Kutuhuka 5:16 - MUKANDA USANDU WA ZAMBI 1975

¹⁶ Kuli yetu ngamba je keshi kuhana mwambu. O kanambe kuli yetu ngwo, Tengenu tijolo, mba kumanyi kanatulambe yetu ngamba je, alioze mulonga wa mbala wa atu je.

Mukanda Wa Zambi 1970

¹⁶ Kaasolo kutwaha nawa mwambu, yetu ngamba jenu, hindu kaanatwambe ngwo, tulinge tujolo (briki) ngwe hatangu! Ni haliabwila kaanatulambe, yili milonga ya atu jenu.”

Kutuhuka 5:16 Iomraidhean Croise

Ubutukilo 11:3

Yaliamba umwe kuli mukwo ni mukwo ngwo, Tuyenu tutenge tijolo tukayoche kanawa. Chocho apwile ni tijolo kusalakana mawe, ni malowa kusalakana ndambo.

1 Yitanga Ya Mianangana 12:14

Yahanjika kuli ayo nikulita ni mana ja akweze, ngwenyi, Tata walemesene kanga yenu; ami munguwezaho. Tata wamwambile ni shikote; ami mungunulamba ni tuvwanda.

Kutuhuka 5:15

Hohene yaheta tupita twa kuli A-Izalele, yateta kuli Falau, ngwo, Kuchi te unalingi chocho ni yetu ngamba je?

Kutuhuka 5:17

Alioze iye wambile ngwenyi, Nunahehe lume, nunahehe ni milimo, kashika nunambe ngwenu, Tweche, tuye, tukalambule yitapo kuli Yehova.

Longeshi 4:1

Mba yinguhiluka yingumona yuma yeswe ya kupinjisa kakuyilinga kushi lia tangwa. Masoji ja waze anaapinjisa ni keshi ni akwa kwalembejeka. Akwa kupinjisa o kali ni tachi hamwe no, hindu kukushi akwa kulembejeka.

Ezekiel 16:4

Ha kutwala ku kusemuka che, ha tangwa lia kusemuka mukuvu we kautetele, kakusanyishine meya ukapeme, chipwe kukukwichila mungwa, chipwe kukuvunga mu mahina.