Kutuhuka 5:2 - MUKANDA USANDU WA ZAMBI 1975

² Falau yamba ngwenyi, Yehova iya? Mba ngupanjike ku liji lienyi, ngweche A-Izalele kuya? Ami Chanyingikine Yehova, chikwo nawa chichi kwecha A-Izalele kuya.

Mukanda Wa Zambi 1970

² Mwanangana ngwenyi: “Mwe Mwene Zambi kali iya? Mumu yika Changutamba kumwivwa ni kwecha Aisraele kuya? Mwene Zambi yoze, yami chamunyingikine, chahashile kwaha Aisraele jila ha kuya.”

Kutuhuka 5:2 Iomraidhean Croise

1 MIANANGANA 18:35

Zambi muka hakachi ka mazambi a yifuchi yeswe hapulula chifuchi chenyi ku kwoko liami, mba nunyonge ngwenu, Yehova mapulula Yerusaleme ku kwoko lienyi?

2 Sango Ja Mianangana 32:14

Hakachi ka mavungu aze atata akuwishile, mwe zambi muka hakachi ka mazambi eswe wahashile kupulula atu jenyi ku kwoko liami? Nyi chocho mba Zambi yenu mahasa kunupulula ku kwoko liami?

2 Sango Ja Mianangana 32:15

Kashika kanda nutayiza Hezekia kunwonga chocho, hanji kunukununa. Kanda numutá mumu niumwe zambi wa mavungu eswe ni mawanangana eswe hahasa kupulula atu jenyi ku kwoko liami, chipwe ku moko ja atata. Nyi o kahashile, mba Zambi yenu mahasa kunupulula ku kwoko liami?

2 Sango Ja Mianangana 32:19

Yahanjika ha kutwala kuli Zambi ya Yerusaleme ngwe chimuwika apwa ni mazambi a mavungu a hashi, a kulinga ni moko ja atu.

Nehemia 9:10

Walingile yilayi ni yikomokeso hali Falau ni hali ngamba jenyi eswe, ni hali atu eswe a chifuchi chenyi mumu wanyingikine chize alivwimbile kulimika ni ana je. Jina lie liafumanyine ngwe linafumana tangwa lia musono.

Jobe 15:25

Mumu hazoza moko jenyi kulimika ni Zambi; kakuhamwisa Mukwa-Ndundo-Jeswe,

Jobe 15:26

kulipupapupa nenyi ni pami ni lukepwe wa kukolesa;

Jobe 21:15

Mukwa-Ndundo-Jeswe kuchi apwa tumulingile? Nyi mutulemba kuli iye kutumbuka chika chiliko?

Miaso (Masamu) 10:4

Chingulungulu mu kulengumuka cha meso jenyi keshi kufupa Zambi. Mu kutaka chenyi cheswe Zambi keshiko.

Miaso (Masamu) 12:4

Waze akwamba ngwo, Mutukumba ni malimi jetu. Mivumbo yetu ya mbala ya yetu; iya mapwa mwene wa yetu?

Miaso (Masamu) 12:5

Yehova kanambe ngwenyi, Mumu ha lamba lia mukwa luyinda, ha mikuma ya chiswale mungukatuka haliapwila. Mungumusela homa hawape haze iye akufupa nikuhwimashana.

Miaso (Masamu) 14:1

Chihepuke kanambe mu mbunge yenyi ngwenyi, Kukushi Zambi niumwe. Hanapiha; kakulinga yitanga ya kuzelwokesa. Kukushi niumwe yoze unalingi chipema.

Kutuhuka 3:19

Ngunanyingika mwanangana wa Engitu kechi kanutayiza kuya, ka, ndo ni kwoko lia ndundo.

Kutuhuka 7:17

Chocho anambe Yehova ngwenyi, Muno mwene mukangunyingika ngwe, Mwe Yehova. Mulumbu uno uli mu kwoko liami mungukalamba nawo meya ali mu lwiji, o kumakalumuka manyinga.

Yishima 30:9

kuchina hanji mungukuta mba mungulikala yena ngwami, Yehova iya? Hanji kuchina ngupwe chiswale mba ngukeye ni kujilula jina lia Zambi yami.

Jeremia 42:13

Alioze nyi munwamba ngwenu, Kutuchi kutwama mu chifuchi chino, ni kukolema ku liji lia Yehova Zambi yenu

Jeremia 48:26

Muzengewese mumu walifujile kulimika ni Yehova, kashika Moape makalifwita mu yisaza yenyi, mba iye nawa mamuyunga.

Daniel 3:15

Nyi numutá, muze munwivwa liji Iia chitavwi, ni lundembo, ni kalialia, ni chisaji cha kusa, ni ngaita, ni milali yeswe ya yisaji, nukafulamane nukawayile kaponya yono hinalinga, chipema. Alioze nyi kunusolo kuwayila, manunyasa haliapwila mu lutengo wa kahia ka kulengenya, mba mwe zambi yoze mahasa kunulamwina ku moko jami iya?

Yoano 16:3

Yino yuma makalinga, mumu kanyingikine Tata, chipwe yami, ka.

A-ROMA 1:28

Mba chizechene ngwe katayile kupwa ni Zambi mu kunyonga cho, Zambi waakunjikile ku manyonga a kulumbuka, mukulinga yuma yize kuyatele:

2 A-TESALONIKA 1:8

mu kahia ka kulekwoka, akakale milonga ya waze kanyingikine Zambi, ni waze keshi kwononoka ku sango lipema lia Mwene wetu Yesu.

Akwa Kuyula 2:10

Chisemuko chize cheswe ayile kuli tulamba two; kwasemukine chisemuko chikwo kulutwe lio, cha waze kanyingikine Yehova chipwe chitanga chize halingila A-Izalele.

1 Samuel 2:12

Ana ja Eli o apwile atu amokomoko. Kanyingikine Yehova.

1 Samuel 25:10

Nabale yakumbulula kuli akweze ja David ngwenyi, David iya? Mwana wa Yese kuchi apwa? Matangwa ano ngamba anji kakuchina akako.