Kutuhuka 6:2 - MUKANDA USANDU WA ZAMBI 1975

² Zambi yahanjika ni Mose, ngwenyi, Yami Yehova.

Mukanda Wa Zambi 1970

² Zambi yambila Mose ngwenyi: “Nguli Mwene Zambi.

Kutuhuka 6:2 Iomraidhean Croise

Ubutukilo 15:7

Yamwamba ngwenyi, Yami nguli Yehova, nakuchijile ku Ure ya A-Kaletea ngukwehe chifuchi chino cha chihinga.

Kutuhuka 12:12

Mumu te ha ufuku mungupalika ndusu chifuchi cha Engitu, mungulamba e tupula-majimo eswe mu chifuchi cha Engitu, ni kuli atu, ni kuli tushitu. Mungupatwila tuzambi tweswe twa Engitu. Yami Yehova.

Kutuhuka 14:18

A-Engitu kumakanyingika ngwo, Mwe Yehova, muze hinazuka ulemu ha kukumba Falau ni matemba jenyi, ni akwa tuvwalu twenyi.

Kutuhuka 15:3

Yehova iye Kajita. Jina lienyi, iye Yehova.

Kutuhuka 17:1

Chikungulwila cheswe cha A-Izalele ayile wenyi wo, chize ku puya ya Shini, chilombo ha chilombo nikulita ni liji lia shimbi ya Yehova, ndo yatunga chilombo cho ku Refwindimi. Kukwapwileko meya a kunwa niamwe.

Kutuhuka 20:2

Nakuchijile ku chifuchi cha Engitu, ku zuwo lia upinji, Yami Yehova Zambi ye.

Kutuhuka 3:14

Zambi yamba kuli Mose ngwenyi, nguli chize nguli. Mba ngwenyi, Chocho ukambe kuli A-Izalele ngwe, yami nguli hangutuma kuli yenu.

Kutuhuka 3:15

Chikwo ambile Zambi kuli Mose ngwenyi, Chocho ukambe kuli A-Izalele ngwe, Yehova, Zambi ya tulamba twenu, Zambi ya Apalahama, Zambi ya Izake, Zambi ya Yakomba hangutuma kuli yenu ngwenyi, Jina liami lino, ndo ku miaka ya mutolo. Chiwulwiso chami chino ndusu yisemuko yeswe.

Kutuhuka 6:29

Yehova yamba kuli Mose ngwenyi, Yami Yehova. Hanjika ni Falau mwanangana wa Engitu chize cheswe ngunambe kuli yena.

Kutuhuka 6:6

Kashika amba kuli A-Izalele ngwe, Iye Yehova. Kumakanuchiza kushi lia yiteli ya A-Engitu; makanupulula ku upinji wo; makanukula ni kwoko lia kwolola ni yitanga yinene ya upatwilo.

Kutuhuka 6:8

Kumakanuhetesa ku chifuchi chize washingile ngwenyi, Mungukachihana kuli Apalahama ni kuli Izake ni kuli Yakomba. Mungukanwahacho chihinga. Yami Yehova.

Izaya 42:8

Yami Yehova, lie jina liami alio; uhenya wami chichi kuhana kuli niumwe mukwo. Chichi kuhana uhaliso wami ku tuponya twa kwola.

Izaya 43:11

Yami, yami nguli mwe Yehova. Niumwe chilamwina keshiko shina yami mwene.

Izaya 43:15

Yami nguli Yehova, Musandu wenu, Tangi ya Izalele, mwe Mwanangana wenu.

Izaya 44:6

Yehova, Mwanangana wa Izalele, Mukwa-Kukula, Yehova-wa-Tujita kanambe ngwenyi, Yami mutangu ni yami kasula-songo; kukushi zambi niumwe shina yami mwene.

Jeremia 9:24

Alioze yoze malisamba alisambe mumu ha kungusa chinyingi ni ha kungunyingika, yami Yehova mukwa kulinga ni utu, ni chize chinalite, ni ululi hashi. Mumu Yehova kanambe ngwenyi, Nakuwahilila ni yuma yino.

Ezekiel 20:5

wambe kuli ayo ngwe, Mwene Yehova kanambe ngwenyi, Ha tangwa lize natongwele Izalele nalishingile kuli ana ja munyachi wa Yakomba nikulisolola kuli ayo mu chifuchi cha Engitu. Nalishingile kuli ayo ngwami, Yami nguli Yehova Zambi yenu.

Malaki 3:6

Mumu yami Yehova chishi kwalumuka, kashika enu ana ja Yakomba kanunongesele.