Kutuhuka 6:3 - MUKANDA USANDU WA ZAMBI 1975

³ Nalisolwele kuli Apalahama ni kuli Izake ni kuli Yakomba ngwami, Yami Zambi Mukwa-Ndundo-Jeswe. Alioze ku jina liami lia Yehova, o kamunyingikine.

Mukanda Wa Zambi 1970

³ Hingunalisolola kuli Abrahama, ni Isake, ni Yakoba ngwami, nguli Zambi Mukwa Ndundo Jeswe. Alioze chaalwezele jina lino ngwami, Mwene Zambi

Kutuhuka 6:3 Iomraidhean Croise

Ubutukilo 13:18

Apalama yatutulula mbalaka yenyi, yaya, yatwama ku mitondo ya Mamare, yize yatwama mu Heprone. Kwenako yatungila Yehova chilumbilo.

Ubutukilo 17:1

Muze te Apalama kali ni makumi livwa a miaka ni miaka livwa Yehova yasoloka kuli Apalama nikwamba kuli iye ngwenyi, Yami nguli Zambi Mukwa-Ndundo-Jeswe, enda kumeso jami upwe mungunu.

Ubutukilo 22:14

Apalahama yalukako jina ngwenyi, Yehova-yile. Chocho kakwamba ndo musono ngwo, Mu mulundu wa Yehova kumakachimona.

Ubutukilo 28:3

Zambi Mukwa-Ndundo-Jeswe akakuwahise, akakwehe ana, akakwokese ukapwe chendo cha mavungu.

Ubutukilo 35:11

Zambi yamba kuli iye ngwenyi, Yami nguli Zambi Mukwa-Ndundo-Jeswe. Useme, uliwezele; vungu ni chendo cha mavungu makasemuka kuli yena; mianangana makasemuka ku mitanda ye.

Ubutukilo 48:3

Yakomba yamba kuli José ngwenyi, Zambi Mukwa-Ndundo-Jeswe wasolokele kuli yami ku Luze mu chifuchi cha Kanana, yanguwahisa.

Miaso (Masamu) 68:4

Embilenu Zambi. Imbenu uhaliso ku jina lienyi. Lulikenu tapalo lia yoze wakupalika ndusu mu puya. Jina lienyi Yehova; likwizenu kumeso jenyi.

Miaso (Masamu) 83:18

Akanyingike ngwo, Yena wika uli ni jina lia Yehova, uli mwe Chitunda helu lia hashi heswe. Kuli Njimba mukwa lutwe. Ha Ngitite. Samu lia ana a Kora.

Kutuhuka 15:3

Yehova iye Kajita. Jina lienyi, iye Yehova.

Kutuhuka 23:21

Ulifunge kumeso jenyi, uhalakane ku liji lienyi. Kanda ukamuvwisa kupiha mumu iye kechi kukonekena uvulumunyi we, mumu jina liami lili muli iye.

Kutuhuka 3:14

Zambi yamba kuli Mose ngwenyi, nguli chize nguli. Mba ngwenyi, Chocho ukambe kuli A-Izalele ngwe, yami nguli hangutuma kuli yenu.

Izaya 42:8

Yami Yehova, lie jina liami alio; uhenya wami chichi kuhana kuli niumwe mukwo. Chichi kuhana uhaliso wami ku tuponya twa kwola.

Izaya 44:6

Yehova, Mwanangana wa Izalele, Mukwa-Kukula, Yehova-wa-Tujita kanambe ngwenyi, Yami mutangu ni yami kasula-songo; kukushi zambi niumwe shina yami mwene.

Jeremia 16:21

Kashika mungwanyingikisa, chisuho chino chimuwika mungwanyingikisa ngolo jami, ni ndundo jami, mba kumanyingika jina liami ngwo, Yehova.

Jeremia 33:2

Chino kanambe Yehova Tangi ya hashi, Yehova mukwa kuwumba hashi akakoleseho—jina lienyi Yehova, ngwenyi,

Ezekiel 20:5

wambe kuli ayo ngwe, Mwene Yehova kanambe ngwenyi, Ha tangwa lize natongwele Izalele nalishingile kuli ana ja munyachi wa Yakomba nikulisolola kuli ayo mu chifuchi cha Engitu. Nalishingile kuli ayo ngwami, Yami nguli Yehova Zambi yenu.

Ezekiel 37:13

Enu atu jami, munukanyingika yami nguli Yehova muze hinapakula mafuka jenu ni kunuhindwisa ku mafuka jenu.

Ezekiel 37:6

Mba mungusa mijipa hali yenu, mungusaho musunya nawa, ni kunufuka ni kowa, ni kunusa mwiku, munukapwa ni mwono, mba munukanyingika yami nguli Yehova.

Yoano 8:58

Yesu wambile kuli ayo ngwenyi, Pundu, pundu, ngunambe kuli yenu ngwami, Muze te Apalahama kanda apwa, yami nguli.

Usolwelo 1:4

Yami. Yoano ngunasoneka ku yikungulwila shimbiali yize yili mu Eshia: Vumbi kuli yenu ni sambukila ya kuli yoze kwali, yoze wapwile, yoze meza kupwa: ni ya kuli Maspiritu shimbiali waze ali kulutwe lia ngunja yenyi;

Rute 1:20

Iye yamba kuli ayo ngwenyi, Kanda nunguvuluka ngwenu, Noemi, ambenu ngwenu, Mara, mumu mwe Mukwa-Ndundo-Jeswe hangulinga yuma yisasu chikolo.