Kutuhuka 40:9 - MUKANDA USANDU WA ZAMBI 1975

⁹ Ukande maji a kuwayisa no, ukawayise ye tabernakulu ni yize yeswe yilimo. Ukayisele ku usandu ni yikashi yeswe yayo. Yikapwe yisandu.

Mukanda Wa Zambi 1970

⁹ “Mba ukande maji ukakwite zuwo lia Zambi ni yikashi yeswe yize yilimo, ha kuyikunjika.

Kutuhuka 40:9 Iomraidhean Croise

Miaso (Masamu) 45:7

Kuwazanga ululi; kuwavwila kole ungulungulu; kashika Zambi, Zambi ye, hanakuwayisa ni maji a uwahililo helu lia akwenu.

Kutuhuka 37:29

Yachinga maji asandu a kuwayisa no. Yachinga insensu yitoma ya tumbuto twa lupembo mupema nikulita ni milimo ya mukwa kuchinga tumbuto twa lupembo mupema.

Kutuhuka 39:39

ni chilumbilo cha unengu, ni sambu jacho ja unengu, ni mikambo yacho, ni yikashi yeswe yacho, ni lumbasia lwa kusanyina ni nganda yalwo;

Kutuhuka 40:8

Ukajike yize ya kujingilika kweswe. Ukazezeleke hina lia kufuka chikolo cha ku yize.

Izaya 11:2

Spiritu ya Yehova makahwimina hali iye, Spiritu ya malinjekela ni yinyingi, Spiritu ya yiyulo ni ndundo, Spiritu ya mana ni woma wa Yehova.

Izaya 61:1

Spiritu ya Mwene Yehova hwali hali yami, mumu Yehova hananguwayisa ngukanehe sango lipema kuli yiswale. Hanangutumu ngukawuke waze amakuka mbunge, kwambujola kutusuka kuli funge, ni kwazulwila mapito a zuwo lia ususu kuli waze anakashiwa.

Ezekiel 28:14

Yena wapwile mwe kerupimi mukwa kufuka. Nakusele ukapwe ha mulundu usandu wa Zambi; wendele hakachi ka mawe a kahia.

Alevi 8:10

Mba Mose wanjile maji a kuwayisa no, yawayisa tabernakulu ni yize yeswe yilimo, yayisela ku usandu.

Kwalula 7:1

Ha tangwa lize Mose te hamana kumika tabernakulu, hayiwayisa ni maji, hayisela ku usandu hamwe ni yikashi yeswe yayo, ni chilumbilo hamwe ni yikashi yeswe yacho hayiwayisa ni maji, hayisela ku usandu,

Mateu 3:16

Muze te hamupapachisa, Yesu watutukile mu meya, ni kumanyi, malilu azulukile kuli iye, neye wamwene Spiritu ya Zambi kanahulumuka ngwe katele, nikwiza hali iye.

Yoano 3:34

mumu yoze Zambi hanamutumu kakuhanjika maliji a Zambi: mumu keshi kuhana Spiritu ku njongo.

2 Korintu 1:22

iye watujikile ni Chijikilo chenyi, watuhele chifungo cha Spiritu mu mbunge jetu.

2 Korintu 1:4

yoze wakutulembejeka mu luyinda wetu mweswe, hanga tukahase kulembejeka waze mapwa mu luyinda umwe, ni kulembejeka chize yetwene kakutulembejeka nacho kuli Zambi.

Hebreu 9:21

Ni mbalaka nawa ni yikwachilo yeswe ya uvumbiko wayisapwilile chizechene ni manyinga.

1 Yoano 2:20

Ni yenu kuwayisa nuli nacho cha kuli mwe Musandu, nunanyingika yuma yeswe.