Kutuhuka 5:1 - MUKANDA USANDU WA ZAMBI 1975

¹ Kulutwe Mose ni Arone yanjila, yamba kuli Falau ngwo, Chocho anambe Yehova, Zambi ya A-Izalele, ngwenyi, Echa atu jami aye akangulingile chiwanyino mu puya.

Mukanda Wa Zambi 1970

¹ Mba Mose ni Arane yaaya maha mwanangana wa Egiptu ni kumulweza ngwo: “Mwene Zambi, Zambi ya Aisraele, kanambe ngwenyi: ‘Echa atu jami aye akangulingile chiwanyino mu puya ni kungulemesa.’ ”

Kutuhuka 5:1 Iomraidhean Croise

1 Yitanga Ya Mianangana 21:20

Ahabe yamba kuli Eliya ngwenyi, Ena mukwa kole, hiwanguwana nyi? Aye yakumbulula ngwenyi, E, hinakuwana mumu hiwalilanjisa kulinga chipi kumeso ja Yehova.

Miaso (Masamu) 119:46

Munguvuluka Shindakenyo je kumeso ja mianangana nawa; chichi kwivwa sonyi.

Kutuhuka 10:3

Mose ni Arone yaheta kuli Falau, yamba kuli iye ngwo, Chocho anambe Yehova, Zambi ya A-Hepreu, ngwenyi, Ndo mwiji muka kusolo kulilelesa kumeso jami? Echa atu jami aye, akangulingile.

Kutuhuka 10:4

Nyi ka, nyi kusolo kwecha atu jami kuya, hamene kumungukaneha makumbi mu chifuchi che.

Kutuhuka 10:9

Mose yamba ngwenyi, Etu kumutukaya ni twanuke twetu, ni makulwana jetu, ni ana jetu a malunga, ni ana jetu a mapwo, ni yimuna jetu, ni ngombe jetu, kumutukaya no, mumu chatutamba kulingila Yehova chiwanyino.

Kutuhuka 3:18

O kumakapanjika ku liji lie, mba ni yena ni makulwana ja A-Izalele munukaheta kuli mwanangana wa Engitu, nukamwambulwile, ngwenu, Yehova Zambi ya A-Hepreu, heza kuli yetu, kashika utweche haliapwila tuye kama wenyi wa matangwa atatu mu puya, hanga tukalambule yitapo kuli Yehova Zambi yetu.

Kutuhuka 33:13

Haliapwila kashika, ngunakulembe, kachi hinawana vumbi kumeso je, ngulweze kama majila je, ngukunyingike hanga nguwane vumbi kumeso je, uchinyonge kama, ngwami, vungu lino kuliapwa atu je.

Kutuhuka 4:23

Yami namba kuli yena ngwami, Echa mwanami aye akangulingile. Nyi yena kusolo kumwecha, tala, mungukashiha mwané, mwané mutangu.

Kutuhuka 6:11

Yako uhanjike ni Falau mwanangana wa Engitu, akeche A-Izalele akakatuke ku chifuchi chenyi.

Kutuhuka 6:27

O ahanjikile ni Falau mwanangana wa Engitu akachize A-Izalele ku Engitu, wano a Mose ni Arone.

Kutuhuka 7:16

Amba kuli iye ngwe, Yehova, mwe Zambi ya A-Hepreu, hangutuma kuli yena ngwenyi, Echa atu jami aye, akangulingile mu puya. Kumanyi ndo haliapwila kwahalakanyine.

Kutuhuka 7:2

Yako ukahanjike yize yeswe ngunakwambe. Yayenu Arone akahanjike kuli Falau hanga akeche A-Izalele akakatuke ku chifuchi chenyi.

Kutuhuka 8:1

Mba Yehova yamba kuli Mose ngwenyi, Heta kuli Falau, umwambulwile ngwe, Chocho anambe Yehova ngwenyi, Echa atu jami aye, akangulingile.

Kutuhuka 8:16

Yehova yamba kuli Mose ngwenyi, Ambulwila Arone ngwe, Zundula mulumbu we ulambe fufuta ya hashi hanga yialumuke yina ndusu mu chifuchi cheswe cha Engitu.

Kutuhuka 8:17

Chocho alingile, Arone yolola kwoko lienyi ni mulumbu wenyi, yalamba fufuta ya hashi, mba yina apwile hali atu, ni hali tushitu, fufuta yeswe ndusu mu chifuchi cha Engitu yiyialumuka yina.

Kutuhuka 8:20

Yehova yamba kuli Mose ngwenyi, Ulimeneke ha chimene umane kumeso ja Falau. Iye kumatuhuka akaye ku lwiji, umwambulwile ngwe, Chocho anambe Yehova ngwenyi, Echa atu jami aye, akangulingile.

Kutuhuka 8:27

Etu mutuya mu puya, wenyi wa matangwa atatu, tukalambule kuli Yehova Zambi yetu yitapo chizechene ngwe iye matwamba.

Kutuhuka 9:1

Hohene Yehova yamba kuli Mose ngwenyi, Njila kuli Falau ukambe kuli iye ngwe, Chocho anambe Yehova, Zambi ya A-Hepreu ngwenyi, Echa atu jami aye, akangulingile.

Kutuhuka 9:2

Nyi yena mwakwika, kusolo kwaecha kuya,

Izaya 25:6

Ha mulundu uno Yehova-wa-Tujita kumakalinga chiwanyino cha yuma ya maji hali mavungu eswe, te chiwanyino cha vinyu yinenguluka, ni yuma ya maji ya tò ni usongosongo, ni vinyu yinenguluka, ya kupemesa kanawa.

Ezekiel 2:6

Ni yena, mwana mutu, kanda wavwila woma, kanda wivwa woma wa maliji jo chipwe muopwa ni mikalale ni mbimbo; chipwe mutwama hakachi ka tuvwanda. Kanda uvwila woma maliji jo, chipwe kutatajala mumu ha kutala cho, mumu kapwa munyachi wa yihulia.

Mateu 10:18

No kumakanuneha kumeso ja manguvulu ni mianangana mumu hali yami, hanga nukapwe Shindakenyo kuli ayo, ni kuli akwa mavungu.

Mateu 10:28

Kanda nukavwila woma waze akushiha mujimba, hindu kahashile kushiha alma: alioze Shinaho muvwilenu woma yoze mahasa kwonwona ni alma ni mujimba mu Ngehena.

Yilinga 4:29

Haliapwila, Mwene, tala kama kwomisa cho: hana kama kuli ndungo je akahanjike liji lie ni hamu lieswe,

1 Korintu 5:8

kashika tufungenu chiwanyino, hi ni futunwiso yikulu ko chipwe ni futunwiso ya uhuka ni ungulungulu, ka, alioze ni mbolo kuyishi futunwiso ya kutuwika cha mbunge ni umwenemwene.