka 6:8

Kumakanuhetesa ku chifuchi chize washingile ngwenyi, Mungukachihana kuli Apalahama ni kuli Izake ni kuli Yakomba. Mungukanwahacho chihinga. Yami Yehova.

Izaya 55:3

Neha twitwi lie, wize kuli yami. Panjika, mbunge ye yikatwame ni mwono. Mungukolesa ni yena usendo wa mutolo, utu wami wa zango ukolo kuli David.

Kwalula 10:29

Mose yamba kuli Hobabe, mwana wa Reuele, Ka-Mindiane, tato-weno ya Mose ngwenyi, Mu wenyi tuli, tukaye ku chifuchi chize Yehova ambile ngwenyi, Mungunwahacho. Tweyenu hamwe ni yetu, mutunulinga kapema; mumu Yehova hanahanjika yipema ha kutwala kuli A-Izalele.

Yilinga 7:5

alioze kamuhelemo chihinga nichimwe, chipwe haze masa chiliato chenyi, ka: hindu walakenyene kunwahacho akachipite iye mwene, ni munyachi wenyi kulutwe lienyi, shimbu te kanda apwa ni mwana.