Kutuhuka 5:3 - MUKANDA USANDU WA ZAMBI 1975

³ O yamba ngwo, Zambi ya A-Hepreu hatakana ni yetu. Tunaliumbu, utweche, tuye wenyi wa matangwa atatu mu puya tukalambule yitapo kuli Yehova Zambi yetu, kuchina hanji iye matulundumukina ni chilungo hanji ni katana.

Mukanda Wa Zambi 1970

³ No yaamba ngwo: “Zambi ya Ahebreu hatusolokela. Twalemba, twehe jila ya wenyi wa matangwa atatu mu puya, hanga tukalambule Mwene Zambi, Zambi yetu, mulambu. Nyi ka, matushiha ni misongo hanji ni jita.”

Kutuhuka 5:3 Iomraidhean Croise

1 MIANANGANA 17:25

Chapwile ha kuputuka kutwamako kevwilile woma Yehova, kashika Yehova yatuma ndumba hakachi ko; yashiha amwe.

2 Sango Ja Mianangana 30:8

Kanda nukwata pami haliapwila ngwe tulamba twenu; liechenu kuli Yehova. Njilenu mu zuwo lienyi lisandu lize hasela ku usandu wa mutolo, nukalingile Yehova Zambi yenu, hanga utenu wenyi usasu unukatuke.

Ezra 7:23

Cheswacho matuma mwe Zambi ya mwilu nuchilinge zwa ha zuwo lia Zambi ya mwilu kuchina mukupwa ufwatulo ha yifuchi ya mwanangana ni ana jenyi.

Kutuhuka 3:18

O kumakapanjika ku liji lie, mba ni yena ni makulwana ja A-Izalele munukaheta kuli mwanangana wa Engitu, nukamwambulwile, ngwenu, Yehova Zambi ya A-Hepreu, heza kuli yetu, kashika utweche haliapwila tuye kama wenyi wa matangwa atatu mu puya, hanga tukalambule yitapo kuli Yehova Zambi yetu.

Kutuhuka 7:16

Amba kuli iye ngwe, Yehova, mwe Zambi ya A-Hepreu, hangutuma kuli yena ngwenyi, Echa atu jami aye, akangulingile mu puya. Kumanyi ndo haliapwila kwahalakanyine.

Kutuhuka 8:1

Mba Yehova yamba kuli Mose ngwenyi, Heta kuli Falau, umwambulwile ngwe, Chocho anambe Yehova ngwenyi, Echa atu jami aye, akangulingile.

Kutuhuka 8:20

Yehova yamba kuli Mose ngwenyi, Ulimeneke ha chimene umane kumeso ja Falau. Iye kumatuhuka akaye ku lwiji, umwambulwile ngwe, Chocho anambe Yehova ngwenyi, Echa atu jami aye, akangulingile.

Kutuhuka 8:27

Etu mutuya mu puya, wenyi wa matangwa atatu, tukalambule kuli Yehova Zambi yetu yitapo chizechene ngwe iye matwamba.

Ezekiel 6:11

Mwene Yehova kanambe ngwenyi, Sakwila ni koshi, linyehune, ukambe ngwe, Mama yami! Mumu ha yuma yeswe yipi ya lwaji ya munyachi wa A-Izalele. Mumu kumakafwa ni katana, ni kapunga, ni chilungo.

Alevi 26:25

Mungutuma hali yenu katana wa kukala ha usendo. Munukunguluka mu yihunda yenu mba mungutuma misongo ya kulukumuka hakachi kenu akanukunjike kuli akwa kole jenu.

Shimbi 28:21

Yehova makanukwachisa chilungo, ndo makanumanuna ku chifuchi nunayi kuchizuka.